صـورة جـديـدة لـلـنـشـل ( احـــــــذروا )

**Amr Axel** · 29-05-2011 05:52 AM

بسم الله الرحمن الرحيم
السلام عليكم و رحمة الله وبركاته

طبعا واضح ان مش النظام بس اللي اتغير بعد الثورة لكن الحرامية و النشالين كمان

دلوقتي بقي في صورة جديدة للنشل و ابتديت تنتشر اليومين دول

قولت اكتبها عشان تاخدوا بالكم منها
و في ناس اتقرصوا من الموضوع ده و قالولي عليه
و الموضوع اتكرر قدامي بنفس الشكل اللي اتشرحلي

القصة انك تلاقي واحد جاي ماسك علبة منديل او كيس منديل او قطعة واحدة من اي حاجة بيشحتوا بيها
و تلاقيه جي بيطلب منك نص جنيه او جنيه بس
و يقولك اديني نص جنيه و اشتريها مني او اي ان كان الاسلوب

و طبعا لما يجي الراجل يطلع المحفظة او الست او تفتح الشنطة و تطلع الكيس
البرنس يخطف المحفظة او الكيس و يجري
و انسي يا ريس

و انهاردة اظاهر كنت هقفش واحد منهم لكن لما فضلت متابعه من بعيد و قربت و فضلت باصلله و حاطط ايدي ع جيبي كأن معايا سلاح (كان جيبي منفوخ عشان حاطط فيه جراب نضارة و التي شيرت نازل عليه فاستغليت الموقف )
بص ليا و مشي من غير ما يوقف حد تاني و ساب المكان كله و فضل باصص ليا بطرف عينه و هو ماشي

و من اللي شوفته انهاردة اقدر استدل ع انه يتم التعرف عليهم عن طريق الآتي :
اولا شكله لا ينم ع انه شحات نهائي
ثانيا ماسك حاجة واحدة بس بيبعها مفيش غيرها
ثالثا لما بيقف يكلم حد هيديله حاجة بيقرب اوي
رابعا بيتلفت حواليه اذا كان في حد متابعه و لا لأ
عشان طبعا لما يجري محدش يلحق ياخد باله

انا قولت احذركم
و يا ريت تحذروا كل اللي تعرفوهم

و بالتوفيق للجميع ان شاء الله

**amr100** · 29-05-2011 07:19 AM

شكرا على التحذير

**MOUSTAFA_SAAD** · 29-05-2011 08:52 AM

جزاك الله خيرا

**modo88** · 29-05-2011 09:08 AM

شكرا علي التحذير
والسرقة دي فن وياما لسه هايطلعوا من فنون :d

**SYD** · 29-05-2011 09:34 AM

شكراً علي التحذير

**nicegypt** · 29-05-2011 10:27 AM

احب اضيف بعد اذن صاحب التوبك
اولا : اغلق زجاج سيارتك او وارب الزجاج وانت ف اي اشارة لان اتسرق شنطة من عربية بنت ف اول اشارة بعد كوبري ثروت
واللى سرقتها شحاتة بنت بتسرح بمناديل

ثانيا : لا تضع اي شيئ ع التابلوة ابدا .. موبايل اتسرق من على التابلوة بكل سهولة ف اشارة وف لمح البصر