الموضوع: ادي ابني الجنسيه المصريه ولا لا؟؟

مش عارفة ليه صعبت عليه البلد من سؤالك !!

اد كدة بقا ملهاش قيمة !

عفوا ... انت بتسأل بجد ... طب مفكرتش لما يكبر ممكن تديله حق اختيار انك تكون والده ولا ممكن متعجبوش ... اسف حقيقى مش متخيل مهما حصل فى البلد او مهما كان حالها ان حد يفكر بالطريقة دى

بعيداً عن موضوع أى الجنسيتين يختار، أنا شايف ان فى موضوع أهم بكتيييييير جداً و هو دة اللى بجد قرار حياة أو موت: يا ترى ابنك حيتربى فى مصر ولا فى ألمانيا؟ لو اتربى فى ألمانيا سواء معاه الجنسية المصرية أم الألمانية يبقى حضرتك بتعرضه للعديد من المخاطر بل المهالك ...

مش حأقول لحضرتك مهالك أخلاقية لأنى لو قلت كدة أبقى بأتجاهل كل الكوارث الأخلاقية المتفشية فى مصر، لكن أنا أقصد مهالك فكرية ... ابن حضرتك فى ألمانيا مش حضرتك بس اللى بتربيه ... دة الإعلام و المدرسة و الشارع و كل ما حوله ... يا ترى حتعرف تتناقش معاه بالعقل و المنطق فى كل حاجة و حيكون عندك جواب مقنع لكل أسئلته؟ يا ترى لما تسمع رأيه و تعاطفه مع اليهود و الهولوكوست نتيجة منهج التاريخ اللى حيدرسه فى المدرسة حتقوله ايه؟ يا ترى لو فى يوم مديت ايدك عليه لقيته عمل لحضرتك محضر فى الشرطة و أخدوا منك تعهد بعد الاعتداء عليه حتعمل ايه؟ يا ترى لو فى يوم من الأيام قرر يبقى ملحد حتعرف تقنعه يرجع ولا مش حيبقى عندك الحجج الكافية لكدة و تبقى ضيعته و حتتسأل عنه يوم القيامة؟؟؟

أنا مش بأقول الكلام دة عشان أقول لحضرتك متربيهوش فى ألمانيا ... أنا كل اللى عايز أقوله ان تربية الأطفال فى بلد غربى ليها تحديات كبيرة و ضخمة لازم حضرتك تكون مستعد ليها ... أنصح حضرتك تقرأ كتاب رائع اسمه Even Angels Ask لكاتب أمريكى مسلم اسمه Jeffrey Lang بيتكلم بالتفصيل عن التحديات دى و ازاى شباب كتييييير أبناء لناس محترمة جداً و متدينة جداً لكن بيضيعوا منهم على حين غفلة ...

أما موضوع الجنسية فدة موضوع ثانوى و فرعى ... ياما ناس فى مصر بتكره كل حاجة فى البلد و ياما ناس برة مصر بتعشق تراب البلد ... الموضوع الأصلى و الأساسى بجد هو حتربيه فين ...