السلام عليكم
في يافطة متعلقة على عمارة في الدور الثاني
عايزين ننزلها ومش لاقين حد
ملهاش منفذ من الشقة لازم من سطوح العمارة زي ماتركبت
الرجل ربط نفسه ونزل من السطوح
ياريت لوحد يقدر يدلني على حد او يبعت لي رقم موبايله اكون شاكرة جدا
عرض للطباعة
السلام عليكم
في يافطة متعلقة على عمارة في الدور الثاني
عايزين ننزلها ومش لاقين حد
ملهاش منفذ من الشقة لازم من سطوح العمارة زي ماتركبت
الرجل ربط نفسه ونزل من السطوح
ياريت لوحد يقدر يدلني على حد او يبعت لي رقم موبايله اكون شاكرة جدا
مفيش رد !!!!!!!!!
أسألى سباك هو اللى بينزل على المواسير وكده والموضوع دا سهل بالنسبالو وبيبقى عنده الحبل بتاعه
هياخد 100-150 جنيه
أو حرامى شقق :)
أتصل بأي شركة دعاية واعلان عندهم ناس متخصصين
ولو تظبط أي حد منهم في الشارع بشكل غير رسمي هيعملوها
اضرب طلقتين على الحبل الي ماسكها وتقع هههههههههههههه
ممكن تجرب سنارة حد من فوق ويعملها بس حتاخد شوية وقت وتركيز
قوس وسهم
ما تسيبك منها وهي بكره تدوب من الرطوبه
ونش الكهربا بتاع العواميد .... 50 جنيه للراجل و هيعمل اللى انت عايزاه
الناس بتوع الفراشة بيعرفوا يعملوا الكلام ده
حضرتك اي ونش بأطوال مختلفة ها يقوم بالفلم ده ولكن لو فيها لحامات او فيها اير ريزيستس ها تبقى قصة تانية خالص .. هيا اليافطة حجمها كبير زي الي اوكتوب رولا قد ايه ؟
ممكن تصوري اليافطه وكل واحد بقه يقول حلوله :)
في شركة أو 2 في مصر متخصصين في تنظيف و تلميع زجاج و واجهات البنايات الشاهقة, عندهم "سبايدر مان" متخصصين, ممكن يقوموا بالمهمة دي في 30 دقيقة. بس مش فاكر اسم الشركة للأسف.
فيه اوناش متخصصة ، زى اوناش اعمدة النور
اسئلى فى شركات الدعاية والاعلان وبالاخص اللى شغالة على الطرق
شكرا على الاقتراحات كلها كوبسة جدا ومتجيش على البال بما فيها حرامي الشقق :16:
كنت اتمنى الموضوع يبقى اسهل برقم حد متجرب
للرفع
معرفتش اتوصل لحد لغاية دلوقت
معظم الشركات بتقول لو هم اللي مصممينها كان اوك
ها مفيش مساعدة برقم شخص؟
فى شركه أسمها البرج فى عمارات العبور (صلاح سالم) للأسف مش فاكر الرقم بس ممكن يتجاب من الدليل
مره كنت كلمتعم علشان أطلع السفره للشقه من البلكونه أصلى فى الدور الثامن و السلم ضيق
جابو ونش عامل زى سلم المطافى و خلصوا الموضوع فى ربع ساعه
هى العماره كام دور ؟؟
و هو اللى هايتعمل تنزيل اليافطه بس ولا فى شغل تانى
و اليافطه مقاسها كام
و صاج ولا خشب
كل دى حاجات لازم تتعرف
بفضل الله انا عندي الحل
انا شغال في شركة دعاية واعلان
عارف ناس متخصصة للحاجات اللي زي دي
ومعاهم كامل معداتهم
انا هديلك نمرة الصنايعي على طول
واتفقي معاه
اسلام موسى
0128415430
بلغيه انك من طرف محمد صلاح شركة ديزاين بلاس
ولو في حاجة بلغيني
الف شكر على المساعدة
ان جبت رقمهم من الدليل وهاشوف كدة اسعارهم ايه
العمارة 4 او 5 ادوار
واليافطة في الدور الثاني ومقاسها متر ونص في مترين ومصنوعة من الفيلكس والخشب
الف شكر يا ابو صلاح
انا لسه مكلماه وقالي 10 دقايق وهايرد عليا
ان شاء الله خير وميرسي مرة تاني
على فكرة يا ابو صلاح اسلام رد عليا وقالي انه في شرم وكلم لي حد تاني واداني رقمه وقالي انه لسه مكلمه
الحد التاني اتصلت به على طول ومش بيرد ومرة كنسل عليا
الف شكر يا ابو صلاح
خلاص لقينا حد
شكرا على اهتمامك مرة تانية