السلام عليكم
انا زهقت من الهيدفون الكوبى ام 25 جنيه اللى هى توشيبا او كرياتيف او سونى , و هى واحدة فى الاخر و ماركة مضروبة , بتوجع الودن و صوتها وحش
حد يعرف نوع نضيف و صوتها نقى , و اجيبها منين و بكام
عرض للطباعة
السلام عليكم
انا زهقت من الهيدفون الكوبى ام 25 جنيه اللى هى توشيبا او كرياتيف او سونى , و هى واحدة فى الاخر و ماركة مضروبة , بتوجع الودن و صوتها وحش
حد يعرف نوع نضيف و صوتها نقى , و اجيبها منين و بكام
Medusa NX Gaming Headset 5.1 ب 195 جنيه
دي سماعات سروند " محيطية " تدي تجربة جامدة جدااااا مع الافلام البلوراي موجودة في كمبيومي الكوربة
و موجود النسخة الستريو منها في مول الاسيوطي خلف سوق العصر بسعر اقل حوالي 100
اللي انا اعرفها نضيفة beats by dr dre
بس بسعر جهاز كامل .. فوق ال 2000 و لحد دلوقتي مش لاقي تفسير للسعر دا
في هيدفون فيليبس اصليه ده تقريبا ب85 جنيه في كارفور ده لو عايز حاجه في المعقول بس لو عايز اداء ومواصفات خرافيه عليك وعلي بوز بس تقل جيبك بقي يا معلم
Logitech or Microsoft.
ايه يا جدعان الارقام دى !! :untitled 1: هو ممكن حد يدفع 4000 جنيه فى سماعة !!
هل فعلا الحاجات دى تمنها فيها , لا اعتقد بصراحة
انا اسمع عن Logitech , JWin حد يعرف اسعارهم ؟؟
wahba89
اكيد بعد ما سمعت الأسعار دى ... حنيت للهيد فون العاديه حبيبت قلبنا
:D
skullcandy
skull candy
جميله قوي ومش مبالغ في سعرها
حوالي ب 120 جنيه كنت جايبها من سنه ونص
جيبتها من سيتي ستارز
مين متجوز و مين مش متجوز؟
السماعات ياجماعة زيها زي اي منتج ..
في حاجات بتادي الغرض باقل جودة ممكنة ب 10 جنيه
وفي حاجات بتادي الغرض باعلى جودة ممكنة ب 10 الاف جنيه !
وكل واحد واحتياجه و " وودانه "
يعني في واحد لو سمعته سماعة ب 150 جنيه و واحدة تانية ب 1500 جنيه مش حيفرق ... و ده مش عيب يعني في الشخص , دي خبرة في موضوع الصوت وهواية لها .
اتا عامة مش بحب السماعات الحالية , انا عندي واحدة bose اصلية كانت جيالي هدية .. ثمنها في مصر حوالي 1350 جنيه , بصراحة لما بحطها على وداني ... واشغل اي حاجة .. بنسى اي حاجة تانية بتحصل حوليك ! كاني بعمل دماغ بالظبط ...
في نفس الوقت جبت سماعات sony لل iphone مرة .. كانت ب 125 من راديوشاك ... و كنت على وشك اني ارميها في الزبالة بعدها على طول :)
أنا اشتريت سماعة Creative HS- 390 كانت ب 100 جنيه تقريبا بس صوتها رائع و مريحة جدا
طبعا Beats لا يعلى عليها
انا برشح:
- Griffin منتجات لapple موجودة فى Tradeline
- Logitech
- Skull Candy
انا مجربهم او ااحسنهم هى Griffen
جرب سماعه النوكيا الاصليه بس الميكروفون مش حيشتغل
هههههههههه والله لسه كنت هقول البوقين دووول :)) :grin54:
بجد أنا شايف سماعة النوكيا الأصلية جميلة جدآآآآ بس أهم حاجة تكون جاية بالحتتين الإسفنج بتاعتها
لأنها من غيرهم بجد ولا حاجة
أنا دلوقتي بعاني علشان أجيب السفنجة دي بس علشان إتقطعت
وسألت علي السماعة فالتوكيل لقيتها ب 150 جند أنا معايا نوكيا إن81 أصلآ
بالنسبة للكمبيوتر فانا شغال بال Creative SR أم 20 جند دي :)) لأني مليش فالصوت قوي
ماادام الباس والبيز تمام ومرتاح ليهم أجيب حاجة غالية ليه؟؟
ياباشا خد اللينك دة وادعى لى
Bose
السماعة أم 875 جنيه دى انا جربتها كانت مع إبن خالى حاجة جامدة جدا
والله يا شنوري بيه أنا بحفي علي ما بلاقي سماعة بسفنجة
كل إللي بلاقيه يا حتة المطاط دي بس بالنسبالي مؤلمة أوي فالودان ومش مريحة خالص
يا تلاقي سماعات من غير أي حاجة أصلآ
بجد السماعة بتاعت النوكيا بتاعت موبايلي دي عجباني جدآآآآ
بحس كإنها متفصلة علي قد ودني بالظبط :grin54: