استشارم من رجاله بروتن لو سمحتم

**kledlnaql** · 29-05-2011 10:09 AM

[size="6"][/sizeبروتون جين 2 والا فيرنا يعني عندي مقدره اشتري جين2 مستعمله في حدود 70000 والا فيرنا زيروا انا عايز اللي بتستحمل و متفتحليش بوئها و تقولي قطع غيار ممكن تفودوني

**أبومعاذ** · 29-05-2011 11:09 AM

مفيش أي وجه مقارنة.....جين2 بس بشرط تكون حالتها كويسة

**alaasaid** · 29-05-2011 01:31 PM

السلام عليكم ,

حضرتك بتقارن جين 2 مع الفيرنا و كدة بعيدة اوى , عموما لو حضرتك هتجيب زيرو فى حدود 70 ألف ممكن تشوف ساجا اتوماتيك 73000 و لو مش عاوز اتوماتيك يبقى قدامك الفيرنا و لانوس و لوجان و أهم حاجة الاستخارة قبل الشراء و ربنا يكرمك بالاختيار الصحيح

**Ghosts** · 29-05-2011 01:38 PM

أعتقد أنك ميال أكتر للجين 2 عشان كدة أنت عملت المقارنة دى فى قسم البروتون .
تفتكر البروتوناوية هيقولولك هات الفرنا ؟
بس العقل بيقول أن العربية الزيرو حتى لو كانت فرنا هتبقى أحسن من العربية المستعملة مهما كان نوعها .
الجين 2 2011 تمنها 87000 جنية ....أنا لو مكانك كنت دفعت 40000 جنية مقدم لجينا و قسطت الباقى على سنتين أو تلاتة ولو مبتحبش تزنق نفسك بأقساط لمدة طويلة ممكن تدفع السبعين ألف مقدم و تقسط الباقى على سنة ....
يعنى اللى يقدر يدفع 70 ميقدرش يقسط 17 ؟
هو الواحد بيشترى عربية كل يوم ؟
بيتهيألى كدة هبيقى أحسن ماتدخل فى دوامة المستعمل

**kledlnaql** · 29-05-2011 03:59 PM

شكرا ليكم بس انا قصدي ان الأتنين اللي هما الفيرنا جديده او الجين 2 مستعمله بنفس السعر و انا شاب يعنيي هعمل كيلوهات كتير و أهلاك فا رأيكوا ايه احسن من ناحيات الأستحمال بردوا

**Tarek Gen 2** · 29-05-2011 07:37 PM

انا رأيى
ساجا اوتو او مانوال
فيرنا
جين تو

لان الزيرو مايتعوضش و احسن من المستعمل مهما كان حالته 100 مرة
فكر فى الساجا نفس سعر الفيرنا

**kledlnaql** · 30-05-2011 01:21 AM

الف شكر ليكم و لو حد عندوا رأي تاني يرات يئولوا

**m_marmoush** · 30-05-2011 02:08 PM

بص يا سيدى ... أنا الحمد لله عند جين تو و لانوس، وطبعا اللانوس و الفيرنا مش فارقين عن بعض، المهم فى فرق كبير بين الجين تو واللانوس من ناحية السحب ، الأمان، قوة الفرامل، الراحه فى السفر، وسع الشنطه، جمال الشكل و التابلوه و طبعا الثبات.

من غير تفكير الجين تو أحست ميت مره بس شرط الحالة