الكل يدخل يشكر رينو ( بجد مش بهزر )

يا جدعان كلنا لازم نشكر شركه رينو على السياره الاقتصاديه التى تستحق لقب افضل سياره اقتصاديه فى مصر وهى الرينو لوجان

بجد رينو شركه عبقريه عرفت تنافس بقوه جامده جدا الفئه دى بحيث ان كل اللى بيشترى اى عربيه فى الفئه دى بيشترى لوجان بجد عربيه عظيمه وشركه عظيمه ( العظمه لله طبعا )

يا جدعان الكل يدخل يقول شركا شركه رينو العالميه بجد لازم كلنا بينا وبين نفسنا نحمد ربنا على الاختيار الموفق

مين كان يحلم يركب عربيه اوروبى ورينو كمان بالسعر الخرافى ده


انا اول واحد : شكرا شركه رينو بجد منافسه قويه جدا جدا تفوقت على نفسها

شكرا رينو.ياريت بس يظبطو موضوع قطع الغير دا

اقتباس:

---

المشاركة الأصلية كتبت بواسطة a7madahly

شكرا رينو.ياريت بس يظبطو موضوع قطع الغير دا

---

+11111111111

لو شافوا حل لأسعار قطع الغيار الى عامله قلق نفسى لينا كلنا
هنشكرهم وندعيلهم بالعربى والفرنساوى كمان

ممكن اسأل سؤال ..
العربية ازاى سعرها اقل من 70,000 جنية و اسعار قطع غيارها غالية كده؟؟
انتا عارف سعر الكوبلن فى التوكيل بكام .. 3,500 جنية
يعنى لو هتغير جوز الكبالن بـ 7,000 جنية
متهيألى أسعار مش منطقية ابدا !!
انتا عارف الكيا سيراتو الجديدة اللى سعرها معدى 100,000 .. سعر الكوبلن بتاعها فى التوكيل 1,900 جنية.. و برة التوكيل أرخص من كده بكتيييير

يا جدعان ردكم على عينى وعلى راسى بس احنا بنقول نشكر اما موضوع قطع الغيار فده موضوع وقت مش اكتر وعدى الكتير ومش باقى اللا القليل يعنى هتنزل بره التوكيل هتنزل بره التوكيل وبأسعار منافسه كمان

يا جدعان اسمعوا فانوس الفيرنا ب 165 واللوجان ب 350 جنيه شوفوا الفرق مش كبير اوى يعنى كلها مسأله وقت مش اكتر

وبرجع ااقول انا بشكر شركه رينو

اقتباس:

---

المشاركة الأصلية كتبت بواسطة ABOHAZEM_NEW

لو شافوا حل لأسعار قطع الغيار الى عامله قلق نفسى لينا كلنا
هنشكرهم وندعيلهم بالعربى والفرنساوى كمان

---

:16:

No Comment

اقتباس:

---

المشاركة الأصلية كتبت بواسطة engahmedamin

ممكن اسأل سؤال ..
العربية ازاى سعرها اقل من 70,000 جنية و اسعار قطع غيارها غالية كده؟؟
انتا عارف سعر الكوبلن فى التوكيل بكام .. 3,500 جنية
يعنى لو هتغير جوز الكبالن بـ 7,000 جنية
متهيألى أسعار مش منطقية ابدا !!
انتا عارف الكيا سيراتو الجديدة اللى سعرها معدى 100,000 .. سعر الكوبلن بتاعها فى التوكيل 1,900 جنية.. و برة التوكيل أرخص من كده بكتيييير

---

:16::16::16::16::16::16::16::16::16::16::16::16::1 6::16::16::16:

جوز كبالن ب 7 الاف جنيه!!

ليه!!؟؟؟

دهب؟؟؟

10% من تمن السياره!!

لو على شكرا خد يا سيدي 50 شكرا. بس بصراحة ما ينفعش تبقى عربية رخيصة وقطع غيارها غالية. دي كدة معادلة تفلس أي حد.

والله في الاخر انا حاسس ان صاحب الموضوع حيطلع من الشاشة و :44: - بس عشان elshaky حبيبي من ايام الجيزة يبقي اكيد يا معلم الف حمد و شكر ليك يا رب ان الرينو عملت لوجان والحمد لله ان ربنا وفقنا ليها - ويارب كملها برخص قطع الغيار احنا عارفين ان احنا راكبين اوربي مش كوري ولا صيني بس احنا غلابة مش من بتوع البي ام والمرسيدس فيا رب هيدي التوكيل ويفهم الكلام دا ويعمل خصم 50% علي قطع الغيار - قولوا امين

