سمكره ورش

**gaaz** · 29-05-2011 01:22 PM

العربية عندي فيها تعرجات كتير بس مفيهاش خبطة واضحه لو حبيت اسمكرها وارشها حتكلف كم ؟
العربية 128

**gaaz** · 30-05-2011 01:43 AM

هو انا سألت سؤال غريب لا سمح الله هههههه

**gaaz** · 31-05-2011 01:31 AM

ياخوانا هو في ايه ؟ محدش رش قبل كده ؟ محدش سمكر عربيته ؟ محد يفيدني قبل ما نزل للصنايعية ياكلوني بسنانهم انا معرفش حتى رنج الاسعار كم !

**gaaz** · 31-05-2011 01:33 AM

يا اخي والله الواحد كره نفسه وكره العربيات بسبب الصنايعيه حاجة مقرفة والله يا تبقى برمجي وصايع ومنحرف وتتعرف تتعامل معاهم ولو انت طيب ومحترم ياكلوك اكل
مفيش مكان كده يكون مضمون ومعروف وواضح اروحله ؟ يكون شغله نضيف وعنده تسعيره واضحة
اكتر حاجة اكرهها في حياتي اني اضرب على قفايا في فلوس او في شغل وحش وده بيحصلي كل مرة اتعامل فيها مع صنايعيه
والله الواحد تعب من البلد دي

**misoalex** · 31-05-2011 05:42 AM

عاوز تدفع كام ؟؟؟؟؟؟؟ ميزانيتك وحاله عربيتك هى اللى حتحدد السعر

مسمعتش عن عربيه بتتسمكر وتترش ب 500 جنيه وعربيه زيها اتسمكرت واترشت ب 5000 جنيه

اصل عل حسب انت حتغير رفارف وبيبان عشان تظبط التعريجات دى ولا حتسمكرها وتمعجنها بحيث انها تختفى شويه وتبقى احسن من الاول
كذلك الدوكو بيفرق على حسب الصنايعى والشغل اللى فى العربيه ونوع الدوكو نفسه مصرى ولا مستورد

عشان كده بقولك انت وميزانيتك ومحدش فى المنتدى حيعرف يقولك سعر عشان كده محدش رد عليك

**kamatsho** · 31-05-2011 05:54 AM

المشاركة الأصلية كتبت بواسطة gaaz

يا اخي والله الواحد كره نفسه وكره العربيات بسبب الصنايعيه حاجة مقرفة والله يا تبقى برمجي وصايع ومنحرف وتتعرف تتعامل معاهم ولو انت طيب ومحترم ياكلوك اكل
مفيش مكان كده يكون مضمون ومعروف وواضح اروحله ؟ يكون شغله نضيف وعنده تسعيره واضحة
اكتر حاجة اكرهها في حياتي اني اضرب على قفايا في فلوس او في شغل وحش وده بيحصلي كل مرة اتعامل فيها مع صنايعيه
والله الواحد تعب من البلد دي

ههههههههههههههههههههه ضحكتنى من قلبى والله

فكرتنى بـ ابن عمى كل ما ينزل مصر يركبه ميت عفريت ومش عاجبو حاجه فيها من اولها لـ اخرها

هو عايش طبعاً حياته بره ومعندهمش الهجايص والخزعبلات اللى عندنا فى مصر

يا باشا بيتهيألى انك توديها لصنايعى كويس يظبطها .. ميكونش عكاك

وان شاء الله يظبطهالك .. ده لو ايده كويسه

بالنسبه للسعر هتكلفك حوالى 1500 ج بالبويه الأصليه على فكره صاحبى كان عنده كام خبطه فى عربيته الفيرنا وظبطها ورشها كلها وظبطها سمكره بـ 1500 ج .. والبويه اصليه

المهم .. صنايعى كويس .. وعنده ضمير

**rasim** · 31-05-2011 10:07 AM

السلام عليكم
طب روح لوشه الاستاذ كريم منير اسمعناس كويسين
وانا رحت مره عاينتالعربية هناك كان فى بارومه فى العتب الاثنين والرفف بايظ واره واقدام والاكصدام برده الاثنين وارش العربية كلها 2700
بس طبعا ما كنش معى فلوس
الحمد لله
رحت ارخص طبعا محتاجين الحاجات البايظه تتصلح
رحت عند واحد امس يظبط العتب والاكصدام والرفرف امام وخلفى ويلمعها سمكره ودكو 500 جنية علىشرط مش يرشها كلها ده رش الحاجات التى اتسمكرت فقط
طبعا بعد فصال 450 وطبعا مش عارف شغله حلو ولا
والله اعلم
وربنا يرحمنا
الواحد نفسة تكون ورشه كامله وكويسه ورخيصة طبعا من رابع المستحيلات

اسف على الاطالة