الموضوع: رجاء من أهل الإسكندرية الكرام وعاشقي عروس البحر المتوسط

المشاركة الأصلية كتبت بواسطة wa7d

الاماكن دي مش حتلاقي فيها تمليك بالمبلغ اللي معاك المتر فى الاماكن دي بيعدي 4000 جنية , يعني اقل شقه فى اي مكان من دول تمليك مش حتقل عن 400 الف وسموحه حتلاقيها فى الاسعار كدا برضوا

المبلغ اللي معاك ممكن يجبلك شقه تمليك فى مناطق جديدة زي حته اسمها الفلكي او السيوف ودي مناطق شعبية

فى حل بديل لو انت عايز تملك وفى حته نضيفه برضوا , تشوف اي عماره لسه مطلعتش يعني ارض بس وتحجز شقه , الشقه حتلاقيها رخيصه عن لما تكون جاهزة , وكمان حيبقي فيه تقسيط , يعني ممكن تدفع المبلغ اللى معاك وتدفع الباقي على اقساط لمده سنه ونص او سنتين عقبال لما العمارة تخلص وعلي فكره فى ناس بتاجر فى الشقق بالنظام دا , انا كان فيه شقه رحت شفتها كانت لسه ارض كانت بـ 450 الف وكمان ادفع نص المبلغ والباقي على اقساط لمده سنتين , دلوقت العمارة خلصت , تعرف نفس الشقه وصل تمانها كام ؟؟؟ مليون ونص

يا خبر أبيض
هو الغلاء ده ورانا ورانا

فكرة حضرتك ممتازة بس عندي تحفظ شديد من موضوع إني أحط فلوسي في حاجة مش شايفها
عملتها قبل كدة مع شركة محترمة (سمعتها كدة) وسألت ناس يمين وشمال لغاية ما لاقيت مدير في الشغل (القديم عشان الكلام ده من 3 سنين) شاري من عندهم بدل الشقة 2، قلت جميل..هما ثقة لكن فاضل نشوف الشقة على الطبيعة. رحتلهم وخدت واحد من المبيعات عندهم في العربية على الموقع وكانت أرض فاضية لسة متحطش فيها أساس حتى
طيب يا جماعة فيه شقق بنيتوها قبل كدة فيها نفس النموذج اللي هشتريه؟ لا يا فندم، ده نظام جديد
المهم اتعاقدت ودفعت المقدم والحجز 58 ألف وفضلت أدفع سنتين لغاية ما وصل المدفوع فوق ال 130 ألف
وأنا طبعا متابع الشغل وبروح الموقع كل أسبوعين (بدون أي صفة رسمية لأني مش مهندس ولو كنت مهندس فأنا مبشتغلش معاهم)
أروح عند ميعاد الاستلام ألاقي البهوات مخلصوش وييقولي راجع العقد تلاقي في بند يسمحلنا بـ3 شهور سماح (على أساس إنهم متعاقدين مع فودافون مثلا...أستغفر الله العظيم) المهم، فضلم يماطلوا في ميعاد التسليم ويتحججوا بأسعار حديد التسليح اللي زادت فرديت بقولهم أنا آخر واحد اشترى في العمارة وكان فاضل فيها وحدتين بس والمقدم بتاع الشقة كذا ومقدم الفيلا الدوبلكس كذا يعني حضراتكم واخدين المبلغ الفلاني من قبل حتى ما تحطوا أساس وفضل معاكو من سنتين كاملين. فمتجوش دلوقتي تعتذروا عشان الحديد غلي. كان ممكن تشتروا من أيام ما كان بـ 2 ونص. المهم بعد معاناة وكام شهر من حرقة الدم ألاقيهم بيتصلوا بيا ويقولولي إيه يا أستاذ خالد انت مش ناوي تستلم ولا إيه؟ يا مسهل. أروح ألاقي عجب العجاب وشغل واقع وعرفت إنه غير مطابق لمواصفات البناء اللي حطاه حي أكتوبر. أكلمهم يقولولي هو ده اللي عندنا وإذا ماستلمتش هنضطر نرفع عليك قضية. أنا مابقيتش مستوعب اللي اتقالي لمدة 3 ثواني مثلا!!!!!!! وبعديها مباشرة فقت وقلتلوا اتفضل ارفع قضية أنا مش هاستلم إلا شغل مضبوط. ومن هنا عرفت طريق المحامين وعرفت أخلص منهم بعد كام شهر وآخد فلوسي بس بطلوع الروح وبعد ما البيه المحامي خد 10 % أيوة يا سادة 13 ألف بالتمام والكمال. الحمد لله على كل حال
فلا يمكن أكرر المأساة دي تاني