طبعا اللوجان عربية راااااااااااائعة و محترمة فوق الوصف و تستحق كل احترام و تقدير .....
اما بالنسبة لموضوع قطع الغيار اللى مش عاوزين نخلص منه , انا وضحت ليه اسعار قطع غيار اللوجان مرتفعة بس معلش هوضح تانى ( كتر التكرار يعلم الشطار )
1- ببساطة شديدة العربية بقلها سنتين فقط فى السوق المصرى و مع كل ذلك نزلها قطع غيار خارج التوكيل و ارخص من التوكيل و فى اعضاء افاضل قالوا عن اسماء المحلات و لم يكتفوا بذلك بل قالوا على ارقام تليفونات هذه المحلات فى مختلف المحافظات ..
انا عن نفسى مصدقتش و قولت انزل اشوف بنفسى و بالفعل نزلت فى سوق صلاح الدين بالأسكندرية ( لأن انا مقيم فى الأسكندرية طبعا ) المهم لقيت قطع الغيار متوافرة و انا ممكن اقولكم على اسعار بعض قطع الغيار اللى انا سالت عليها:
1- سعر مرأة جانبية كهلربائية كاملة 350 جنيه و العادية ( اللى مش كهرباء يعنى ) 160 جنيه ...
2- طقم طاسات كامل 175 جنيه ..
3- فلتر زيت 30 جنيه ....
4- طقم بجيهات 100 جنيه .....
5- اكصدام 600 جنيه ...
6- زجاج خلفى اصلى 300 جنيه ....
7- فانوس امامى اصلى 220 جنيه ...
8- فانوس خلفى اصلى 130 جنيه ...
9- اوكرة باب جانبية 30 جنيه .....
انا كتبت اسعار قطع الغيار اللى متذكرها بس كل حاجة موجودة و زى الفل و العربية نزلها قطع غيار استعمال خارج فى السويس ....
و بعدين الفيرنا لغاية عام 2004 كان ملاكها بسرخوا من قطع الغيار , كانت غالية و مش موجودة اما اللوجان باسم الله ما شاء الله خلال سنتين انتشرت الأنتشار الرهيب دة و نزلها قطع غيار خارج الوكيل ( حاجة جميلة طبعا )....
ثانيا: حضرتك هتكبر دماغك خلال فترة الضمان ( 3 سنوات او 100 الف كيلو متر ) و بعد كدة هنلاقى قطع غياها متوافرة خارج التوكيل و مرطرطة كمان زى الفيرنا و الانوس و ربنا ميجعلكم تحتاجوا لقطع الغيار ولا للتوكيل ...
ثالثا: حضراتكم بتقارنوا بين اسعار قطع غيار اللوجان فى التوكيل و اسعار قطع غيار الانوس و الفيرنا خارج التوكيل , قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه يعنى حضراتكم لو قانتوا بين اسعار قطع غيار اللوجان الفرنسااااااوى الأصلى فى التوكيل و اسعار قطع غيار الانوس و الفيرن الكورى الأصلى من التوكيل هتلاقوها متقاربة مع ان قطع غيار اللوجان فرنسااااااوى يعنى معمرة اكثر من قطع غيار الانوس الكورى .....
فى النهاية اسف على الأطالة و مش عاوز حد يزعل منى و معلش انا انفعلت زيادة عن اللزوم و تقبلوا تحياتى ......

عربية موفرة ازااااااااااااي و قطع غيارها اسعارها كدا ؟؟

التوفير بيبقى في كل حاجة متعلقة بالعربية بداية بسعرها مرورا باستهلاك البنزين و االصيانات و انتهاء بقطع الغيار

اقتباس:

