الى كل من تعامل مع المرور قريبا هل مازالت الرشوه مستمره..
واذا كانت مستمره وموظف طلبها منك عينى عينك او عطللك وزهقك وماطلك رد فعلك ايه ؟؟
تتصرف ازاى خصوصا بعد الثورة ؟؟
الى كل من تعامل مع المرور قريبا هل مازالت الرشوه مستمره..
واذا كانت مستمره وموظف طلبها منك عينى عينك او عطللك وزهقك وماطلك رد فعلك ايه ؟؟
تتصرف ازاى خصوصا بعد الثورة ؟؟
انا اسف اني برد وانا لسة ماتعاملتش معاهم بعد الثورة
بس انا بسمع ان في تغيير في بعض المناطق
وعلى سبيل المثال مرور مدينة نصر
لكن عمليا لسة ماشفتش بعيني
انا لسة مرخص فى عبود وبين السرايات الاسبوع الماضى وكل شىء مشى تمام وبدون تلميحات لاى رشوة من اى موظف
جددت ترخيص من اسبوع بدون أى رشاوى ... بس للاسف فيه ناس هيه اللى مازالت خائفة وبتدفع لخوفهم من تعطيل أجراءات الترخيص .
والموضوع تقريباً مختلف من مرور لمرور ... ومن شخصيات لشخصيات .
الرشوة في مرور السلام اكتر بكتير من ماقبل الثورة
ورقك سليم وعربيتك تمام يبقى خلاص محدش يقدر يكلمك ... انا لسه مجدد من اسبوع
لا انا لسة مرخص ومدفعتش رشوة بس طبعا الموظفين تحس كان قطعت عنهم الهوا خصوصا الى متعودين على الرشوة
متابع ردودكم ........
عشان حروح ارخص وكله عندى تمام بس عايز اعرف الطريقه التمام للتعامل مع اصحاب الكروش الواسعه بعد او قبل الثوره
لسه فى شهر 9
لسه مجدد الترخيص من اسبوعين فى مرور الجزيرة ودفعت 15 جنيه 5 جنيه للست بتاعة شهادة المخالفات لقيتها بتقولى مبروك يا سيدى بقولها خير قالتلى معلكش مخالفات قلتلها طيب خير قالتلى هات 5 جنيه تمن الشهادة اديتلها 20 جنيه قالتلى معكش فكة قلتلها لأ راحت مرجعالى 10 جنيه ضحكت وفوتها لانى كنت متوقع انى اتبهدل مخالفات ومن فرحتى قلت عديها ، وفيه واحدة موظفة ساعدتنى بصراحة كتير فى الاجراءات والتوجيه فى الاخر قالتلى صباحك فل روحت مديلها 10 جنيه وأنا راضى .
الوضع لسه زى مهوا زاد عليه برووود اكتر من الاول لان حالهم بتاع زمان وقف
انا رحت المرور لمجرد انى انقل للوحات الجديدة فقط علشان اللوحات القديمةة كانت قرفانى وكل شوية تتمسح علشان مصدية
مقدرش اوصفلك الحاله النفسية اللى كنت فيها بسبب الحوار ده
انا ولا كان عليا مخالفات بجنيه حتى لانى كنت ترخيص اكتوبر اللى فات يعنى ملحقتش
المهم دفغونى 130 تمن لوحات جديدة (كان المفروض فيه قضية وقالو ان اللوحات الجديدة ستباع ب 30 جم وده جه ف جريدة مش فاكرها من شهرين ) بس يلا
ودفعت 40 جم تقريبا تأمين لوحات وملف جديد ب15 جم وملحق تأمينى ب5 ج تقريبا
اجمالى حوالى 200 جم
بس اللى اقدر اقولهولكو اننا كنا تقريبا 10 افراد طلعو عين اهلالينا من الصبح لحد واحدة ونص مساءا يوم خميس يعنى فاضلهم لسه نص ساعة ومش هتلاقى بنى ادم
كل ده وانا قاعد اطلع وانزل واقف ف طوابير علشان توقيع من ظابط رجعتله 3 مرات يأشر على ورق ملوش لازمة يأشر عليه اساسا يعنى ورقة اروح اجيبها من خزنة يأشر عليها بتاع ايه
وف اخر المطاف بقول هانت اهو قالولى روح سلم لوحاتك القديمة والرخص وتعالى للظابط هيمضيلك على ورقة تروح تاخد بيها رقم فوق علشان تنزل يمضيلك وتطلع تاخد رخصتك وتنزل تستلم اللوحات
رحت للظابط وانا مش طايقه بصراحه لانى مش شايف انه بيبص للورق اساسا وهوا بيمضى امال هوا بيمضى ليه
اضطريت انى اقوله بدل مبتوقفنا كل خمس دقايق طابور علشان حضرتك تمضى على ورقة جوا الملف متمضيلنا كله مرة واحدة علشان نخلص ماهو يعنى انا مش واقف ف شهر عقارى ولا بشترى عربية جديدة علشان تعملو كل ده معبرنيش من الاصل وشاف مين بيكلمه
قالى ملفك فين قلته اسمى كزا راح فاتح الملف بتاعى وراح قافله وراميه على المكتب اللى وراه
