الموضوع: ادي ابني الجنسيه المصريه ولا لا؟؟

يا جماعه
الظاهر ان السؤال بتاعي اثار شجون وحاجات كتير جوانا
انا مش هاقدر ارد علي واحد واحد بس اجمالا
الناس اللي شايفه ان مجرد الانتماء لمصر هو باخد الجنسيه المصريه !!! انا لي راي في الموضوع
انا شخصيا ترتيب انتمائي كالتالي
مسلم........... عربي..............ازهري..........مصري
يعني مصر هو مكان انا اتولدت فيه لو كنت اتولدت 200 كيلو شمال او شرق او غرب كنت برده هاقول نفس الكلام ده عن المكان ده
ربنا اراد لي ان اكون مصري وانا باحمد ربنا علي النعمه دي (مش عارف لو كنت قري ولا ليبي ولا تونسي قبرصي كنت هاشعر بايه بس اكيد مش بحلاوه احساسي اني مصري )
الواد ياسين (ابني ان شاء الله) هياخد الجنسيتين لحد سن 18 وانا اخترت ادي له المصريه لعده اسباب ليس من بينها الانتماء لانه زي ماتفقنا مش ورق ولا باسبور انا عايز ابني يحس انه بينتمي للكيان المسلم العربي كله وبالاخص مصر مش مصر ويتجاهل الباقيين
الاسباب اولا
لان البلد دي حلوه اوي وبرايي لازم يحس ان له جذور . يعني هوه يعرف ان الكانيا عايش فيها لمجرد ان ظروفها الاقتصاديه (الحاليه) افضل من مصر لكن اصله وبلده وانتمائه الاول والاخير للحضاره الاسلاميه العربيه!!!
ثانيا: مصر بتتغير واحده واحده وحاسس ان شاء الله ان جيلنا وجيل اولادنا هيكون فيه الخير وان شاء الله يكون له دور في التغيير ده
ثالثا: املاكه واملاك عائلته في مصر لازم في يوم من الايام يراعيها ولما يكون مصري احسن
ويا جماعه للمره المليون احنا شايفين اوروبا غلط المشكله في اوروبا في نظري مش الزنا والسكر دي موجوده هنا وابشع انا خايف علي ابني يتربي في مصر علي ازدواجيه المعايير والوصوليه والكسل وعدم اتقان العمل
خايف اعلمه في مصر يطلع متخلف يحفظ ميفهمش
خايف من طباع مصر (الحاليه وحط الف خط تحت الحاليه) تطبع عليه ودي اكبر مخاوفي
لكن ابني هيبقي مسلم عربي وبالاخص مصري
وشكرا لتعليقاتكم بس والله الموضوع خطير ومحتاج مناقشه اعمق
وادعوا لي عشان اخد التاشيره بقه
شكرا

انتا خايف انه يطلع متخلف في مصر
اوكيه بس ربيه كويس هنا و بعدين يشوف مستقبله برة على الاقل
ثانيا شوف في كام مصري شغال برة معتمدين على عقولهم في البلدان العربية و الاوروبية و امريكا