أنا بشكرك بس ماقدرش أغامر إلا إن كان فيه ضمانات حقيقية تصون حقي

فكره البنك دى يا ترى مضمونه فى الظروف الى احنا فيها؟
و هل انى احط الفلوس فى البنك الى يدينى 9% فى السنه فى الوقت الى عامل التضخم فيه بيوصل 11% احسن ولا انى احطهم فى شقه ملك احسن؟

المشاركة الأصلية كتبت بواسطة amr5500

مدينه بنك فيصل بالعصافرة سعرها معقول ومدينه يتوافر فيها جميع الخدمات
ومستواها معقول لا شعبيه ولا راقيه
وممكن تلاقي فيها شقه كويسه ب150 الف او اكتر شوية

شكرا جزيلا يافندم
مكانها فين في اسكندرية؟ يعني أقرب أحياء ليها إيه؟

المشاركة الأصلية كتبت بواسطة l0new0lf

فكره البنك دى يا ترى مضمونه فى الظروف الى احنا فيها؟
و هل انى احط الفلوس فى البنك الى يدينى 9% فى السنه فى الوقت الى عامل التضخم فيه بيوصل 11% احسن ولا انى احطهم فى شقه ملك احسن؟

الله أعلم
أنا كدة كدة الإيجار غير مناسب بغض النظر عن توافر الفلوس من عدمها
كمان مستحرم موضوع البنوك وفوايدها عشان كدة حاطط في فيصل الإسلامي (وأنا متأكد إن فيه عشرة زملاء في المنتدى هيردوا يقولولي كل البنوك في مصر ماشية تبع البنك المركزي اللي بيحدد نسبة الفايدة سلاش الربح ما بين 8 و10 %......... أقولهم بكل احترام أنا بعمل اللي عليّا وخلاص وكمان ما ينفعش أشيل مبلغ زي ده في البيت)

المشاركة الأصلية كتبت بواسطة l0new0lf

فكره البنك دى يا ترى مضمونه فى الظروف الى احنا فيها؟
و هل انى احط الفلوس فى البنك الى يدينى 9% فى السنه فى الوقت الى عامل التضخم فيه بيوصل 11% احسن ولا انى احطهم فى شقه ملك احسن؟

اي بنك فى مصر مضمون لان تابع لسياسات البنك المركزي والبنك المركزي هو بيضمن فلوس المودعين يعني لو اي بنك فلس متقلقش فلوسك مضمونه

اما بخصوص معدل الفايدة ومعدل التضخم , معاك ان معدل التضخم اعلي من الفايدة بس هل عندك حاجة تحط فيها فلوسك وتجبلك دخل اعلي من فايدة البنك ومضمونه ؟؟؟

ولا تحط الفلوس فى حضنك وتلاقي قيمتهم كل يوم بتقل ومستفدش منهم بصاغ واحد ؟؟؟


افضل قرار من وجهه نظري دلوقت هو انك تحط فلوس فى اي بنك بيدي معدل فايدة عالي

المشاركة الأصلية كتبت بواسطة honda4ever

يا خبر أبيض
هو الغلاء ده ورانا ورانا

فكرة حضرتك ممتازة بس عندي تحفظ شديد من موضوع إني أحط فلوسي في حاجة مش شايفها
عملتها قبل كدة مع شركة محترمة (سمعتها كدة) وسألت ناس يمين وشمال لغاية ما لاقيت مدير في الشغل (القديم عشان الكلام ده من 3 سنين) شاري من عندهم بدل الشقة 2، قلت جميل..هما ثقة لكن فاضل نشوف الشقة على الطبيعة. رحتلهم وخدت واحد من المبيعات عندهم في العربية على الموقع وكانت أرض فاضية لسة متحطش فيها أساس حتى
طيب يا جماعة فيه شقق بنيتوها قبل كدة فيها نفس النموذج اللي هشتريه؟ لا يا فندم، ده نظام جديد
المهم اتعاقدت ودفعت المقدم والحجز 58 ألف وفضلت أدفع سنتين لغاية ما وصل المدفوع فوق ال 130 ألف
وأنا طبعا متابع الشغل وبروح الموقع كل أسبوعين (بدون أي صفة رسمية لأني مش مهندس ولو كنت مهندس فأنا مبشتغلش معاهم)
أروح عند ميعاد الاستلام ألاقي البهوات مخلصوش وييقولي راجع العقد تلاقي في بند يسمحلنا بـ3 شهور سماح (على أساس إنهم متعاقدين مع فودافون مثلا...أستغفر الله العظيم) المهم، فضلم يماطلوا في ميعاد التسليم ويتحججوا بأسعار حديد التسليح اللي زادت فرديت بقولهم أنا آخر واحد اشترى في العمارة وكان فاضل فيها وحدتين بس والمقدم بتاع الشقة كذا ومقدم الفيلا الدوبلكس كذا يعني حضراتكم واخدين المبلغ الفلاني من قبل حتى ما تحطوا أساس وفضل معاكو من سنتين كاملين. فمتجوش دلوقتي تعتذروا عشان الحديد غلي. كان ممكن تشتروا من أيام ما كان بـ 2 ونص. المهم بعد معاناة وكام شهر من حرقة الدم ألاقيهم بيتصلوا بيا ويقولولي إيه يا أستاذ خالد انت مش ناوي تستلم ولا إيه؟ يا مسهل. أروح ألاقي عجب العجاب وشغل واقع وعرفت إنه غير مطابق لمواصفات البناء اللي حطاه حي أكتوبر. أكلمهم يقولولي هو ده اللي عندنا وإذا ماستلمتش هنضطر نرفع عليك قضية. أنا مابقيتش مستوعب اللي اتقالي لمدة 3 ثواني مثلا!!!!!!! وبعديها مباشرة فقت وقلتلوا اتفضل ارفع قضية أنا مش هاستلم إلا شغل مضبوط. ومن هنا عرفت طريق المحامين وعرفت أخلص منهم بعد كام شهر وآخد فلوسي بس بطلوع الروح وبعد ما البيه المحامي خد 10 % أيوة يا سادة 13 ألف بالتمام والكمال. الحمد لله على كل حال
فلا يمكن أكرر المأساة دي تاني

أنا بشكرك بس ماقدرش أغامر إلا إن كان فيه ضمانات حقيقية تصون حقي

انا معاك فى التجربة دي وسمعت كلام كتير عن شركات زي دي كتير , بس الشقق اللي زي دي بتبقى مدن جديدة او عمارات تبع شركة

انما اللي بكلمك عنه عمارة تكون طالعة فى وسط عمارات موجودة , يعني تكون عمارة قديمة واتهدت مثلا او ارض فاضية من زمان وحتتعمل , كدا يعني

الميزة فى دي ايه ان قيمة الشقة حتعلي بعد اكتمال العمارة ولو حتي فرضنا ان مستوي التشطيب معجبكش فانت مش حتخسر لان الشقة ساعتها حتبقي قيمتها اضعاف ما دفعته وقت التعاقد

الشقة اللي انا بقلك عليها دي كانت برضوا فى الشاطبي (( عجباني اوي المنطقة دي )) وكانت علي البحر عدل عمارة ملهاش حل صاروخ بجد , مساحة الارض كبيرة وتصميمها جامد موت وفيها مميزات عالية جدا

سنتين بالظبط والارقام ضربت زي ما قلتلك


صحيح نسيت اقلك حاجة , فى حاجة اسمها التمويل العقاري لو حضرتك شغال في شركة ودا شركات كتير محترمة بتقبله , طبعا بالاضافة انك حتاخد الشقة قسط مريح من البنك , البنك حيضمنلك الشقة وهو اللي حيشوف المواصفات بتاعتها وحقدر كمان قيمتها ولو فى مشاكل مع الشركة هو اللي حيتعامل ودي برضوا ميزه كويسه

المشاركة الأصلية كتبت بواسطة honda4ever

شكرا جزيلا يافندم
مكانها فين في اسكندرية؟ يعني أقرب أحياء ليها إيه؟

قريبه جدا من ميامي وسيدي بشر والعصافرة
دقائق بالسيارة
بس علي فكرة هي قبلي يعني بعد ماتعدي قطار ابوقير
وهي مدينه سكنيه شغاله صيف شتا

مين ساكن في اسكندرية ومرتاح مكان ما عايش؟