فانا قلت ياواد استنا جايز مش قصده بقوله فيه ايه يافندم راح رادد قالى ملفك ناقص نادى الموظف يستلمه علشان يكمله قلت لاحاول ولا قوة الا بالله العلى العظيم(قلت سبحان الله لو مكنتش اتكلمت مكنش خد باله )
نادديت لاخ تانى لان الموظف زوغ
الراجل قالى فين ياعم ملحق التأمين
قلتله ملحق ايه وبتاع ايه انتو قلتولى هات حاجة وانا قلت لأ
راح قالى اطلع هاته من بره (من مكاتب التأمين) ورقة متسواش ب 5 جم تقريبا
وانا خارج قالى لا خلاص بقا مش هتلاقى حد الساعة واحدة ونص تعالى يوم الحد
طبعا انا مسافر تانى يوم وغير كده البرود
محستش بنفسى بقا غير وانا برمى موبيلى ونضارتى ومفاتيحي وبزعق وبقول هوا انتو كفار ايه الارف ده محدش عنده دم ولا ضمير
والله العظيم كان فيه راجل سنه يتجاوز ال70 سنة وممرمطينه معايا من اول اليوم والراجل حاسه هيموت مش قادر يتكلم
ولقيت زى ميكون الناس مصدقت بقا اعتصام ف المرور كل الناس شايطا من اللى بيحصل
وللاسف من كتر استفزاز الموقف شتمت جامد جدا الموظفين اللى مبهدلنا
وف الاخر راضونى وقالولى هتروح تركب تاكس (طبعا علشان عربيتى من غير نمر ) وتروح تجيب الملجق ده من مكتب مصر التأمين بس يادوب تلحق قدامك ربع ساعة
طبعا ف النهاية خلصت ف نفس اليوم بس طبعا قعدت يومين بتعالج بسبب الحوار ده وضغطى والقولون مش قادر بسببهم
وحسبي الله ونعم الوكيل
انا روحت رخصت وكان الورق سليم ومحدش فتح بقه ولا طلب حاجه
الحمد لله لا بدفع رشوة لا قبل الثورة ولا بعدها
مبكرهش فى حياتى موظفين زى موظفين المرور
اليوم اللى بروح فيه المرور بيبقى يوم ما يعلم بيه إلا ربنا
معلش ياباشا هوا ده عن تجربة شخصية لا عن سمع لانى من السلام وكنت هناك بجدد رخصة العربية
الحمد لله مفيش اى مشاكل ولا حتى حد بيلمح لاى حاجه بالعكس واحد داخل للراجل اللى واقف على الشباك وبيديلة فلوس تحت الظرف الراجل اتخانق معاه وكان عايز يعملة قضية رشوة
يمكن الحاجه الوحيدة اللى حصلت وضايقتنى انى معرفتش اجدد الرحصة عشان موضوع المخالفات وادانى تصريح 6 شهور
بس برده بقول ان مش هتلاقى كل الناس ملايكة وان الثورة هتعمل معجزة لازم شوية صبر وكمان احنا منساعدهمش على الغلط ونرجع نشتكى وكمان لازم يتراعى مرتبات الناس دى عشان ميفكروش فى الحرام
الناس هيه اللى بتشجع على الرشوة ... لو كل واحد التزم ومدفعشى حاجة زيادة عن الطبيعى ، بتوع المرور وغيرهم فى اى مصلحة بالتعود هيلتزموا وهييجى الموضوع سنة سنة .
بس برضوا ده هيكون مع الأهتمام بمرتبات الموظفين ... مهو مش معقول يكون الموظف برضوا بيقبض 500 جنيه ويمكن أقل وعاوزه يبقى شريف .
متابع باهتمام لانى ها اجدد اول الشهر وواضح ان فيه لسه بعض اماكن المرور زى ماهىه بس الاغلب مافيش فيها تعقيدات وربنا يستر
بص حضرتك موضوعي اللي عملته بعد الثورة مباشرة يعني الحكاية كانت لسة سخنة
http://www.nilemotors.net/Nile/202423-a.html
ازيك يا استاذة نونيتا ... أخبار حضرتك أيه ...؟
بما أن الشئ بالشئ يذكر ... انا جددت ترخيص من اسبوع ما بين مرورين من بينهم مرور عين الصيرة وعملت موضوع عن اللى حصل بتفاصيله فى هذا الموضوع .
http://www.nilemotors.net/Nile/220232-a.html
وده بيدل على ان الرشوة بتختلف من أشخاص لاشخاص (سواء اللى بيخلص المصلحة أو الموظف اللى بيخلصله)... وبرضوا بتختلف من مرور لمرور .
الحمد لله يا استاذ احمد بخير واخبار حضرتك ايه
عندك حق في اللي بتقوله
انا لسة ما قريتش موضوعك
بس اكيد بتختلف من موظف لموظف ومن صاحب مصلحة للتاني وكل واحد بيشوف يمشي اموره ازاي
بنظام انا مفضيلكوا نفسي ويا انا يا انتوا انهاردة وقاعدلكوا
بس كلنا بنتفق على ان يوم المرور دة بيبقى تعذيب والنظام فيه بدائي وعقيم ومحتاج معجزة عشان ييجي حد يغير النظام دة