الإنذار وفايدته !!!

**graffittiii** · 28-05-2011 09:50 PM

يجماعة أنا بدأت أشك ف فاعلية تركيب إنذار بالسيارة ...
ركزو كده ف التفاصيل دي مع العلم أن صاحب المشكلة ده واحد صحبي والكلام ده والله حصل فعلا ومش حكايات بنسمعها لتخويف الناس .
أخته بتبص من بلكونة البيت بالصدفة الساعة 3 الفجر لقت واحد واقفف جنب عربيتهم لازق ف الباب بس مش باين هو بيعمل ايه .
راحت طبعا صحت أخوها ووالدها من النوم نزلو جري علي بال ماكانو نزلو كان كبوت العربية مفتوح وبابها مفتوح وطبعا الحرامي أول لما شافهم جري واتضح بعد كده ان في عربية تانية مستنياه وطاروو ..
كل ده عادي وبيحصل كل يوم لكن في حجات تجن وهي :
1- العربية فيها إنذار محدش سمعله صوت .
2- لغاية مااخت صاحبي شافت الحرامي من البلكونة مكنش لسه فتح أي حاجة ... يعني ف خلال الدقيقتين اللي صحت فيهم أخوها كان الحرامي فتح الكبوت والباب وكل ده من غير أي صوت للإنذار ...
3- واخر حاجة بقي ودي المصيبة الأكبر ان العربية اللي كانت مستنية الحرامي كلها فامية دارك والزجاج الخلفي عليه نسر !!!

أولا الحمدلله طبعا إن هو لحق العربية وربنا عداها علي خير لكن أعتقد ان الموقف ده يدل علي ان الانذار لاقيمة له إطلاقا وان الحرامية أصبحو أكثر أحترافية ....
ياما ان الانذار من زمان معروف ان ملوش لازمه بس انا اخر من يعلم .....
بالمناسبة هذه ليست دعوه للتخلي عن الأنذار لان أنا شخصيا مركب ..

**beshomilan** · 28-05-2011 10:49 PM

ياريت الناس تغطى العربيات وبلاش بقى التنفيض فى النقطة دى لانها فى غاية الاهميه..انما للاسف فى ناس بتستسهل ويحب يفرجك لمعة عربيته وانت ماشى والجنوط والكاسيت السى دى وال dvd ويعرف كل حد ماشى ان عربيته جامده وملهاش حل
ياريت نتعلم

**Hacker5** · 28-05-2011 11:33 PM

ربنا يستر بقى دى بقت حاجة ترعب
يا جماعة حطوا عربياتكوا فى جراجات و كلبشوا الدركسيون و ربنا الحافظ
بالنسبة للعربية اللى عليها نسر يا ترى بتاعت ظابط مثلا ولا مسروقة هى كمان ؟

**sayed911** · 28-05-2011 11:44 PM

بذمتك يا فندم بتسمع كام جرس انذار بيرن في الشارع ومش بتعيره اي نوع من انواع الإهتمام مهي الفكرة انه حتى لو رن مش فارق مع حد

**medododo** · 28-05-2011 11:57 PM

انا مش مع تغطية العربية لأن في حرامية ممكن تكسر الازاز وهي متغطية ويفتحها ببساطة وممكن يلف لفة كده ويرجع يفتح العربية والغطا عليها وبراحته يقعد حوه العربية لحد ما يدورها وشريكه يشيل ليه الغطا وراحت الامورة

**graffittiii** · 29-05-2011 12:14 AM

المشاركة الأصلية كتبت بواسطة hacker5

ربنا يستر بقى دى بقت حاجة ترعب
يا جماعة حطوا عربياتكوا فى جراجات و كلبشوا الدركسيون و ربنا الحافظ
بالنسبة للعربية اللى عليها نسر يا ترى بتاعت ظابط مثلا ولا مسروقة هى كمان ؟

لايباشا غالبا مسروقة طبعا ... مهو دلوقتي أي حد بيفيم وأي حد بيحط نسر ... هما حتي قعدو بعدها يلفو ف المنطقة ومعاهم ناس يمكن يلاقوها أو يلاقو الولا لان صاحبي شاف شكله كويس .. بس طبعا ملقيوش حاجة وده المتوقع ..
أنا حتي بقوله طب ماأتصلتش بالشرطة ... ضحك كده وأنا فعلا تداركت الموقف وقلت ايه الهبل اللي انا بقوله ده شرطة مين ..

