الموضوع: يا ريت لو غلطان أعرف غلطان فى ايه؟؟؟

المشاركة الأصلية كتبت بواسطة tameraast

انت غلطان و السبب مينفعش تسيب عربيه مع حد يصلحهالك لازم تقف معاه

أولاً : ظروف الشغل ما تسمحش انى اكون متواجد مع العربية
ثانياً : انا مسلم العربية لأخ غزيز ذو سمعة طيبة فى المنتدى يعنى لما بيكون عندى مشكلة فى عربيتى الشخصية بروحله و هو اللى بيخلص كل حاجة

المشاركة الأصلية كتبت بواسطة axel

بس يا باشا انا هرد بس من غير اي زعل لأنك طلبت الرد بصراحة

اولا زي ما حضرتك شرحت فالواضح انك عايز تعملها خدمة و بيبقي في تقدير من الشركة ان حد خلصلها حاجة

و الله العظيم انا مكنتش مستنى أى تقدير من أى حد بس الغرض الأساسى ان اخوى أولا من الغريب

لكن الحاجات اللي بتبقي فيها فلوس جامد زي كده الافضل الابتعاد عنها حتي لو اتحايلوا عليك

ثالثا الواضح ان بعد كل ده العربية برده فيها مشاكل و كده اللي ميعرفش اللي حصل اول حاجة هيقولك ده يا دوب لصمها و زوقها و خد الباقي

يعني الموضوع كله بالانتقالات و كله اتكلف اكتر من 30 الف جنيه مبلغ مش قليل
بالمبلغ ده كان الافضل العربية تروح للتوكيل و هيفيض كمان حتي لو هيتزود عليه كام الف (ده لو المبلغ مكفاش مع اني شايف انه مش قليل ) طالما الشركة هي المسئولة و اي حاجة التوكيل هيكون مسئول عنها و هيبقي في ميعاد محدد تستلم فيه العربية و بفواتير رسمية اللي محدش هيقدر يشكك فيها
و بالتالي هتبقي خرجت نفسك من اي موضع شبهة او اي مسئولية
و متنساش ان التوكيل توكيل برده مهما دفعت لكن هيطلع تمام مش زي برة

بالاضافة كمان انك مكنتش قاعد قصاده في كل حاجة بيعملها و المفروض ان كل حاجة حضرتك بتجيبها او بتروح معاه و هو بيجبها و تحاسب بنفسك مش ارسال بالبريد و اتصرف انت او يقولك المبلغ و تبعت

لأن المصاريف كتيير اووووووي و البشمهندس كان بيجيب استيراد يعني و شغل السمكرة مش محتاج يعني
و العربية برده في الاخر فيها مشاكل يعني اللي تم فيها كله شغل خارجي فقط اكتر من داخلي


بالاضافة ان حضرتك ذكرت ان العربية من الاصول الثابتة
فكانت المفروض اللي تتولي الموضوع ده الشركة نفسها تعمل اللي هي عايزاه فيها توديها توكيل تقطعها و تبيعها خردة هم حريين

محدش بيتعلم ببلاش

رابعا : و اكبر غلط ان حضرتك سيبت فلوس و طلبت ارسالها بعدم اهتمام كان المفروض تفضل معاه لحد ما تاخد الفلوس و ممكن تطلب منهم في الشغل اجازة نص يوم او يوم و تقولهم الاسباب
لأن مفيش حد دلوقتي يضمن احنا في زمن الاخ بيبع اخوه و دلوقتي بقي يقتله عشان جنيه

المسألة مسألة ان الوقت أتأخر و العملية فى بيتها

و المفروض تروحله و معاك حد و تشوف قصته ايه اذا كان الراجل مظلوم و عنده ظرف يبقي كده براءة الا ان انا شايف المصاريف كتيير
ولا بيتهرب منك

خامسا : لو في اي تشكيك من جهة الادارة ممكن حضرتك تطلب منهم يجيبوا ميكانيكي و عفشجي و سمكري و يتم زي تتمين للموضوع كله يتكلف كام عشان تريح ضميرك و محدش يفتح بوقه و لا يشكك

و في الاخر حضرتك كعمل مغلطش انك عايز تساعد و طبعا المساعدة ديه بتضاف لسجلك في الشركة و بيبقي فيه مكافأة ع جهدك

لأن انا الموضوع حصل معايا في شغلي عملتلهم شغل للادارة كتتير و كله بالفواتير الرسمية مفيش سحتوت حتي زيادة و حتي الانتقالات مطلبتهاش
لكن كان الحمد الله فيه مكافأة كويسة
لكن بعض الناس اللي هم اساسا كانوا عايزين يعلموا الشغل ده مخصوص عشان ياخدوا من وراه باصين ليا ع اساس ان انا قلبت و بيقولها كمان في وشي ببجاحة
لكن انا طالما واثق في نفسي و عارف انا بعمل ايه و الادارة واثقة فيا فخلاص ميهمنش اي حد اللي عايز يفتكر حاجة يفتكرها
و الادارة فعلا بعدها وكلت ليا شغل كتيير و بعدها قبل ما اسيبهم اصبحت نائب عن الادارة في اي حاجة خاصة بالشغل بالرغم من ان اللي شغالين معايا اقدم مني و انا اصغرهم سنا و لسه طالب بكلية حقوق عين شمس و افتخر
( طبعا كله دلوقتي هيقول حروق او حموم عين شمس ههههههه)


و انا شايف ان حضرتك غلطان و مش غلطان
غلطان عشان عملتلهم حاجة و عشان سيبت العربية تتصلح بدون متابعة
و مش غلطان عشان كنت عايز تساعد و تعمل اللي شايفه افضل

و زي مقولتلك الأفضل ان حضرتك تكبر دماغك من اي موضوع خاصة لو فيه فلوس كتيير
يعني لو الموضوع حاجة بسيطة اه تمام ادخل فيه
انما موضوع هيدخل في فلوس و اصول ثابتة و فواتير و الكلام ده كبر دماغك

و بالتوفيق ان شاء الله

متشكر جداً على الرد