الموضوع: جين 2 ان شاء الله

المشاركة الأصلية كتبت بواسطة tamerosman

امال ايه حكاية ان دفعة الجين 2011 الجديدة نازلة فوانيس ليدات ورا ؟

ولا الدموع انا برده سمعت الكلام ده بس الفيصل الوكيل جين 2 اوتو مش موجوده في مصر الا قطع فضي واسود ومش عارفين الجديد نازل امتي يمكن علي نص 7 او 8 ده اللي اتقال بالظبط

المشاركة الأصلية كتبت بواسطة mustafa_farouk

السلام عليكم،

اللي عرفتو، إن الدفعات الجديدة اللي جاية على شهر 7 حتكون بفوانيس زي بتاعة البيرسونا الالجانس الجديدة، اللي هي فيها جزء ليدات.

ياترى الدفعة دى هتبقى بسعر أعلى ولا الأسعار زى ماهى ؟

طب يا جماعة احنا كدا محتارين يعنى الدفعة الجديدة نازلة بالفوانيس الليدات بتاعة البيرسونا الاليجانس و لا مش نازلة انا نفسى لما سألت التوكيل قال لا و حتى فى الصور و على النت حتى cps نزلت بالفوانيس اللى موجودة حاليا فى الجين

[QUOTE=falloutboy;3873535102]اولا مبروك مقدما علي العربية الجديدة ... انا برضه ان شاء الله ناوي اجيب واحدة بس مش هاعرف اغير غير كمان سنتين مثلا بس بصراحة بقرا عن الجين تو وعجبتني اوي و ان شاء الله هاجيبها ... بالنسبة للفرامل بقي انا هاقول لحضرتك عن تجربة وعن تجربة اصحابي و عن تجربة وحوش المنتدي هنا ... اولا عن تجربتي انا ... انت لما بتغير اي عربية بياخد تعود لحد ما تاخد علي الفرامل بتاعتها اي كان نوعها ... يعني انا بسوق كورولا في انا متعود علي الفرامل بتاعتها ... لما جربت ال BMW حسيت ان الفرامل ماسكة زيادة عن اللزوم ... لما ركبت الساجا والجين تو حسيت ان الفرامل حلوة جدا بس مش حساسة زي عربيات تانية ... يعني اللي هوه لو دوست خفيف هتهدي ... وكل ما تدوس تقف اكتر ... انما الفرامل حلوة ولما بتحتاجها مش بتخزلك ... وبعدين مع احترامي لكل الناس ماينفعش نقول علي عربية فيها ABS & EDB فراملها وحشه ... امال باقي العربيات من غير ذكر اسماء اللي بتنزل من غير اي نظام فرامل يتقال عليها ايه ؟؟؟ العربية طبعا فراملها حلوة غير كده ماكنتش نزلت اوروبا ... والدليل ان الحمد لله مافيش حد من اصحابي خبط العربية غير ان اللي وراه ملحقش يفرمل زيه و ده يدل ان فرامل العربية حلوة

تجربة اصحابي ... اي حد كانت الجين تو اول عربية ليه بيركب اي عربية تاني متعجبوش فراملها ويقول الجين تو احسن ... عشان بتاخد وتدي معاه وعلي قد ما يدوس تفرمل ... ده مش معناه ان الفرامل تقيلة ... ده معناه ان الفرامل معمولة عشان مش اول ماتلمس الفرامل العربية تقف ... واي حد كانت الجين تو او الساجا مش اول عربية ليه ... في الاول كان بيقول الفرامل مش جامدة بس بعد التعود بيشكروا فيها وبيقولوا احنا ازاي كنا بنقول مش جامدة ويعقد يحكيلك عن المواقف اللي الفرامل انقذته فيها ....

من المنتدي ... عرفت ان في تعديلات ممكن تتعمل تزود مفعول الفرامل شوية وتخليها تمسك اسرع ... بس انا مش شايف ان دي حاجة لازم تتعمل مع احترامي للجميع لان اكيد الشركة دي عارفه هي بيتعمل ايه لان نفس الموديل بينزل في العالم كله بنفس المواصفات مش شركات تانية تنزلك ال ABS and Airbags في اوروبا والخليج ومصر لا ... ده بصراحة اكتر حاجة بحترمها في بروتون .... الامان عندهم من اهم الحاجات وبنتزل standard مش يقولك هاي لاين وعادي عشان ينزل في تمن العربية ...

