-
صور عربيتى 305 بعد شوية تعديل ويا رب تعجبكم
-
شكلها متغير تماما
بس حلوة ما شاء الله
-
-
اللون دة حلو عليها ماشاء الله, اسمه اية؟
بس الجنوط بتاعتها 3 خرم , صح ؟ أعرف واحد الوضوع دة مدايقه علشان عايز يجنط
-
ماشاء الله حلوة قوى طيب ممكن نستفيد بقى من حضرتك الاكسدامات دى بتاعت لانسر كريستالة اظن كده كلفتك كام والتابلوه اللون الاحمر ده جلد ملزوق فوق التابلوه صح حلوه صحيح عارف ينقصها ايه طقم جنوط هو موجود بس قليل شوية عقبال مانشوف عربية ميدو بعد الشد والترويق
-
اقتباس:
المشاركة الأصلية كتبت بواسطة moe86
اللون دة حلو عليها ماشاء الله, اسمه اية؟
بس الجنوط بتاعتها 3 خرم , صح ؟ أعرف واحد الوضوع دة مدايقه علشان عايز يجنط
بالنسبة للون يا استاذ مو هو خليط من ابيض كريمى رقمه 916 و لون موف رقمه 960 وبيترش تحته بوية بطانة بيضاء عشان هما بيبقوا شفافين وفى الشمس بيبان اللونين
وبالنسبة للجنوط ففعلا هى نادرة شوية بس فيه ناس بتعدل فى الجنوط تخليها 3 خرم او تعدل فى الطنابير او تعملها فلانشات ويركبلك اى جنط انت عايز تركبه
اقتباس:
المشاركة الأصلية كتبت بواسطة aboomar22
ماشاء الله حلوة قوى طيب ممكن نستفيد بقى من حضرتك الاكسدامات دى بتاعت لانسر كريستالة اظن كده كلفتك كام والتابلوه اللون الاحمر ده جلد ملزوق فوق التابلوه صح حلوه صحيح عارف ينقصها ايه طقم جنوط هو موجود بس قليل شوية عقبال مانشوف عربية ميدو بعد الشد والترويق
شكرا يا ابو عمر على ردك والاكسدام هو فعلا بتاع لانسر بس انا مغير فيه على خفيف من تحت وهو تمنه بالتركيب والتعديل 250 جنيه وبالنسبة للتابلوه هو تابلوه دايهاتسو شاريد 90 وانا عامله جلد والجنط انا جبته ايطالى 16 oz وبعمل فلانشات عشان يركب على طول وكمان اسبوع ان شاء الله حركبه واوريهولكم ودى صورة الجنط بس مش هو يعنى
http://img846.imageshack.us/img846/9...ramblkci3l.jpg
Uploaded with ImageShack.us
-
ما شاء الله أنا بموت فى ال o.z ultraleggera دة و كنت هركب واحد مستعمل خفيف عندى بس طلعت أبعاده مختلفة عن عربيتى
ممكن تقولى جبته منين و بكام؟
-
انت اكيد اضافة متميزة لينا هنا فى المنتدى طيب تابلوه الشاريد عدادته شغالة معاك ومضبوطة ولا ايه والفلانشة بتاعت الجنوط مين بيعملها الخراط ولا بتوع الجنوط وهى هى أمان وبتتكلف كام طيب الجنط ده مقاسه 16 مش كبير شوية ولا ممكن يركب وتمنه كام بقى معلش اثقلنا عليك بالاسئلة ب اصل اخونا المهندس ميدو بيظبط عربيته وعايز يعمل جنوط علشان لما يدخل يلاقى الرد جاهز وشكرا جزيلا لحضرتك واهلا بيك معانا
-
-
اقتباس:
المشاركة الأصلية كتبت بواسطة moe86
ما شاء الله أنا بموت فى ال o.z ultraleggera دة و كنت هركب واحد مستعمل خفيف عندى بس طلعت أبعاده مختلفة عن عربيتى
ممكن تقولى جبته منين و بكام؟
انا جبته مستعمل من واحد فى شارع ابو الدرداء فى اسكندرية وعمل 1400
اقتباس:
المشاركة الأصلية كتبت بواسطة aboomar22
انت اكيد اضافة متميزة لينا هنا فى المنتدى طيب تابلوه الشاريد عدادته شغالة معاك ومضبوطة ولا ايه والفلانشة بتاعت الجنوط مين بيعملها الخراط ولا بتوع الجنوط وهى هى أمان وبتتكلف كام طيب الجنط ده مقاسه 16 مش كبير شوية ولا ممكن يركب وتمنه كام بقى معلش اثقلنا عليك بالاسئلة ب اصل اخونا المهندس ميدو بيظبط عربيته وعايز يعمل جنوط علشان لما يدخل يلاقى الرد جاهز وشكرا جزيلا لحضرتك واهلا بيك معانا
شكرا يابو عمر على ذوقك وبالنسبة للعدادات هى عايزة واحد صنايعى كويس يفصلك كابل السرعة عشان ما يرحلش بس للاسف عندى مرحل لكن انا حظبطه ان شاء الله وبالنسبة للفلانشة بتاعة الجنوط فهى امان وناس كتير جدا مركباها وفى عربيات اتقل من ال 305 وبتتكلف حوالى 400 جنيه للاربعة بس بتخليك تركب الجنط اللى انت عايزه عشان انت اللى بتفصل الابعاد على الفلانشة وممكن بدل الفلانسة تعدل فى الطنابير وتلغى التلاتة مسمار وتحط مكانهم اربعة وتكلفتها 80 جنيه بس دى مش امان اوى ومش اى جنط بيركب برده عشان ابعاد الطنابير بتقيدك والاتنين بيعملهم الخراط والجنط ال 16 مش حيبقى كبير اوى طالما حتصغر فى الكاوتش , انا جاليب كاوتش 205/45/16 وبعد ما ركب عالجنط بقى اصغر من الجنط ال 14 وانا مركبله 175/75/14 بحوالى 3سم
اقتباس:
المشاركة الأصلية كتبت بواسطة mbx4e
شغل جميل الله ينور
وعليك يا معلم