يا جماعة أنا راجل مهندس استشاري عندي أربعة وتلاتين سنة ولفيت وطفت وشفت وضهري اتنحل وشعري بدا يطلع فيه الشيب لكن عايز أوضح لحضراتكم حاجة مهمة
فيه أشخاص زي الأستاذ صبحي صالح كانوا بيعلمونا الآداب وحفظ القرآن والصلاة من قبل الإبتدائية وللآن ويمكن لولا فضل ربنا علي أن سخرلي ناس زي الإخوان والسلفيين لناس تانيين والجمعية الشرعية لناس آخرين
اعتقد كان زماني دلوقتي مش بأعرف حاجات أساسية كتير في دين ربنا
ولما اتخرجت حصل معايا موقف غريب مشابه لده
كان واحد صاحبي في طب ومعاه واحد تاني مدرس واقفين مع أستاذ دكتور في كلية الطب وكان سنة من سن الأستاذ صبحي صالح كده
لما شافني من بعيد وكان زعلان من الكسل اللي حصلنا بعد الإمتحانات وتقصيرنا في الدعوة وخصوصا الكتاب اللي كان مفتوح وكان فيه عدة آلاف بيتم تعليمهم الفروض العامة وكيفية الصلاة والتطهر والأساسيات الخفيفة مع حفظ القرآن والمسابقات وووو
قال لأصحابي ( الواد اللي ماشي هناك - يقصدني انا طبعا - مش ناوي يشد حيله بقى ويشتغل ويورينا همته ولا خلاص هيبلطلنا في الخط )
طبعا زمايلي بدون قصد بلغولي الرسالة
الصراحة انا زعلت جدا منها واتضايقت ضيق شديد لأن عيب لما يتقال علي واد وانا راجل مهندس قد نصف الدنيا
لكن رغم زعلي من الكلمة اللي أعتبرها جارحة لكني أحب الراجل ده بشدة
المشكلة كانت إنه لسه فاكرني الولد الصغير اللي كان بيلقنه في الكتاب زمان وبيتكلم عني من غير ما يقصد إهانتي ولا شئ لكنه لسه مش متخيلني مهندس وبعد شوية صاحب أسرة وبعدين أب وعندي اولاد
وبعدها قابلته ومش عارف عاتبته ولا استحييت علشان فارق السن بينا والمقام لنه في مقام أخويا الكبير وياما اتربيت على إيده حاجات كويسه وياما تواضع وهو له مكانة وشغل وعيادة وجامعة وكان لما نروح عنده البيت يتعامل معانا كأخ محب وكريم وبشوش وخدوم
مش كدكتور جامعة ومتفرعن فيها
لكن في النهاية لازم كل ما انزل أروح أسلم عليه ولو مرة نزلت وما سلمتش يعملها كبيرة ويبعتلي ويزعل
أنا بأقولكم الكلام ده ليه
لأن فيه أمور لما تتحكي غير لما تتعايش
فيا سيدي لو حد زعلان من كلمة فلوطة أنا بأقوله إمسحها في وما تزعلش قوي لأن اللي كان بيضحك معاه بيها هو نفسه ما زعلش واعتبره أخوه الكبير وبيوجهله كلام بضحك وهزار
وفعلا الراجل كان بيهزر وده واضح ومش عيب
لأنه لما يكون حوار ساعة وشوية وما فيش فيه هزار ده يبقى مش حوار ده يبقى محاضرة من دكتور في الجامعة سئيم وتقيل الظل
وده مش معناه بردو إن الراجل كان كل كلامه هزار أو إن الآراء اللي فيها هو بيعتذر عنها لأنه كان بيهزر - لا هو بيقول على موضوع فلوطة فقط إنه كان هزار
زي ما فيه ناس عايزه تفهمنا وتقولنا ما هو حسين يعقوب بيهزر وصبحي صالح بيهز ومش عارف مين بيهزر
الموضوع في رأيي لا يحتمل كل هذا النقدددددددددددددددددددد الرهييييييييييييييييييييي ييب
وكما قال الشاعر العظيم اللي هو مش أنا طبعا
وعين الرضا عن كل عيب كليلة
ولكن عين السخط تبدي المساويا
ولست بهياب لمن لا يهابني
ولست ارى للمرء مالا يرى ليا
فإن تدن تدن منك مودتي
وإن تنأ عني تلقني عنك نائيا
كلانا غني عن اخيه حياته
ونحن اذا متنا أشد تغانيا
انا خايف أقول ده شعر الإمام الشافعي لحسن واحد يقولي لا دين في الشعر ولا شعر في الدين
تحياتي للجميع