جين 2 ان شاء الله

**eng.m7md.ali** · 29-05-2011 04:48 PM

الابيض جميل اوي خصوصا لو جنوط اسود لانه نادر اوي في العربية دي

**Mustafa_Farouk** · 29-05-2011 05:32 PM

المشاركة الأصلية كتبت بواسطة mido_soliman

كابتن !!!! خليك فى عربيتك لو سمحت :)))))

قصدك على الجن يعني :P

**manshe80** · 29-05-2011 06:16 PM

عشان محدش يضحك عليك مفيش جين 2 في مصر اتو الا فضي واسود وقطع قليلة كمان ومفيش ولا عربية جين 2 اوتو نازلة مصر قبل نص 7 ولا اول 8
الكلام ده اكيد وعلي مسئوليتي الشخصية من توكيل الصحراوي وتوكيل المنصورة
انا كنت ناوي وكنت هموت علي اللون الاحمر بس اضطريت احجز فضي وهستلم الاسبوع الجاي ان شاء الله

**maxayma** · 29-05-2011 06:31 PM

المشاركة الأصلية كتبت بواسطة manshe80

عشان محدش يضحك عليك مفيش جين 2 في مصر اتو الا فضي واسود وقطع قليلة كمان ومفيش ولا عربية جين 2 اوتو نازلة مصر قبل نص 7 ولا اول 8
الكلام ده اكيد وعلي مسئوليتي الشخصية من توكيل الصحراوي وتوكيل المنصورة
انا كنت ناوي وكنت هموت علي اللون الاحمر بس اضطريت احجز فضي وهستلم الاسبوع الجاي ان شاء الله

طب يا باشا ليه مش هتنزل تعرف ايه السبب يعنى مممكن الشمل فى حاجة هتغيير و لا حاجة علشان لو كده هستنى

**maxayma** · 29-05-2011 06:36 PM

المشاركة الأصلية كتبت بواسطة felix

الف مبروك مقدما
ولو المندوب في المصرية قالك هتستلم في ساعتها يببقى اتكل على الله ولو قالك هتستنى يبقى استنى احسن وهات من التوكيل
وبما انك معجب بالايروداينامك بتاعت العربية يبقى انصحك بالمانوال لانها بتفرق كتير في الجري عن الاوتو

بس هو قالى انى لو حجزت معاه يجبهالى تانى يوم

اما بخصوص الأيردينامك انا اكيد معجب بس موضوع المانيوال ده بصراحة ماقدؤش استحميله لان مشوار شغلى كبير كل يوم تقدر تقول من اول اكتوبر كده من مدينة نصر لحد اخره عند نادى الصيد

انا عندى سؤال تانى هو لو انا خلصت مثلا مع المصرية اعرف ازاى ان العربية 2011 مش 2010 لان تقريبا الشكل الواحد و فى ناس صحابى مخوافنى من المصرية ده حتى قولتلهم هعرف من الورق قالوا ممكن يكون مزرور

**Raul_7** · 29-05-2011 07:09 PM

بيبقى مكتوب على باب السواق عالعتب كده سنة الصنع. ابقى اتاكد منه.

**eng.m7md.ali** · 29-05-2011 07:23 PM

اه وكمان من ورق الافراج الجمركي
اتاكد من كل ده قبل ماتدفع
علشان دول حرمية

**manshe80** · 29-05-2011 10:26 PM

المشاركة الأصلية كتبت بواسطة maxayma

طب يا باشا ليه مش هتنزل تعرف ايه السبب يعنى مممكن الشمل فى حاجة هتغيير و لا حاجة علشان لو كده هستنى

والله يا باشا ما حد يعرف بس دي مشكلة في التوكيل والجديد اللي نازل مفيش فيه اي اضافة الا الوان بس يعني الاحمر والرمادي نازلين في 8 انما غير كده فضي واسود

**tamerosman** · 29-05-2011 11:36 PM

المشاركة الأصلية كتبت بواسطة manshe80

والله يا باشا ما حد يعرف بس دي مشكلة في التوكيل والجديد اللي نازل مفيش فيه اي اضافة الا الوان بس يعني الاحمر والرمادي نازلين في 8 انما غير كده فضي واسود

