من الذكريات: يوم28 يناير ونهب وسرقة أقسام الشرطة صورتهم فيديو كلهم ...وقتها اعرضها ان

ياااااااااااااااااااااااه كانت ايام
شكرا د/ احمد انك فكرتنا بيها عشان لما الواحد يقول دلوقتي انا مش حاسس بالامان يفتكر ايام اللجان الشعبيه :)

انا فاكر ان يوم 28 ده كنت قاعد بذاكر عشان عندي امتحان يوم الاحد و اهلي راحوا العين السخنه و كنت زعلان قوي اني مطلعتش معاهم
المهم من اول اليوم كده الموبايلات مقطوعه ماعدا فودافون !!!!! تقريبا اخر واحده قفلت
فيدوبك اطمنت على اهلي انهم وصلوا من هنا و التليفونات قطعت كلها من هنا
و طبعا البلد كلها ولعت في اليوم ده المفروض يسموه حريق القاهره :) او حريق مصر
تاني يوم بقى انا قاعد لوحدي في الشقه و في حظر تجول و الناس عماله تنادي من ميكروفون الجامعه انزلوا احموا بيوتكم
الصراحه معرفتش اقعد في البيت قمت نازل و قعدت تحت العماره مع الجيران احسن
فضلت قاعد من عصر السبت لعصر الاحد في الشارع !!!!! اصلي مش بعرف اقعد لوحدي و في ظروف زي دي كان مستحيل
ايااااااااااااااااااااااا ااااااااااااام

اياااام بس بصراحه انا مفتقد اللجان الشعبيه.

انا كان عندى امتحان يوم السبت المهم روحت و نمت صحيت بتفرج على التلفزيون لقيتهم بيقولو كل واحد يحافظ على ممتلكاته و فعلا بجد والله بدون مبالغة مكنتش فاهم معنى الكلام غير لما لقيتهم بينادوا علينا فى الميكروفونات و قعدت يومين مش بنام و لو نمت اصحى على صوت زعيق او ضرب نار و معرفش انام بعدها
بس كان نفسى فعلا اتفرج على الشوارع و الاقسام و هى متبهدلة كدة

على الرغم من قساوة الأيام دى وصعوبتها

بس كان الواحد فرحان ومبسوط انه شايف الناس كلها إيد واحدة بجد وكله بيحامى بعضه (مش زى دلوقتى خالص :s )

والناس كلها فى الشارع وبتحمى بيوتها

بجد من أسعد أيام حياتى الفترة دى :)

الواحد اول ما شافه كان حاسس انه فى كابوس

دي شوية صور للأقسام المتفحمة

http://www.nilemotors.net/Nile/199393-a.html