---

المشاركة الأصلية كتبت بواسطة zotye

طبعا اللوجان عربية راااااااااااائعة و محترمة فوق الوصف و تستحق كل احترام و تقدير .....
اما بالنسبة لموضوع قطع الغيار اللى مش عاوزين نخلص منه , انا وضحت ليه اسعار قطع غيار اللوجان مرتفعة بس معلش هوضح تانى ( كتر التكرار يعلم الشطار )
1- ببساطة شديدة العربية بقلها سنتين فقط فى السوق المصرى و مع كل ذلك نزلها قطع غيار خارج التوكيل و ارخص من التوكيل و فى اعضاء افاضل قالوا عن اسماء المحلات و لم يكتفوا بذلك بل قالوا على ارقام تليفونات هذه المحلات فى مختلف المحافظات ..
انا عن نفسى مصدقتش و قولت انزل اشوف بنفسى و بالفعل نزلت فى سوق صلاح الدين بالأسكندرية ( لأن انا مقيم فى الأسكندرية طبعا ) المهم لقيت قطع الغيار متوافرة و انا ممكن اقولكم على اسعار بعض قطع الغيار اللى انا سالت عليها:
1- سعر مرأة جانبية كهلربائية كاملة 350 جنيه و العادية ( اللى مش كهرباء يعنى ) 160 جنيه ...
2- طقم طاسات كامل 175 جنيه ..
3- فلتر زيت 30 جنيه ....
4- طقم بجيهات 100 جنيه .....
5- اكصدام 600 جنيه ...
6- زجاج خلفى اصلى 300 جنيه ....
7- فانوس امامى اصلى 220 جنيه ...
8- فانوس خلفى اصلى 130 جنيه ...
9- اوكرة باب جانبية 30 جنيه .....
انا كتبت اسعار قطع الغيار اللى متذكرها بس كل حاجة موجودة و زى الفل و العربية نزلها قطع غيار استعمال خارج فى السويس ....
و بعدين الفيرنا لغاية عام 2004 كان ملاكها بسرخوا من قطع الغيار , كانت غالية و مش موجودة اما اللوجان باسم الله ما شاء الله خلال سنتين انتشرت الأنتشار الرهيب دة و نزلها قطع غيار خارج الوكيل ( حاجة جميلة طبعا )....
ثانيا: حضرتك هتكبر دماغك خلال فترة الضمان ( 3 سنوات او 100 الف كيلو متر ) و بعد كدة هنلاقى قطع غياها متوافرة خارج التوكيل و مرطرطة كمان زى الفيرنا و الانوس و ربنا ميجعلكم تحتاجوا لقطع الغيار ولا للتوكيل ...
ثالثا: حضراتكم بتقارنوا بين اسعار قطع غيار اللوجان فى التوكيل و اسعار قطع غيار الانوس و الفيرنا خارج التوكيل , قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه يعنى حضراتكم لو قانتوا بين اسعار قطع غيار اللوجان الفرنسااااااوى الأصلى فى التوكيل و اسعار قطع غيار الانوس و الفيرن الكورى الأصلى من التوكيل هتلاقوها متقاربة مع ان قطع غيار اللوجان فرنسااااااوى يعنى معمرة اكثر من قطع غيار الانوس الكورى .....
فى النهاية اسف على الأطالة و مش عاوز حد يزعل منى و معلش انا انفعلت زيادة عن اللزوم و تقبلوا تحياتى ......

---

ياه انا بس حبيت فيك ايجابيتك لان انا لساني نشف من كتر الكلام ان غلو قطع الغيار دا شيء وقتي وباذن الله حيتحل مفيش فايده لكن انت مشاء الله جبت من الاخر انت نزلت وسالت وجبت المفيد - شابو - وفعلا لا يجب مقارنة الاسعار داخل التوكيل مع الاسعار خارج التوكيل لان دا ظلم كبير للعربية - تحياتي ليك ولتعبك للحصول علي المعلومات دي واترجاك تعمل من مشاركتك دي موضوع مستقل عشان كل الناس تستفاد بية:plusone1::tumb::Bravo::B4_388:

الصراحة اللي عاوز عربية في الفئة السعرية دي يخليه في الكوري أو الياباني أحسنلو عشان قطع الغيار. ولا عزاء للأوروبي

اقتباس:

---

المشاركة الأصلية كتبت بواسطة akerima

والله في الاخر انا حاسس ان صاحب الموضوع حيطلع من الشاشة و :44: - بس عشان elshaky حبيبي من ايام الجيزة يبقي اكيد يا معلم الف حمد و شكر ليك يا رب ان الرينو عملت لوجان والحمد لله ان ربنا وفقنا ليها - ويارب كملها برخص قطع الغيار احنا عارفين ان احنا راكبين اوربي مش كوري ولا صيني بس احنا غلابة مش من بتوع البي ام والمرسيدس فيا رب هيدي التوكيل ويفهم الكلام دا ويعمل خصم 50% علي قطع الغيار - قولوا امين

---

امين

هو احنا نشكر رينو ليه - هي بتعمل فينا جميلة و لا حاجة - و لا كانت بتدهلنا هدية
ما احنا بندفه فيها فلوس بردة
وكمان ماينفعشي ابقا انا باشتري العربية و منت عارف اسعار قطع غيارها فى شهر يناير 2011 و كانت الاسعار مناسبة لي
الاقى بعد كده الاسعلر غاليت اوى و فى حاجات مش منطقية- مثال ( الكوبلن ب 7000 ج.م و قاعدة الدريكسيون ب 7000 ج.م )

و بخصوص ان العربية فى الضمان- ما قلتش حاجة- بس ربنا يحفظ الجميع من كل سوء- انت عارف السواقة و الحوادث اللي بتحصل كل يوم
يبقى مش معقولة ان واحد يعمل حادثة بسيطة - يقوم يدفع ثلاث تربع تمنها فى الاصلاح

الحاجة الاخيرة ان الواحد بيضر يشتري الحاجة من التوكيل علشان انا متاكد ان الي بره التوكيل مضروب- قمانى برمى فلوسي
و فى حاجات لازم تكون كويسة علشان الامان( التيل / الكوبلن ...)