**graffittiii** · 29-05-2011 12:15 AM

المشاركة الأصلية كتبت بواسطة sayed911

بذمتك يا فندم بتسمع كام جرس انذار بيرن في الشارع ومش بتعيره اي نوع من انواع الإهتمام مهي الفكرة انه حتى لو رن مش فارق مع حد

يباشا بس لما يرن الساعة 3 الفجر غير لما يرن ف أي وقت تاني ...
المنطقة اللي هو ساكن فيها هادية واي دبه نملة فيها بعد الساعة 1 بتبان ..

**Amr Axel** · 29-05-2011 01:59 AM

للأسف عندي خبر ممكن يزعلكم

لكن الحرامية لقوا طريقتين يقفلوا بيها الانذار و ميشتغلش عرفتها من رئيس المباحث عندنا ايام البلطجية اللي نزلوا
لكن عايزة واحد حريف و عارف هو بيعمل ايه و ايديه تكون اخف من الريشة

و اعتذر اني مش هقدر اقولها هنا

و الحل انكم تقفلوا العربية بالقفل اللي يمسك الدريكسيون و الدبرياج

و في فكرة تانية عضو معانا قالها بيقفل بيها الدبرياج من تحت و ممكن نعملها نقفل الــ3 دواسات

و عندي فكرة مش عارف تصلح و لا لأ ان الواحد ممكن يركب انذارين في وقت واحد
واحد يكون عند باب السواق و لمبته تبقي باينة و التاني يكون عند اي باب تاني لكن لمبته تتخبي
و بكده لو الحرامي فصل واحد
السينسور التاني هيشتغل عالطول و هتبقي فضيحته بجلاجل لأنه مش هيفكر في الحوار ده و حيت لو فكر مش هيعرف هيكون فين

**Elawany13** · 29-05-2011 02:08 AM

أنا اعرف 2 شخصيا عربياتهم اتسرقت كانوا سايبين العربيه بدون اى وسيلة تأمين لا انذار ولا كلابش

**Elawany13** · 29-05-2011 02:10 AM

المشاركة الأصلية كتبت بواسطة axel

للأسف عندي خبر ممكن يزعلكم

لكن الحرامية لقوا طريقتين يقفلوا بيها الانذار و ميشتغلش عرفتها من رئيس المباحث عندنا ايام البلطجية اللي نزلوا
لكن عايزة واحد حريف و عارف هو بيعمل ايه و ايديه تكون اخف من الريشة

و اعتذر اني مش هقدر اقولها هنا

و الحل انكم تقفلوا العربية بالقفل اللي يمسك الدريكسيون و الدبرياج

و في فكرة تانية عضو معانا قالها بيقفل بيها الدبرياج من تحت و ممكن نعملها نقفل الــ3 دواسات

و عندي فكرة مش عارف تصلح و لا لأ ان الواحد ممكن يركب انذارين في وقت واحد
واحد يكون عند باب السواق و لمبته تبقي باينة و التاني يكون عند اي باب تاني لكن لمبته تتخبي
و بكده لو الحرامي فصل واحد
السينسور التاني هيشتغل عالطول و هتبقي فضيحته بجلاجل لأنه مش هيفكر في الحوار ده و حيت لو فكر مش هيعرف هيكون فين

كده هنمشى بـ 2 ريموت ؟

الموضوع: الإنذار وفايدته !!!

LinkBack

أدوات الموضوع

عرض

-

-

-

-

-

المواضيع المتشابهه

ريموت الإنذار ال 2 way باظ

مشكلة فى الإنذار

جهاز الإنذار

الشكمان وفايدته

مشكلة في الإنذار

الكلمات الدلالية لهذا الموضوع

المفضلات

المفضلات

ضوابط المشاركة