تقرير عن اسبرينزا 516 موديل 2011

**ahmedhilmy** · 29-05-2011 12:50 PM

طيب فرصة اخد رايكم انا معايا لانوس 2004 فول اوبشن العربية معايا بقالها 3 سنين و الحمد لله مش مضيقاني بس موضوع الزيرو قاعد بيزن في دماغي اليومين دول ايه رايكم انا بفكر ابيع اللانوس و اجيب 516 قسط معايا و لا لأ ؟ و لو قسط تنصحوا اجبها منين ؟

**mido_295** · 29-05-2011 03:26 PM

أ / أحمد انا كنت فى المصريه أمبارح وكنت بسأل على العربيه دى ولقيت فايده كويسه والسعر كان 65000 جم الكامله والتسليم فى 24 ساعه لو اى استفسار اتفضل الموضوع لسه بكل تفاصيله فى دماغى لأنى كنت نازل أسأل عليها بالتحديد

**mmmmgogommmm** · 31-05-2011 12:42 AM

واللة جميلة وواسعة ومريحة وكلها كماليات

**M.Elsheikh** · 04-06-2011 07:47 PM

ربنا يديك خيرها و يكفيك شرها

**egypt0777** · 04-06-2011 11:20 PM

باء

العربية ده عبها البنزين

طب ياريت تيجى على البنزين بس كان الواحد استحملها

يعنى القطمة بتاعت الدريكسيون مش مبوشه فى كل العربيات
عفشة العربية البايظة تمام ( ده كفاية المسامير بتاعت العفشة لما تيجى تقرط عليها تفوت منك)

كوالين الباب الداخلية اللى عماله تضرب

اكر الباب اللى بتكسر لوحدها

قواعد الماتور كبرها لفتين بالعربية

صوت طرمبه البنزين اللى يخض على الصبح

تيل الفرامل اللى بياكل الطنابير ( بتاع التوكيل)

بلى العجل اللى كبيره برده لفتين بالعربية

طرمبة الباور اللى بتطلع صفار من كتر اللف بالعربية

عضة الفتيس العجيبة اللى مالهاش تفسير خالص

فوانيس الفبريكة اللى بتشبر لوحدها

والعيب القاتل ( الحدفة اليمين ) اللى مابتروحش اللا بالزرجينه فى عربية زيرو

كفايه كده ولا اقول تانى

انما لو على البنزين كنت هينه ناهيك عن تسقيف الماتور مع البنزين

**king516** · 04-06-2011 11:53 PM

المشاركة الأصلية كتبت بواسطة egypt0777

باء

العربية ده عبها البنزين

طب ياريت تيجى على البنزين بس كان الواحد استحملها

يعنى القطمة بتاعت الدريكسيون مش مبوشه فى كل العربيات
عفشة العربية البايظة تمام ( ده كفاية المسامير بتاعت العفشة لما تيجى تقرط عليها تفوت منك)

كوالين الباب الداخلية اللى عماله تضرب

اكر الباب اللى بتكسر لوحدها

قواعد الماتور كبرها لفتين بالعربية

صوت طرمبه البنزين اللى يخض على الصبح

تيل الفرامل اللى بياكل الطنابير ( بتاع التوكيل)

بلى العجل اللى كبيره برده لفتين بالعربية

طرمبة الباور اللى بتطلع صفار من كتر اللف بالعربية

عضة الفتيس العجيبة اللى مالهاش تفسير خالص

فوانيس الفبريكة اللى بتشبر لوحدها

والعيب القاتل ( الحدفة اليمين ) اللى مابتروحش اللا بالزرجينه فى عربية زيرو

كفايه كده ولا اقول تانى

انما لو على البنزين كنت هينه ناهيك عن تسقيف الماتور مع البنزين

مع احترامى الكامل ليك انا معايا العربيه ومعايا كمان سيراتو بتاعه اخويا الصغير غير ال28 اقدم عربيه عندنا
اقسم بالله ان اللى انت بتقوله ده عن ال516 مش موجود عندى خالص خالص ولا كلمه من اللى انت بتقول عليها دى حصلت اللهم ان تيل الفرامل بيصفر كل فين وفين و عداد البنزين مكنش مظبوط واتظبط غير كده كل كلامم مبالغه فى مبالغه وانا اسف فى اللفظ يعنى ممكن حضرتك تكون كاره العربيه ومش عايز تحاول تصلح اللى فيها وممكن يكون سوء استعمال منك لكن ارجع واقول انا مش بكدبك لأن ده احتمال تكون حاله فرديه وانا عربيتى موديل 2010 وعامله 14 الف كيلو يااستاذى وكمان المفاجأه ان السيراتوا لسه متغيرلها مقص + 2 مساعدين من يومين !!!!!!!!!!!!!!1

**samehsalem** · 04-06-2011 11:55 PM

كل العيوب دي وعملوها تاكسي ...سبحااااااااااااان الله

**mmmmgogommmm** · 05-06-2011 12:30 AM

استاذى انا مش عارف اقولك اية-----اكيد عربية سيادتك هى الوحيدة اللى خرجت من خط انتاج كمية معينة بهذة العيوب ودة عادى وبيسموها فى اوربا الليمونة اى ان هذة السيارة لاتساوى الا ثمن ليمونة واحدة فاسدة ويقوم المصنع با ستردادها وتغييرها للعميل------ارجوك راجع الشركة الام فى الصين

**king516** · 05-06-2011 12:39 AM

والشركه الأم هتديك عربيه وتقولك كبيرها 3 لفات مش لفتين بس

ههههههههههههههههههههههههه ههههههههه

( على فكره انا بهزر لتلطيف الأمور مش بغرض سخريه او استخفاف وبكن ليك كل احترام وتقدير )

**egypt0777** · 05-06-2011 01:56 AM

بفرض انى بتجنى على العربية و انى عربيتى طلعت هى اللمونة

انا عاوز من حضرتك الاتى :

1- كل من هو عربيته سليمه --- يسجد لله شكرا لانه لم يتصاب فيها و يبوس ايده وش وظهر ان ابو الفتوح اداله برتقانة مش لمونة و برتقانة بصرة كمان ههههههههه

2- بدل اللكلام فى الفاضى --- ياريت اى حد يتكرم ويروح مركز حماية المستهلك -- شارع عرابى يوم الاتنين و الخميس من الساعة 1 الى ما شاء الله ويروح يشوف قفص اللامون وشجرة اللمون هناك ( وتشكيله اشى 516 و 311 و 620 و تيجو - ماكنش فى ايميا m11 ) والعدد فى اللمون على عينك يا تاجر

بس ابقى روح بجد وقلى شفت ايه هناك بدل الكلام بثقة اوى كده ---------------- وما تنساش تجيب كيلوا عشان اللمون غلى الايام ده كمان