عملت حادثه بالريجاتا ومحتاج رايكم

**monto1983** · 28-05-2011 09:42 PM

لسلام عليكم ورحمه الله وبركاته
انا عملت حادثه بعربيتي نوعها ريجاتا نوفا موديل 85 دخلت بيها في الرصيف ولما روحت للميكانيكي قالي ان الشاسيه اتعوج ولازم زارجينه مع قطع غيار التانيه بقي 2 مساعد امامي كامل مقص يمين ميزان كفه ميزان سناره (علبه دريكسيون + الباره) ده غير بقي 2 جنط المضايقني بقي انه قالي القطع هتكلف 1500 جنيه اما الزارجينه لوخدها هتكلف 800 جنيه انا عاوز اعرف الارقام دي صح ولا ايه ثم طبعا لسه الكاوتش الاتبهدل ولسه جايبه جديد اول الشهر ب250 جنيه ياجماعه انا بجد مش عارف اعمل ايه كده هتحشلها في 3000 جنيه وده مبلغ ضحم بالنسيه لي حد يقولي الراجل ده نصاب ولا كده عادي
ارجوكم بجد ردوا عليا ضروري ضروووووووووووووري
شكرا

**Zika9909** · 04-06-2011 12:20 PM

بص أنا بصراحة ماعملتش حوادث قبل كده و ما أعرفش الأرقام دي نصب ولا لأ، بس أنا أعرف واحد صاحبي عمل حادثة شديدة (الشنطة كانت معجونة في بعضها) و خدها صلحها في الأرياف بـ 1500 جنيه و رجعت زي الأول وأحسن.
بشكل عام، الحاجة إللي هتصلحها في الأرياف بجنيه هتصلحها هنا في القاهرة بخمسة و يمكن أكتر.

**mohsen128** · 05-06-2011 01:11 PM

لا شوف حد تاني الراجل ده غالي جداااااااااااااااااً زرجينة ايه الي بــ 800 جتية واحد صحبي لسه عملها في 128 ودافع 150 جنية

**HOSSNY** · 06-06-2011 03:15 AM

باشا اول حاجه الميكانيكى ما يحددش انت تودى العربيه للسمكرى واتفق معاه بالكتير 150 : 200 جنيه سمكره وسيبك من القطع اللى بيقولها انت تجيب عفشجى يفك ويقولك اللى عربيه محتجاه وروح اشترى حاجتك من عزبه شلبى وان شاء الله هتوفر جامد