خلى بالكوا من المطار حاجة حلوة و حاجة وحشة

**koke_lancer** · 28-05-2011 08:01 PM

النهاردة كنت بوصل احد الاصدقاء لمطار القاهرة وهب يا معلم بعد ما وصلتوا ومشيت طالع ناحية الاتجاة بتاع العروبة كمين
وقفت الامين بمنتهى الادب والذوق والاحترام (كان كبير فى السن) ممكن الرخص بعد ما اخدهم قالى أ/ كريم حضرتك متصور رادار ايوة رادار فى قلب المطار تحب اسحب الرخص و لا تدفع فورى كل دة و انا راكن جو الكمين بطريقة حسستنى انى مش فى مصر و انا راكب عربيتى ومنزلتش و لا اخد الرخص وجرى و قالى روح كلم الظابط ولا الكلام دة قولت ادفع فورى قالى طيب حضرتك تنزل تاخد الوصل من هناك و شاورلى على الظابط و انا هناك لقيت الظابط بيقولى أ / كريم حضرتك ممكن 150 بنفس الطريقة انا اتفضل هوب لقيت وصل التصالح فى ايدى ازاى مش فاهم مع انهم كانوا موقفين ناس كتييييييييييير تقريبا كل الى خارج من المطار كان واقف
فبكلم الظابط (نقيب) قولتلوا بس انا مشفتش اى حاجة مكتوب عليها السرعة راح قالى حضرتك فى واحدة فى الحتة الفلانية و واحدة فى كذا و واحدة فى كذا زى ما تقول مولود فى المطار طبعا انا سكت بسبب الاحترام الشديد من هذا الضابط و معاونية
و الاحترام الشديد منهم لكل المخالفين
اخيراااا عاوز اقول حاجة
لو الضباط كلهم هيبقوا كدا انا افتخر ان انصاع لاوامرهم(اوامر القانون)

**bshndi** · 28-05-2011 08:17 PM

معلش يا باشا كل 150 جند وإنت طيب
بس حاجة كويسه بتاعة الإسلوب الجديد
قولنا إنت كنت ماشي علي كام والسرعة المقررة كام
إحترامات

**ganash** · 28-05-2011 08:18 PM

حاجه جميله طيب ده الحاجه الحلوه والحاجه الوحشه ؟

**yoko** · 28-05-2011 08:20 PM

طب إلحقني بالسرعة انا نازل المطار دلوقتي وعمري ما نزلت عن ال١٤٠ في الطريق ده

**ahmedsamir5edr** · 28-05-2011 08:38 PM

يا ريت فعلا تقول السرعه المقرره كام

**mohamed_selim** · 28-05-2011 10:50 PM

60 زى اى حته جوه البلد

**tarekomar66** · 28-05-2011 11:11 PM

السرعه 60 كم فى المدينهر

**kamatsho** · 28-05-2011 11:29 PM

يا فرحتى .. كويس انك عرفتنى انا رايح اوصل ابن عمى طيارته يوم الاتنين الساعه 4 ان شاء الله

طيب بالنسبه لـموضوع انى مش مجدد الرخص .. شكلى هتظبط

المفروض اجدد يوم 19/2/2011

يعنى المفروض اجدد من حوالى 3 شــــــــهـــــــــــــــ ـــــــور :d

طبعاً انا وقتها روحت اكتر من 3 مرات المرور كان محروق ومولع ومفيش حد وقالوا المرور الجديد بيتعمل فى زهراء المعادى

روحت المرور الجديد كانوا لسه مشتغلوش .. قولتلهم انا المفروض اجدد من يوم كذا .. مهندس الفحص قالى عادى متقلقش

محدش هيكلمك والوزير مدي 3 شهور سماح .. انا سمعت الكلمتين دول وحلفت ما انا رايح اجدد الفتره دى خالص

:d