من الاخر الفرامل حلوة جدا بعد التعود وانت كده كده في التليين مش هاتفتح بيها قوي في عقبال الالف كيلو تكون اتعودت علي العربية و تعرف تسحب و تكون فهمت الفرامل زي ما بتحتاج تفهم اي عربية جديدة ... ومبروك عليك وربنا يديك خيرها ويكفيك شرها ... واسف علي الاطالة بس قولت اقولك كل اللي اعرفه عشان محدش هنا بخل عليا بمعلومة قبل كده وبحاول ارد الجميل ... وطالما انت مرتاح للعربية خلاص توكل علي الله لان اهم حاجة الارتياح ...[

يا باشا طول زى ما انت عاوز كنت كتبت صفحتين تلاتة كمان انا ان شاء الله دى هتكون اول عربية ليا انا ماشوقتيش حاجة قبلها غير اتوس بتاعة اختى يعنى ملحقتيش اتعود على اى فرمل ممكن تكون باللمس او احسن من الجين و يمكن تكون دى ميزة الا بفى اذا كانت الاتوس فراملها احسن

اولا شكرا جدا علي ذوق حضرتك ... هو بصراحة انا مجربتش الاتوس ومش هاقول اللي سمعته عنها عشان انا مش باحب انقل حاجة بالسمع ... اللي قولتلك عليه ده حاجات شوفتها بعيني وتجارب عشتها مع اصحابي او حاجات قرتها هنا من وحوش المنتدي يعني والحمد لله معلومات موثوق فيها ... وطبعا مستوي امان الجين و محركها والايروديناميك بتاعها حاجات مفيش عليها كلام ... و الحمد لله المنتدي هنا عاملين خط مباشر مع رئيس مكتب الصيانة في بروتون مصر ... يعني لا قدر الله لو واجهتك مشكلة هتلاقي اللي يحلهالك في وقتها وطبعا الشكر واجب لمنتدانا العظيم و كل الجهود اللي بذلها عشان يفيدنا كلنا ... وان شاء الله ربنا يباركلك فيها ويديك خيرها ويكفيك شرها ... ومتنساش طبعا ان الشباب هنا كلهم مش بيقصروا مع اي حد في طلب والحمد لله ...

المشاركة الأصلية كتبت بواسطة falloutboy

اولا شكرا جدا علي ذوق حضرتك ... هو بصراحة انا مجربتش الاتوس ومش هاقول اللي سمعته عنها عشان انا مش باحب انقل حاجة بالسمع ... اللي قولتلك عليه ده حاجات شوفتها بعيني وتجارب عشتها مع اصحابي او حاجات قرتها هنا من وحوش المنتدي يعني والحمد لله معلومات موثوق فيها ... وطبعا مستوي امان الجين و محركها والايروديناميك بتاعها حاجات مفيش عليها كلام ... و الحمد لله المنتدي هنا عاملين خط مباشر مع رئيس مكتب الصيانة في بروتون مصر ... يعني لا قدر الله لو واجهتك مشكلة هتلاقي اللي يحلهالك في وقتها وطبعا الشكر واجب لمنتدانا العظيم و كل الجهود اللي بذلها عشان يفيدنا كلنا ... وان شاء الله ربنا يباركلك فيها ويديك خيرها ويكفيك شرها ... ومتنساش طبعا ان الشباب هنا كلهم مش بيقصروا مع اي حد في طلب والحمد لله ...

و الله انا معاك فى كل اللى انت قولتوا عن الرجالة البرتوناوية هنا و فعلا الناس عاملين الواجب و زيادة مع الناس كلها انا مرة قريت تعليق فى موضوع هنا ان الناس دى و دعمها للعربية و مساعدتها للناس اللى عندها مشاكل او اللى لسه هتشترى يعتبر من نقاط قوة العربية و البروتون عموما هنا فى مصر لان فعلا ده من انشط الاقسام هنا و الله انا شايف ان برتون ماليزيا تسحب التوكيل من عز العرب و تديه لقسم بروتون بتاع نايل موتوز انا و احد من الناس عرفت كل حاجة و كل تفاصيل عن العربية هنا و زى ما انت شايف من قبل ما اشترى