ايه رأيكم فى الجهاز ده لانى شوفته فى كارفور من سنة كده وكان فيه منه كذا حجم بيبتدى من أول 300 جنيه لغاية 700 جنيه والكبير ده كان هواه كويس جدا وكنت بفكر اجيبه السنة دى ان شاء الله فهل حد يعرف عنه أى تفاصيل أو عنده منه يقولنا رأيه فيه ايه ؟
عرض للطباعة
ايه رأيكم فى الجهاز ده لانى شوفته فى كارفور من سنة كده وكان فيه منه كذا حجم بيبتدى من أول 300 جنيه لغاية 700 جنيه والكبير ده كان هواه كويس جدا وكنت بفكر اجيبه السنة دى ان شاء الله فهل حد يعرف عنه أى تفاصيل أو عنده منه يقولنا رأيه فيه ايه ؟
انا كنت جايب واحد من b-tec بس للاسف النوع دة من المبردات ايا كان نوعها ينفع بس فى الجو الجاف علشان بيطلع رذاذ مية يتزود الرطوبة و دة عكس الجو فى مصر ما عدا اسوان و قنا لان الجزء الاساسى من الاحساس بالحرارة من ارتفاع الرطوبة فاشتريت تكييف فى الاخر و دة الحل الامثل
طيب ايه رأيكم فى الفكرة دى
انا احاول انفذها
و كانت النتائج الاولى مرضيه لحد كبير
و لم تكلف اكثر من 100 جنيه
و ما زلت فى طور التحديث للأفضل
YouTube - ‪12 volt dc air conditioner‬‏
مقلب........
هوه اسمه مبرد هواء وبيطلع رزاز مياه فقط علشان تحس بالرطوبه انما كفاءته اكييييييييييد مش زى التكييف العادى بتبقى اقل بكتير
بص حضرتك هو ممتاز وموفر في الكهربا يعني تشغله 24 ساعه طول الشهر وهو ماوش استهلاك
من ناحية الرزاز غير ملحوظ بالمره سوي ان المبرد ده وهو اسمه التكييف الصحراوي
لازم يكون النافذه ف البيت مفتوخه بمعني الشباك والسلك مقفول ازجاج مفتوح المهم لاز تنفيس في الشقه وهو شغال تبريد قوي ضغط هوي عالي وكل ما كبر الحجم كان افضل
بالاش بتاع بي تك لان هما مش متخصصين فيه شوف واحديكون شغال فيهم واكتر واحد تقريبا شغال فيهم البرجسي
للمبردات الصخراويه من الدليل تحصل علي تليفونه
طيب بعيدا عن الرطوبة اخباره فى ترطيب الغرف ايه ؟ والصيانة ؟ وبقاله معاك كام سنة ؟
انا عارف ان التكييف احسن بكتير بس هو اغلى فى السعر واستهلاكه للكهرباء اكتر بكتير زائد صيانة وشحن فريون فأنا بقارن المبرد بالمروحة هل حايدى اداء افضل ولا لأ ؟
وبالنسبة لموضوع الرطوبة ممكن اعرف زيادته ممكن تؤدى لايه ؟
يا صبر ايوب
ليه ؟
والله أنا ما بقارنه بالتكييف أنا عايز أى حاجة تجيب أى هوا ساقع الواحد ايام الصهد بيبقى مش طايق نفسه والمروحة كل اللى بتعمله انها بتجيبلك الهوا السخن
لو جت على فتح الشباك فبسيطة بس يا ترى حايبرد الغرفة بشكل معقول على الرغم من فتحها ؟ ولا هو بيبرد الجزء اللى موجه له فقط ؟
أنا كنت شوفت نوع فى كارفور هو كان كبير وعامل 650 على ما اتذكر وبصراحه هواه كان تحفة ومن ساعتها وانا بفكر جديا فى المبرد ده ايه رايك فيه ؟ ولا البرجسى ده احسن حاجة ؟ وحضرتك عندك انهى نوع ؟
اشتريته من سنتين
هو فكرته بسيطة قوي...هو اصلا مروحة عادية و في زي فلتر كده بيلف حولين المروحة (عبارة عن قماشة)...و تحت المفروض في مكان يتحط فيه ماء بارد و تلج و بعدين الفلتر يلف و ينزل في الماء البارد و يطلع قدام المروحة و بالتالي الهوا الي طالع من المروحة بيعدي علي فلتر مبلول بماء بارد قبل ما يوصلك...طبعا بيبقي احسن من المروحة العادية بس برده مش زي التكييف خالص...المشكلة ان لازم كل ساعتين تحط ثلج و ماء بارد عشان الهوا اللي طالع يبقي فيه شوية بروده لان لما التلج بيسيح و الماء تبقي درجة حرارته عادية هاتحس بانه بيطلع رطوبة
طبعا حكاية انك تحط ثلج كل شوية مملة جدا و كمان ده بيزود استهلاك الكهرباء بتاع الفريزر عشان كده انا باشغلة دلوقتي زي المروحة العادية بدون ماء...يعني هو مش عملي قوي...بس برده هو مش مكلف...يعني انا جايبه ب 350 جنيه و المروحة ب 200 جنيه...الفرق مش كبير...و لو في يوم حر قوي هاحط ثلج و استفيد من خاصية تبريد الهواء