عايز كل الناس تتفرج علي عربيتك
اي حد عايز الناس تتفرج علي عربيته :16:
متمشيش أقل من 100 - أجري علي طرق متعرفهاش - خد غرز بطريقه غريبه تلبس ال قدامك واللي وراك - شد مع أي حد يجي جنبك وتحسه بيقولك فرجني عربيتك ومتهتمش بالناس اللي بتعدي وسط الشارع وأنسي ان ممكن يكون والدك أو والدتك اللي بيكون معدي الشارع دا
معلش بقول الكلام دا لأني في خلال أسبوع بس عرفت ب 5 حوادث وكلهم ناس اعرفهم ومدايق جداااااا
سيراتو السقف أطبق ( أتقلبت ) ولا تقولي جنط 17 ولا كاوتش عريض ولا قرف عربيات زباله والله وطريق ملهوش أمان
شاهين خبطت راجل ومراته وأبنهم ( ف الحجز حاليا )
دايو لانوس خبطت ف سور كوبري (توفي الي رحمه الله تعالي )
شاهين دخلت تحت عربيه ربع (لسه راجع من شويه من عند السمكري والعربيه لسه فيها شغل) بس مش عربيتي
سكودا اوكتافيا (داخله ع ملف بس مش ملف جامد بس داخله ع 160 العربيه عومت ولفت -----خدوا بالكم انا قولت سكودا يعني ثبات ------ جنطين والجنب كله والشنطه دخلت في عامود )
اللي عايز بقا عربيته الناس تتفرج عليها يعمل كدا وهيلاقي عربيته متشاله فوق الونش والناس بتتفرج عليها
بعد الشر طبعا وربنا يستر طريقنا كلنا انا عارف رجاله المنتدي سواقتهم هاديه :grin54: