موجان ولا اكسنت ولا لانسر ولا لانوس

**mostbader** · 28-05-2011 03:00 PM

انا معايا 50 و لما اتمعظم 53 الف و محتار ما بين
1- لوجان 2009
2- اكسنت 2005
3- لانسر كرستاله 2000
4- لانوس 2006
5- جيلى باندا 2011 زيرو
انا اخترت على اساس النوع و الجوده و الارخص قطع غيار و استهلاك وقود و عائليه
معلش انا عارف ان السؤال متكرر بس انا عاوز اقرر و مش عارف و كل واحد بيلعبلى فى دماغى فقولت لما استشير اهل الخبره مثلكم

**M.Alaa92** · 28-05-2011 03:12 PM

بالترتيب
لوجان( عشان موديل عالى)
كريستالة
لانوس
اكسنت
ابعد عن الصينى
وممكن تفكر فى النوبيرا

**bero0o0o0** · 28-05-2011 04:45 PM

المشاركة الأصلية كتبت بواسطة mostbader

انا اخترت على اساس النوع و الجوده و الارخص قطع غيار و استهلاك وقود و عائليه

ماهو حضرتك ماينفعش تلاقي كل الحاجات دي في عربية واحدة لان مافيش عربية كاملة للدرجادي
لو حضرتك عايز النوع و الجودة يبقى هتاخد الكريستالة لانها ميتسوبيشي و جودة محترمة اعلى شوية من العربيتين الكوري و ممكن متكونش اعلى كتير من اللوجان
و لو على الارخص قطع غيار اكيد هاتبص على اللانوس و الاكسنت ارخص حاجتين بالترتيب
و استهلاك الوقود هتخليك في اللانوس و الكريستالة
و عائلية كلهم ينفعوا و ان كانت افضلهم اللوجان عشان عالية عن الارض و ثابتة و مريحة في المطبات الى حد كبير
و لو مكانك اشيل الصيني خالص من تفكيري و اخد الموديل الاحدث (اللوجان)

**mostbader** · 28-05-2011 05:43 PM

شكرا
انا كنت بفكر فعلا بين اللوجان و الكرستاله بس احترت مبين حاجتين الكرستاله موديل قديم بس ممكن اتوماتيك و قطع غيارها رخيصه و مش صعبه فى التصليح و اللوجان موديل جديد و عاليه و جميله ككماليات بس قطع غيار اغلى و صعبه فى تصليحها يعنى لازم التوكيل
و الاتنين قطع غيارهم بتعيش و معمره

**M.FOUAD** · 28-05-2011 06:09 PM

انت لو زودت شوية ل 55 الف ممكن تجيب لانسر مكوة 2001 بس مانيوال و دية رايي احسن اختيار و ممكن بالسعر اللي معاك تجيب صني 2001-2002

**mostbader** · 28-05-2011 06:14 PM

سؤال ممكن يكون مستفز شويه اللادا 2115 اخبرها ايه مع الاختيارات الى فاتت
معلش بس و الله انا معرفش عنها حاجه

**ramy01011** · 28-05-2011 06:47 PM

بأمانة انا من فترة كان معايا نفس الميلغ اللي معاك و اعد اسئل و ألف و ادور لاقيت كل الناس اجمعوا علي الكريستالة .
فنصيحة توكل علي الله و شوفلك كريستالة بس دور علي جي ال اكس .

**mostbader** · 28-05-2011 09:54 PM

و لو ممكن نضيف للوجان و الكرستاله
الكليو

**Ralliart** · 28-05-2011 10:23 PM

اللوجان علشان الحالة والموديل بعدها الكريستالة بتجمع بين الجودة وقطع الغيار مع امكانية انك تجيبها اوتوماتيك ودي تفرق كتييييير ولو مش هيهمك اسعار قطع الغيار قوي ممكن تشوف بروتون جين2 كمان واسعار قطع غيارها زي اللوجان تقريباً

**mostbader** · 29-05-2011 08:43 PM

بس الكرستاله اصلها الكويسه منها مش بتتباع فمش مضمونه ولا ايه انا مش عارف و بعدين استهلاك البنزين بتاعها ايه اخباره خاصه انها كربيراتير و هل اسعار قطع غيارها ارخص بكتير من اللوجان؟
انا محتار جدا معلش و مش عارف اصل ديه اول عربيه اشتريها