انا هقول ليك ياخى انا مصمم على عمل مقابله
للى معاهم العربيه ليه
اولا علاشان نفيد بعض ونشوف المشاكل
والعربيات اللى مفهاش مشاكل
وطبعا ده لكى الكل يستفيد من الموضوع
وثانيا وده الاهم انه هيتم كشف الناس
اللى تابعه الى التوكيل اللى بتخش نشتم
وتكدب ان العربيه كويسه وخاليه من العيوب
نهائى لان العربيه ظهر موضوع قربه المياه
الخاصه بالداتير العربيه وهى انها بتشرخ لوحدها
وهى من قطع الغيار اللى مش موجوده
زى مناس بتقول ان قطع الغيار موجوده
وحجات كتير جدا ساظهرها ليكم فى المقابله
ان شاء لله والمقابله هتكشف حجات كتير
فانا بصراحه مش عارف الكل خايف من المقابله ليه
وبعدين انى ابيع العربيه ده انا مش راضى
لانى كل ميجى حد يشترى العربيه بقول له العربيه
فيها كذا وكذا بيفكر انى بهرج وبيركب العربيه
وبينبهر بيها جدا وبيقول انها ليس فيها اى شىء
وطبعا ده مش صحيح فانا مش عايز اديها لحد
وبعد كده يدعى عليا فياخى الكريم انا على اتم الاستعداد انى اقابلكم فى اى وقت وفى ااى
مكان ويارب تكون فهمتم قصدى من الموضوع
وبعدين العربيه بسم لله مشاء لله عليها على الطريق زى الفل ملاهاش حل ودى الحاجه
الجميله فعلا فيها ولاكن كميه المشاكل اللى فيها
هى دى المشكله
وخد شوف ابو الفتوح من كتر الشكاوى والمحاضر اللى معموله له بيعمل ايه
وده نص الموضوع من جريده اليوم السابع شوف مكتوب ايه
يحاول رجل الأعمال حسام أبو الفتوح الآن التفاوض وديا مع أكثر من عميل من مستخدمى السيارة اسبر نزا بأنواعها، الذى يعد وكيلها الوحيد فى مصر بعد أن تزايد عدد المتقدمين بشكاوى إلى جهاز حماية المستهلك، وتصعيدها إلى دعاوى قضائية بالمحكمة الاقتصادية انتهت بضرورة تحويل السيارة إلى قسم السيارات بكلية الهندسة بجامعة القاهرة، إلى لجنة خاصة للكشف عن عيوب صناعتها، الأمر الذى أساء بسمعة السيارة فى مصر، و هدد حجم مبيعاتها.
عيوب السيارات اسبرانزا أصبحت كالكابوس الذى يطارد صاحب التوكيل بمصر، ورئيس مجموعة دايرموتورد ايجيبت، والذى ظهر بشكل واضح فى تقدم أكثر من عميل ومستخدم للسيارة بأنواعها المختلفة إلى جهاز حماية المستهلك بشكاوى متعددة، نتيجة وجود عيوب صناعة بالسيارة، والتى اكتشف بعض مستخدميها بعد أقل من شهر سوء حالة الموتور والبطارية.
السيارة التى ظهرت فى السوق المصرى منذ عدة سنوات، لم تبدِ فى السنة الأولى أى انطباعات سيئة لدى العملاء بسبب إقبال عدد كبير من العملاء للسيارات الملاكى عليها، إلا أن عيوب السيارة بدأت فى الظهور بوضوح عند الاتفاق على دخول السيارة فى مشروع تاكسى العاصمة، والتى ظهر فيها بشكل كبير عيوب الصناعة للسيارة.
وبعد الحكم لصالح أحد العملاء فى القضية 2952 جنح اقتصادية بتهمه الغش التجارى بتغريم الشركة 50 ألف جنيه، وفى الدعوى رقم 2751 جنح اقتصادية لصالح المهندس هانى محمد عبد العزيز بتغريم الشركة أيضا 10 آلاف جنيه، أقام مؤخرا مجموعة من المستهلكين دعاوى ضد أبو الفتوح، منهم عبده أحمد عرفة وأحمد عبده أحمد وماجدة محمود السيد.
فانا مش بهاجم العربيه ولاكن انا بقول الحق
اللى الكل زعلان منه ومش عارف الكل زعلان ليه
زى الاخ اللى بيقول ليا احسن انك متشركشى تانى
هو واخ تانى يعنى اغش فى راى انا بقوله على
اللى انا بشوفه فى التوكيل وكميه العربيات
والمشاكل ولا اقول اللى عربيته كويسه ايه المانع اننا نشوفها ونقارن بيها علاشان لما نقول ليهم ده عيب فى عربيتنا محدش معهم يقول لاء دى كده
نقوم نقول ليهم لاء دى مش كده وفيه عربيات مفهاش ده عرفت ياخى لابد من عمل المقابله ليه
واسف على الاطاله
المفضلات