هوندا سيفيك2007 سوداء للبيع ..

**م. تيمور** · 23-04-2008 10:27 PM

1-ماركة السيارة : هوندا سيفيك
2-الموديل/السنة : 2007
3-عدد الكيلومترات : 12.600
4-الكماليات (كاسيت-تكييف-زجاج كهرباء-باور) : full option
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) : بدون اي خبطه عدا نقره في اسفل الاكصدام الخلفي بحجم العمله المعدنية
6-حالة الدواخل (رشة مناطق كذاوكذا او فابريكة)
7-حالة الصالون (معقول-جيد-جيد جدا - ممتاز- حالة نادرة) : ممتاااز
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) : كالزيرو
9-حالة الكاوتش (جديد او مستعمل كام كم؟)
10-حالة البطارية
11-مكان المعاينة جراج المنزل
12-السعر المبد ئي كام (هل قابل للتفاوض او نهائي)135 الف جنيه = 55 الف فك حظر + 80 الف كاش
13-اسم صاحب الاعلان ورقم هاتفة :م. تيمور عبد المنعم المراغي - 0124417445
14-تاريخ انتهاء الرخصة؟ : 15 مايو 2008
15-اول يد او ثاني او ثالث الخ الخ : اول يد
16-امكانية البيع بتوكيل او اشتراط التسجيل : لاتفاق
17-حالة الموتور : زيرو

**qwertyqwerty** · 23-04-2008 10:50 PM

هل السعر قابل للتفاوض

**م. تيمور** · 24-04-2008 12:39 AM

السعر قابل للتفاااوض .. ان شاااء الله
رحم الله امرء سمحا اذا باااع .. سمحا اذا اشترى .. سمحا اذا اقتضى ..

**cpt_shawky** · 24-04-2008 09:25 PM

لو ممكن حضرتك تشرح ظروف شرائها منين ودفعت كم مقدم وبتدفع كام قيمة القسط وسددت كام قسط وفاضل كام قسط والتأمين مع أى شركة ؟؟

ومنتظرين الصور ;)

**م. تيمور** · 24-04-2008 09:30 PM

المشاركة الأصلية كتبت بواسطة cpt_shawky

لو ممكن حضرتك تشرح ظروف شرائها منين ودفعت كم مقدم وبتدفع كام قيمة القسط وسددت كام قسط وفاضل كام قسط والتأمين مع أى شركة ؟؟

تحت امرك .. انا اشتريتها الصيف اللي فات من المصرية للسيارات فرع المعادي .. دفعت 75 الف مقدم وقسطت 70 الف مع سيتي بنك على 36 شهر بقسط شهري 2750 جنيه .. دفعت منهم 10 اقساط وفاضل 26 قسط بس دي مش فارقه عشان لازم اكيش معاهم الباقي قبل ما ابيع العربية زي ما ادارة التسويات قالولي .. والتكيش ده يطلع 55 الف جنيه ..
شكرا لمرورك واهتمامك ..

**alhamza** · 24-04-2008 11:40 PM

مش ملاحظ ان المبلغ كبير حبتين النهاية كام

**م. تيمور** · 25-04-2008 01:31 AM

المشاركة الأصلية كتبت بواسطة alhamza

مش ملاحظ ان المبلغ كبير حبتين النهاية كام

اولا اشكرك على مرورك الكريم ..
انا حقوللك ليه طلبت المبلغ ده .. اولا سعرها زاد 4 الاف عند الوكيل من 139 الف الى 143 الف .. وانت عارف ان بالحجز تستلمها بعد كام شهر .. اما عند المصرية فسعرها 155 الف جنيه مصري .. وانا فاكر اني قريت في المنتدى هنا معادله تقريبيه لسعر السياره كسر الزيرو تقريبا 2000 جنيه ضرب عدد شهور الاستعمال .. يبقى 20 الف جنيه ناقص ال 155 الف يبقى 135 الف جنيه بالتمام والكمال .. :)
كمان عندي سبب تاني ان المعارض عرضواعليا 130 الف ودول اكيد حيكسبوا منها ما بين 4 الى 6 لاف جنيه .. بالتالي انا شايف ان 135 الف سعر مناسب .. وعموما انا اسلوبي التفاوض وكل شيئ نصيب .. :)
تقبل كل التحيه والاحترااااام ..

**Goodle** · 25-04-2008 04:38 AM

ربنا يحسن لك بيعها ويبارك للى هيشتريها

**م. تيمور** · 25-04-2008 05:05 AM

المشاركة الأصلية كتبت بواسطة Goodle

ربنا يحسن لك بيعها ويبارك للى هيشتريها

اشكرك يا محمد على كلمااااتك الرقيقه
وده يدل على طبعك المهذب وشخصك المحترم
تحيتي لك ..
بس موضوع لو لم اكن مصريا لكنت مرتاحا نفسيا .. صدقني مش صحيح والله
انا سافرت 10 سنين بره .. لكن مصر ما تتعوضش يا محمد ولو كنت في اي مكاااان وباي جنسيه تخطر على بالك

**Goodle** · 25-04-2008 05:17 AM

المشاركة الأصلية كتبت بواسطة asdasdasd

اشكرك يا محمد على كلمااااتك الرقيقه
وده يدل على طبعك المهذب وشخصك المحترم
تحيتي لك ..
بس موضوع لو لم اكن مصريا لكنت مرتاحا نفسيا .. صدقني مش صحيح والله
انا سافرت 10 سنين بره .. لكن مصر ما تتعوضش يا محمد ولو كنت في اي مكاااان وباي جنسيه تخطر على بالك

انا فعلا عندي نفس إحساسك يا صديقي..أنا سافرت كذا مرة وكل ما أرجع الناس يسألوني على البلد اللي كنت فيها وإجابتي على طول ثابتة: هي حلوة كزيارة أو فسحة.. بس ماقدرش أعيش هناك
الواحد كاتب كده من حزنه على الوضع.. وخد بالك إن البلد عبارة عن مباني وناس.. وأكيد العيب مش من المباني

شكرا على ردك على مشاركتي المتواضعة.. والشكر الأكتر على ذوقك وكلامك اللي اتمنى إني استحقه

وربنا يباركلك ويصلح حالي وحالك.. قول آمين :)