هوه لو غيرت كاسيت الافيو بكاسيت سينجل دان شكل التابلوه هيكون وحش؟!

**sigma** · 28-05-2011 04:04 PM

السلام عليكم يا رجاله..انا كنت بفكر اغير الكاسيت بتاع الافيو و كنت عملت الموضوع ده عشان اختار كاسيت دبل عشان شكل التابلوه ميكونش وحش..بس اقيت الاسعار غاليه اوي مقارنه بي السينجل و امكانياته..؟

فكنت عايز اعرف هل تركيب كاسيت سينجل و درج هيبوظلي شكل التابلوه..؟

خصوصا اني بفكر في 6050ub بس مشكلته انو غالي قصاد امكانياته.. 1250 جنيه و انا شايف ان ناقصلو كذا حاجه..

- مفيهوش ميموري ريدر..!
- مفيش browsing للفيلات يعني الدخول جوه فولدر معين و اختيار اغنيه معينه من غير ما اقعد اشغل كل تراكات الفولدر..!
- مفيش بلوتوث bulit in و عايز وحده للبلوتوث بي 500- 600 جنيه...!
- مفيش زراير built in للبلوتوث في وش الكاسيت..!

طبعا السعر خصوصا ان الدبل بيبتدي بي 900 لغايه 1250 جنيه و كده كده لازم اركب وش كاسيت بي 250 -300 جنيه في كلا الحالتين مع الفرق ان في حاله السنجل هيكون في درج..!
علي فكره دي مش مشكله البايونير الدبل بس ..دي مشكله اي كاسيت دبل موجود في السووق

المطلوب :

صور من الناس اللي مركبه سينجل دان و درج عشان اعرف شكل التابلوه هيكون عامل ازاي..

فوضولي كاسيت بايونير فيه الامكانيات اللي انا عايزها و سعروا كام..!

**أشرف العدوي** · 30-05-2011 08:47 PM

انا غيرته و ركب بيونير 2250 و ان شاء الله ارفعلك الصور على بكره لاني دورت عليها على الجهاز ما لقتهاش

انا الصوت فرق معايا حوالي 360 درجة على الاقل انا مركب سماعتين كينوود 450 4 way
و المفاجئة اني اكتشفت اني من ساعة ما غيرت الكاسيت كنت مشغل سماعة واحدة بس
لما شغلت التانية الصوت فرق 360 درجة فوق الـ 360 التانيين

الـ 2250 في خاصية التكرار لو عايز فولدر تكرركل الغاني الي فيه او اغنية واحدة تكررها او تشغل كله طبعاً ما فيهوش بلوتوث بس الصوت نقي جداً
ان شاء الله الاقي الصور في الكاميرا و ارفعهملك بكره

**أشرف العدوي** · 31-05-2011 02:57 AM

الصورة وصلت

مش عارف ارفع الباقي علشان مساحتهم كبيرة
بس دي تعتبر أحسنهم

**أشرف العدوي** · 31-05-2011 03:02 AM

الكلام ده كان شهر 11 الي فات
الكاسيت 730 تقريباً
الفريم بـ 250
تركيب 50
وصلة راديو بـ 15 ( ابقى قول للصناعي انك هتشغل الراديو علشان يركبلك وصلته )

الكلام ده كان عند ادريان الهرم و على فكرة هو ارخص محل سألت عندو و المفاجئة انه ارخص من محل ارخصهم في التوفيقة وقت ما انا اشتريت