استاذ محمود الف مبروك وربنا يملهالك بركه
عرض للطباعة
استاذ محمود الف مبروك وربنا يملهالك بركه
و الله من كل قلبي أتمنى لحضرتك تتوفق في كل حياتك و تجيب عربية تتمناها و أنا احبك في الله و حاسس بحضرتك جدا لأن نفس معاناة حضرتك هيا معاناتي في البحث عن طريقة تقسيط حلال و لكن يبدو إنه مفيش فايدة
بسم الله ما شاء الله تقرير أكثر من رائع
وبخصوص موضوع إستهلاك البنزين فيه خاصية إسمها عمل ريست للرشاشات كل 10000 كم في التوكيل بالكمبيوتر ودي بتفرق كتير في ظبط الإستهلاك بالإضافة لظبط سن البوجيهات علي المقاس الإستاندر كل 5000 أو 10000 مع عدم إستخدام البوجيه أكثر من 20000 كم وللإستهلاك المثالي يفضل كل 10000كم
وأدعو الله أن يبارك لك في سيارتك ويؤتيك خيرها ويكفيك شرها
تقبل خالص تحياتي
الف مبروك ليك وصدقنى صفقه ناجحه
شوفى ياسيدى الحل اظبط الدبرياج ( انا بظبطه بنفسى ) ولو بصيت تحت دواسه الدبرياج فى نقطه التفائها هتلافى زى مكنه الفرامل اضظغط دبرياج للاخر واسحب ما يشبه مكنه الفرامل للاخر وسيب الدبرياج تانى كده يبقى عملت رجلاش لحساس الدبرياج وهتلاقى السحب يفرق والبنزين يفرق
انا معايا موديل 2009 وعامل 50 الف واى سؤال
واحشنى يا استاذ ايهاب انا عارف ان حضرتك حاسس باحساسى فى المشكلة اللى قابلتنى واللى نساهالى مشاركتكم الطيبة ليا بس واللة يا استاذ ايهاب كانت محنة لكن الحمد للة عدت وبدات اتقبل العربية واتعامل معاها ولقيتها ظريفة والدنيا ماشية بس القلب وما يريد واة من حكم القلب ---لكن انشاء اللة سوى فى 4*4 وشكرا لزوقك ويارب تكون عندك اخبار تطمن عن الدكتور مناهرى او استاذنا ابو جيسى الناس دى طيبة جدا ومن كتر طيبتهم بقلق عليهم لما يختفوا عننا شوية --ربنا يطمنا عليهم وعلى الجميع --انا بحس ان القسم دة هو بيت العيلة وان الناس الللى فية اهلى وبحس برابط غريب بيربطنى بيهم----سنتين وانا معاكم كل يوم يمكن من بعد الثورة ظروفى اتلغبطت شوية ومبقتش عارف اتواصل معاكم زى زمان بشكل يومى--لكن انشاء اللة من الاسبوع القادم معكم تانى--وربنا يديم المعروف
ربنا يديك خيرها ويكفيك شرها يامحمود باشا وصدقنى كل عربية ليها نظامها ولما بتتعود عليها خلاص بتحل كل مشاكلها مع الوقت ومتبقاش مشاكل