امال ايه حكاية ان دفعة الجين 2011 الجديدة نازلة فوانيس ليدات ورا ؟

**falloutboy** · 30-05-2011 12:43 AM

اولا مبروك مقدما علي العربية الجديدة ... انا برضه ان شاء الله ناوي اجيب واحدة بس مش هاعرف اغير غير كمان سنتين مثلا بس بصراحة بقرا عن الجين تو وعجبتني اوي و ان شاء الله هاجيبها ... بالنسبة للفرامل بقي انا هاقول لحضرتك عن تجربة وعن تجربة اصحابي و عن تجربة وحوش المنتدي هنا ... اولا عن تجربتي انا ... انت لما بتغير اي عربية بياخد تعود لحد ما تاخد علي الفرامل بتاعتها اي كان نوعها ... يعني انا بسوق كورولا في انا متعود علي الفرامل بتاعتها ... لما جربت ال BMW حسيت ان الفرامل ماسكة زيادة عن اللزوم ... لما ركبت الساجا والجين تو حسيت ان الفرامل حلوة جدا بس مش حساسة زي عربيات تانية ... يعني اللي هوه لو دوست خفيف هتهدي ... وكل ما تدوس تقف اكتر ... انما الفرامل حلوة ولما بتحتاجها مش بتخزلك ... وبعدين مع احترامي لكل الناس ماينفعش نقول علي عربية فيها ABS & EDB فراملها وحشه ... امال باقي العربيات من غير ذكر اسماء اللي بتنزل من غير اي نظام فرامل يتقال عليها ايه ؟؟؟ العربية طبعا فراملها حلوة غير كده ماكنتش نزلت اوروبا ... والدليل ان الحمد لله مافيش حد من اصحابي خبط العربية غير ان اللي وراه ملحقش يفرمل زيه و ده يدل ان فرامل العربية حلوة

تجربة اصحابي ... اي حد كانت الجين تو اول عربية ليه بيركب اي عربية تاني متعجبوش فراملها ويقول الجين تو احسن ... عشان بتاخد وتدي معاه وعلي قد ما يدوس تفرمل ... ده مش معناه ان الفرامل تقيلة ... ده معناه ان الفرامل معمولة عشان مش اول ماتلمس الفرامل العربية تقف ... واي حد كانت الجين تو او الساجا مش اول عربية ليه ... في الاول كان بيقول الفرامل مش جامدة بس بعد التعود بيشكروا فيها وبيقولوا احنا ازاي كنا بنقول مش جامدة ويعقد يحكيلك عن المواقف اللي الفرامل انقذته فيها ....

من المنتدي ... عرفت ان في تعديلات ممكن تتعمل تزود مفعول الفرامل شوية وتخليها تمسك اسرع ... بس انا مش شايف ان دي حاجة لازم تتعمل مع احترامي للجميع لان اكيد الشركة دي عارفه هي بيتعمل ايه لان نفس الموديل بينزل في العالم كله بنفس المواصفات مش شركات تانية تنزلك ال ABS and Airbags في اوروبا والخليج ومصر لا ... ده بصراحة اكتر حاجة بحترمها في بروتون .... الامان عندهم من اهم الحاجات وبنتزل standard مش يقولك هاي لاين وعادي عشان ينزل في تمن العربية ...

من الاخر الفرامل حلوة جدا بعد التعود وانت كده كده في التليين مش هاتفتح بيها قوي في عقبال الالف كيلو تكون اتعودت علي العربية و تعرف تسحب و تكون فهمت الفرامل زي ما بتحتاج تفهم اي عربية جديدة ... ومبروك عليك وربنا يديك خيرها ويكفيك شرها ... واسف علي الاطالة بس قولت اقولك كل اللي اعرفه عشان محدش هنا بخل عليا بمعلومة قبل كده وبحاول ارد الجميل ... وطالما انت مرتاح للعربية خلاص توكل علي الله لان اهم حاجة الارتياح ...