بعت لحضرتك رد ع الخاص
بعت لحضرتك رد ع الخاص
بص خد اي شقه من فكتوريا لغاية محطة الرمل بين ابو قير والبحر وانت مطمن
اغلب الاماكن دي هادية والناس هناك ساكنه من زمان ومحترمين وحتلاقي اسعار زي ما تحب
يعني عندك جليم او سيدي جابر او الشاطبي او ستانلي وغيرهم كتير
بالنسبة لفائدة البنك
انت حتحط الفلوس دي شهادات استثمار لمدة ثلاث سنوات تاخد عليهم فايدة سنوية 9% وفى بنوك بتصرف العائد كل ثلاث شهور او كل ست شهور
يعني متوسط المبلغ اللي حتحصلك فى الشهر من الفوائد حوالي 1125 جنية دول يجبولك شقه ايجار جديد فى حته نضيفه زى ما قلتلك
ولو حبيت شقه على البحر عدل حتبقي ما بين 2500 لغاية 5000 فى الشهر علي حسب المساحة والمكان
اما بخصوص المصيف وخوف الناس , زي ما قلت الناس خايفه تسيب شققها فى القاهرة الا يجعوا يلاقوها مسروقة
انا عن نفسي كنت ناوي اخد شقه مصيف فى المعمورة شهر ولا حاجة بس بعد القلق اللي فى البلد خفت الا فى الشهر دا شقتي تتسرق وانا فى المعمورة
انا شايف سموحه ممتازه بس مش عارف الاسعار نظامها ايه
متابع +++++++
الاماكن دي مش حتلاقي فيها تمليك بالمبلغ اللي معاك المتر فى الاماكن دي بيعدي 4000 جنية , يعني اقل شقه فى اي مكان من دول تمليك مش حتقل عن 400 الف وسموحه حتلاقيها فى الاسعار كدا برضوا
المبلغ اللي معاك ممكن يجبلك شقه تمليك فى مناطق جديدة زي حته اسمها الفلكي او السيوف ودي مناطق شعبية
فى حل بديل لو انت عايز تملك وفى حته نضيفه برضوا , تشوف اي عماره لسه مطلعتش يعني ارض بس وتحجز شقه , الشقه حتلاقيها رخيصه عن لما تكون جاهزة , وكمان حيبقي فيه تقسيط , يعني ممكن تدفع المبلغ اللى معاك وتدفع الباقي على اقساط لمده سنه ونص او سنتين عقبال لما العمارة تخلص وعلي فكره فى ناس بتاجر فى الشقق بالنظام دا , انا كان فيه شقه رحت شفتها كانت لسه ارض كانت بـ 450 الف وكمان ادفع نص المبلغ والباقي على اقساط لمده سنتين , دلوقت العمارة خلصت , تعرف نفس الشقه وصل تمانها كام ؟؟؟ مليون ونص