تحية الى كل خبراء قسم BMW
عندى سؤالين
الاول
هل سيارات الفئة الخامسه دفع رباعى
ام بعضها و كيف اعرف اذا كانت دفع رباعى من عدمه
السؤال الثانى هل يوجد active suspension فى اى من فئات بى ام
عرض للطباعة
تحية الى كل خبراء قسم BMW
عندى سؤالين
الاول
هل سيارات الفئة الخامسه دفع رباعى
ام بعضها و كيف اعرف اذا كانت دفع رباعى من عدمه
السؤال الثانى هل يوجد active suspension فى اى من فئات بى ام
غالبا كلو او حتى الى فى مصر علشان ممكن يكون بره مصر فيه دفع رباعى بيكون دفع خلفى وبالنسبة للسؤال الثانى مش عارف
الفئة الخامسو في مصر دفع خلفي, بره يوجد دفع رباعي منها كأختيار لكن العادي خلفي , المزودة بالرباعي بيكون مكتوب عليها Xi بدل i , الx عشان الxdrive اللي هو نظام بي ام في الدفع الرباعي المستمر , بالنسبة للactive suspension موجود في الفئة السابعة و الخامسة الجديدة F10 .
شاكر جدا ليكم ولتفاعلكم ربنا يكرمك
انا بفكر اجيب حاجه اما e39 او e60
انا بعشق شكل e39 لكن خايف من مشاكل المستعمل انا مرعوب من القصه دية
مافيش وقت للجرى ورا العربيه و كمان دورت كده شويه مش لاقى حاجه الكيلوا متر بتاعها معقول
فا رائيكم ايه e39 or e60
طيب خير
معلش هتعبكم معايا
فى حد عارض 525 موديل 2004 الشكل القديم(اللى انا بحبه)
هل هناك اية سلبيات للموديل ده عموما
هل هناك اية فروق جوهرية بين 23 و 25 غير مسالة السعة الليترية للمحرك
يعنى مثلا انا بدخل فى اماكن مكسرة كتير يعنى محتاج عفشة تكون heavy duty
اسف لتعبكم معايا و شاكر لكل الناس المتفاعله معايا
بعد التحيه ،
عن تجربه و امتلاك 4 bmw سيارات : 318 مو 2001 - 520 مو 2001 - 525 مو 2003 - و اخيرا 523 e60 مو 2006 حتى تم بيعها فى 2009 و شراء مرسيدس c200 مو 2009 زيرو لزوم التغيير و تجربه المرسيدس .
ال 525 مو 2004 / e 39 طبعا جامده و كل الى انت عاوز تقوله - لكن تأكد ان مفيش وجه مقارنه بينها و ال e60 من حيث :
- العافشه القويه جدا و فى نفس الوقت مرنه و ناعمه جدا - تغيير كلى فى التصميم و التكنولوجيا ...
- الباور الستيرنج - قصه تانيه - لازم تجربه بنفسك !!
- استهلاك البنزين اوفر fuel consumption 30% less
- الشكل الداخلى الافضل من كونسول و لوحه عدادات و idrive + parktronic
- الشكل الخارجى ( انا عارف ان دى مسأله اذواق ) - لكن هذا الشيب e60 هو برأى اهم خبراء التصميم فى العالم" انه افضل تصميم فى الفئه الخامسه فى تاريخها " .
....* لذلك انصح بال 523 مو 2006 / e60 - موتور 2500 سى سى - 177 حصان - عزم 210 تورك .
و سعرها اليوم فى حدود ال 220 الف +/- 10 الاف بشرط الحاله الممتازه - ( كانت زيرو ب 468 الف !!! ) .
.... لو جربتها يومين بس ثم ركبت ال e39 حتعرف الفرق الشديد .
تحياتى ...
ال e60 من وجهة نظري جامد فحت ورياضي وشايفه اجمد من الشكل جديد كمان
انا بجد مش عارف اقول ايه لحضرك بسم الله ما شاء الله شرح وافى و ممتاز
ربنا يكرمك
انا فعلا كنت متخيل ان e39 هتكون اقوى فى العفشة و كمان هتكون ارخص فى سعر قطع الغيار
لكن كلامك هيخلينى اراجع نفسي مع الوضع فى الاعتبار مصاريف e60 هتكون اعلى طبعا
لكن انا خايف انها تكون خيالية
انا طبعا اقصد قطع الغيار الاعتيادية زى التيل و الفلاتر من تكييف و هواء و سيور و خلافة
فا ايه رائيك
انا بشكرك فعلا مره اخرى على شرحك الممتاز
عن تجربه test drive للشكل الجديد 528 / f10 - فهو مختلف تماما عن e60 و قد شعرت فى النصف ساعه تجربه بأنه الافضل فى :
- العافشه المعدله كليا و الراحه التامه
- قوه سحب و شد الموتور الجديد
- احساسك بأن ابعاد السياره ليس بالكبيره ( مثل اى فئه ثالثه !! ) و هذا فى حد ذاته انجاز من bmw
- طبعا بالضافه للتصميم الداخلى المبهر و الاوبشنات الجديده مثل auto hold و auto park ....
.... و كل اصدقائى الى جابوها سواء 523 او 528 حاسين بالفرق للافضل طبعا .
تحياتى ...
العفو - و اى خدمه
- عفشه ال e60 اقوى وامتن و كذلك تصميمها افضل و متطور ليعطيك راحه اكثر
- صيانه ال e60 للزيت المتكرره كل 10 الاف كم او سنه = حوالى 700 جم
- قطع الغيار معمره جدا - مثلا التيل الامامى مش قبل 40 الف كم و سعره حوالى 900 جم
- طبعا قطع غيارها اغلى من ال e39 - و لكن بنسبه 30-20 % فقط - خصوصا بعد نزول الشكل الجديد f10
.... اخيرا حتلاقى سعر ال 525 مو 2004 قريب اوى من 523 مو 2006 - ده اصلا لو صاحب ال 525 مو 2004 ما كانش طالب اكتر من 210 الف !!!
لو كنت جادى على 525 مو 2004 >>>>>>> لا تتردد اطلاقا فى شراء 523 مو 2006 .......
تحياتى ...
أنا راكب حاليا e39 موديل 2001 .....حلم حياتي.ومش عاوز حاجة تانية..إني أركب e60...إشي خيال يا نااااااس
مع الاسف انا مش قادر اوصل لمعلومة ارتفاع العربيتين عن الارض (Ground Clearance)
لو حد يقدر يقولنا الرقم كام بالتحديد بالنسبه للعربيتين