الموضوع: ادي ابني الجنسيه المصريه ولا لا؟؟

أوعى تتنازل عن الجنسية المصرية لإبنك .......... أوعى
الجنسية الألمانية حلوة و لها مميزات
و لكن الجنسية المصرية مهمة جدا
أولا لازم ابنك يطلع عنده إنتماء لبلده حتى لو كانت جمهورية المهلبية
و لازم يعرف أنه مصري ( بالورق كمان )
و خلى بالك لو سافرت خارج مصر لازم تخليه يتربى في مصر علشان البلاوي اللي الواحد بيشوفها من التربية الغربية و خصوصا إنه بيكون صعب التحكم في الأولاد و هم في سن المراهقة
و برضه حضرتك لن يكون لك عليه سلطة ............ و أيضا سيكون محمي حماية كاملة من الحكومة الألمانية
و برضه أنت لا تضمن بقاء علاقتك مع زوجتك ( ربنا يباركلك و يبارك في زوجتك و يبارك في ابنك )
و لكن أنا بتكلم عن الإحتمالات ............. و ربنا ما يجيب شر
لازم الولد يكون له الجنسية المصرية ..........
و ده رأيي الشخصي ......................................... يجب أن يكون له إنتماء لمصر ......... لازم ...... لازم ........ لازم ........ لازم

و شكرا

الانتماء للاسلام اكـبــر من الانتماء لــمـصر

المشاركة الأصلية كتبت بواسطة PRO-DRIVE

الانتماء للاسلام اكـبــر من الانتماء لــمـصر

الإنتماء للإسلام يا برو باشا ناتج عن الإنتماء لمجتمع مُعين و طبعا لازم يكون مجتمع إسلامي علشان تكون التربية صح
و أنا عارف إن بلدنا في انحدار أخلاقي و لكن مهما يكون في الأخر بتلاقي الناس بتقول عيب و حرام
عكس خارج مصر ......... لا فيه عيب .......... و لا فيه حرام

يعني برضه علشان تنتمي للإسلام كويس لازم تنتمي لمجتمع إسلامي الأول و إلا شربت و تشبعت بقيم المجتمع الغربي الذي تعيش فيه

و أنا بتكلم عن تجربة لشباب مُسلم في بلاد الغرب و هم من وُلدوا هنُاك
أي أنهم مواظنون مُسلمون غربيون الولادة و لكن إسلامهم إسماًً فقط

عرفت أنا بقول لازم يأخذ الجنسية المصرية ليه
يعني الموضوع مش علشان مصر بالذات و لكن علشان خاطر الولد لما يكبر

بجد احييك ياتوت
تصدق اني فكرت انك هتكون اول واحد تقوله ايوه
لانك بتعز بلدنا اوي :D:D
بس بجد احييك بشده

يا حبيب قلبي دي مصر في عيني ......
أنا على فكرة بحب مصر جدا
و لكني ......................................... لا أطيق سلوك المصريين السئ الغير مُنظم
و هذا كل ما في الموضوع
و شكرا على كلامك اللطيف يا عسل

عارف يا توت ..انت فكرتني برأفت الهجان ..لما جم يشوفوا مي اللي ينفع في الشبكة

اللي تجمع معلومات للمصريين...و رفعت الجمال رشحلهم سيرينا اهروني اللي كانت

بتتنتقد اسرائيل بشدة ..لكن رفضوا عشان نقدها ده حبا في اسرئيل ..و رغبة في رؤيتها

احسن..

ان شاء الله تعيش و تشوف مصر زي ما انت عايزها ..انت او حد من اولادك او احفادك:)