المشاركة الأصلية كتبت بواسطة kamatsho
شوف يا باشا انت عندك حق .. وواضح انك كنت ناويلو .. والحمد لله ان الملاك ده طلعلك من تحت الأرض عشان ينبهك (الراجل )
حصلت معايا مشكله من 3 ايام وانا رايح اوصل ابن عمى المطار ... مع سواق ميكروباص (ترامكو) انا ملاحظ انه طول الطريق ماشى يمين فى شمال من غير اشارات ومن غير ما يبص ... وكأنه ماشى لوحده على الطريق
المهم اللى زي دول انا بحاول ابعد عنهم واسبقهم ادام خالص .. المهم سبقتو ومشيت ادام خالص وجيت تحت الدائرى ناحية باسوس والطريق كان واقف وزحمه .. ببص لقيت ده جايلى من اليمين خالص فى زانق نفسه وعايز يمشى جنبى ويعدينى
أنا لمحته فى المرايا طبعا اديتله كلاكس .. وبعدين روحت بعدت عنه عشان كان لازق فى العربيه خالص .. لقيته راح جاى يمين ع العربيه ابن عمى شاورله ده مفيش خالص . دخل راح خابطلى المرايا كسرهالى كسر بسيط جداً . وحكها .. طبعا انا وولاد عمى الأربعه نزلنا عليه عشان نديلو علقه تمام ونازلين كلنا متغاظين عشان هو كان سواق استغفر الله العظيم (غبى اوى) .. طبعاً انا ركنت ادامه على جنب عشان الطريق يمشى وميقفش .. وواحد من ولاد عمى فتح الباب والتانى بينزله والتالت واقف مستنيه ينزل عشان يظبطه .. وانا طبعاً راكبنى عفريت ومستنيه ينزل انا كمان عشان اخبط دماغه فى العربيه .. المهم يا سيدى بعد كل ده لقيت سواق الميكروباص غلباااان جدا ولابس نظاره عنده بتاع حوالى 30 سنه .. صعب علينا كلنا .. والله سبناه وطبعاً زعقناله جامد وانا بصوت عالى قولتله السواااااااااقه مش عافيه ولا فتحت صدر .. السواقه فن وادب وبالعقل .. انتا طول الطريق رايح يمين فى شمال وكأنك ماشى فى بيتكوا لوحدك .. اعقل شويه ...
رد فعل السواق ( خايف جداً وقاعد ماسك فى الدريكسيون والركاب بيتفرجوا وعمال يقولنا انا اسف انا اسف معلش معلش معلش ) طبعاً صعب علينا وسبناه ومشينا ...
بس بصراحه مكنتش ناوى اسيبه لو كانت المرايا اتكسرت .... ما انا مش لواحدى بقى ومعايا 4 من ولاد عمى ههههههههههه
يلا الحمد على كل شىء .. وربنا يسترها معانا جميعاً وربنا ياخد السبب فى الأنفلات الامنى واللى ليهم مصلحة فى حدث الانفلات ده