يا استاذ انت معلوماتك قديمة اوى
فى سنة تانية فى الشرطة كل الطلبة بتاخد حقنة اسمها حقنة "قلة الاصل" و دى شرط اساسى للاستمرار فى سلك الشرطة
MMamdouh
خللينا نكون صرحاء مع بعض.... فيه نسبة مش قليلة من الشعب دة مبتجيش الا بضرب الجزم.... و النسبة دى اللى احنا عملنا لجان شعبية عشان نحمى نفسنا و اهلنا و بيوتنا منهم... و هما اللى النهاردة واخدين الحياة بالقوة و الدراع و البلطجة... دى الناس اللى مينفعش التعامل معاهم الا بالجزمة و دة التصرف الصح و انا معاه قلبا و قالبا
المشكلة هنا هى التفرقة بين الناس المحترمة و الناس دى... و دى حاجة مش موجودة فى ضباط الشرطة... هما بيتعاملوا مع الناس قطعية واحدة و قليل قليل جدا اللى بيجيد التمييز دة
العكس فى رجال الجيش... و اللى شاف فيدوهات القبض على بلطجية عن طريق ضباط الجيش حيشوف انهم برضة بيتعاملوا بنظام الجزمة لكن مع اللى يستحق الجزمة فقط
البلد لسة محتاجة نظافة كتير.... بس مش نظافة نظام ولا حكام ولا وزارات ولا مسؤلين... البلد عايزة نضافة شعب
MMamdouh
لو فيه قوانين بيتم تطبيقها على الجميع بشكل عادل وبدون تاخير متعمد ... كل واحد هايعرف حدوده فين
لكن القانون عندنا مبتور سواء فى الصياغة او فى التطبيق وبديل عنه اصبحت الجزمة هى الحل
لكن الان بعد ان بدانا ناخذ حريتنا بات من المهم ان نبحث كلنا عن واجباتنا لتنتظم الحياة الديمقراطية وتصبح حقيقة مش كلام على الورق كما كان الوضع قبل الثورة
عزيزى سمعة اعتقد ان تطبيق القانون هو الحل بدون قلة ادب وبدون كلام وهرتلة كتير مالهاش لازمة
بصراحة احنا شعب لسانه زالف والحكومة عودتنا على كدة
تلاقى واحد بيقول كلام يعاقب عايه القانون وبعد ماكل واحد يقول اللى فى نفسه كله ولاد الحلال يتدخلو ويقولو معلش يا جماعة المسامح كريم .. والله ده شيطان ... خلاص بقى حقكوا علية انا ... يللا بوسوا راس بعض
اصبحت الحلول العرفية هى الحل لعدة اسباب
اولا الغلطان هايلاقى اللى يدافع عنه
ثانيا المغلوط فيه عارف بنسبة كبيرة انه مش هاياخد حقه بالقانون واحتمال يتبهدل كمان عشان فكر فى كلمة بالقانون دى
ثالثا الناس فى مصر لذيذة جدا معظمهم بيشتغل مطيباتى والنوع ده كافى ان الحقوق تروح على اديه وده طبعا بدافع عينة الكلام اللى مكتوب فوق
تعودنا على المجالس العرفية وحق العرب وضاعت الحقوق وضاعت معها الواجبات واصبحنا لا نعلم علم اليقين ماهو الذى لنا وماهو الذى علينا
معظم دول العالم حلت المشكله اللى عمالين نغنى عليها
كل الناس سواسيه بلطجيه او دكاتره
القانون يطبق على الجميع
ممنوع الاعتداء على مواطن بكلام قذر حتى لو هو اعتدى على الشرطى
فيه قانون يطبق علي المعتدى و على الشرطى لو تطاول بالكلام حتى لو على بلطجى - لازم ياخد حقه
الشرطه تلجأ للعنف اذا كان فيه تهديد على الشرطى و لازم تحقيق محترم اذا حدث افراط فى القوه
النيابه سلطه مراقبه على الشرطه (مش زى البيه بتاع الداخليه اللى بيقول لن يقبل بتدخل القضاء فى عمل الشرطه) اللى هو من ضمن اختصاص القضاء مراقبة اعمال الشرطه و التعامل مع المواطن اصلا
احنا محتاجين ناس بتفهم و مخلصه النيه مش محتاجين بلطجيه ملبسنهم نجمه و كاب
والله انا اكسب فيه ثواب واقطعله لسانه اللي هيوديه جهنم ده