العربية حلوت- بس انا حاسس انى اتخدعت فى الاول

انا كنت هاجيب فيا البيا من معرض يناير 2011- بس علشان الراجل كان مش صادق فى حاجة بسيطة - لنل مردتش اجيبها
الحاجة البسيطة انه قالي ان البيا واخدة 5 نجوم في اختبار التصادم eurocap

شكرا

للأسف انا مش راضى عن اى كلمه قالها حد فى الموضوع ده غير الباشمهندس akerima اللى جاب كل الناهيه لكن مين يسمع يا عم

والله مش مصدقين ان العمليه دى عمليه وقت مش اكتر ولا ااقل لكن بتكلم مين (لا حياه ؟ لمن تنادى !)

انا كل يوم بلاقى سعر قطع الغيار بيقل عن اليوم اللى قبله يا جدعان وزياده عن الاسعار اللى عند الاستاذ الرفر امامى ب 300 جنيه من غير رش يعنى سعر جميل جدا جدا مش عارف مالكم مش قادرين تفهموا انها مسأله وقت ولما التوكيل يلاقى الناس بتشترى قطع الغيار من بره هينزل سعرها جامد وهينزلها ااقل من النص وانا اهو وانتوا اهو والايام بيننا

يا جدعان علشان خاطر ربنا اهدوا وكله مسأله وقت مش اكتر والوقت كمان مش كتير يعنى بالكتير لو اتباعت كمان مثلا فى مصر مليون عربيه كمان اقسم بالله هتلاقى قطع غيار العربيه بقت اكتر من الفيرنا والاكسنت والانوس اللى هما تاكسى يعنى مرطرطين البلد بجد العربيه دى دخلت مجال المنافسه بقوه وهتكمل بقوه

واسف على الاطاله ولو فى حد عايش فى السويس وعايز مكان قطع غيار رينو يكلمنى وهقولو عليه

اقتباس:

---

المشاركة الأصلية كتبت بواسطة mhdside

الصراحة اللي عاوز عربية في الفئة السعرية دي يخليه في الكوري أو الياباني أحسنلو عشان قطع الغيار. ولا عزاء للأوروبي

---

حضرتك شكلك بتريح بالك وخلاص وبتمشى زى باقى الناس وبتقولو اللى نعرفه احسن من اللى ما نعرفهوش بجد كلام فاضى وملهوش اى معنى حضرتك بتقول كلام مش فى محله

مع احترامى لحضرتك انت معاك لوجان اساسا ؟

انا قولت كلمتى و خلاص و اقسم بالله العلى لعظيم انا ولا من التوكيل و لا اى حاجة من دى انا بقول كلمة حق و ربنا يعلم و شاهد على كل كلمة انا بقولها ......
فى ناس و توكيلات من مصلحتها انها تبوظ سمعة العربية علشان عربيات تانية تمشى فى السوق و لكن بحمد الله اللوجان ما زالت محتفظها برونقها و الدليل على ذلك ان عليها سحب جاااااااااااامد جدااااا اليومين دول و خلصت من السوق و الناس ما زالت بتحجز و خلاص لدرجة ان فى عرض ترويجى لفترة معينة جاى من الرومان .....

اقتباس:

---

المشاركة الأصلية كتبت بواسطة elshaky

يا جدعان علشان خاطر ربنا اهدوا وكله مسأله وقت مش اكتر والوقت كمان مش كتير يعنى بالكتير لو اتباعت كمان مثلا فى مصر مليون عربيه كمان اقسم بالله هتلاقى قطع غيار العربيه بقت اكتر من الفيرنا والاكسنت والانوس اللى هما تاكسى يعنى مرطرطين البلد بجد العربيه دى دخلت مجال المنافسه بقوه وهتكمل بقوه

---

انت عارف معنى القسم بالله؟
يعنى انت متاكد- وكيف يكون وانت لا تملك حق تخفيض الاسعار -
و حتى لو كنت معتقد ان هو ده المنطق ان الاسعار هههاتنزل - فانت لا تستطيع الضمان - فلا يجب عليك القسم

اخوك
هيثم

لولا اختلاف الأذواق لبارت السلع

اللوجان وكل العربيات اللي في فئتها دي مش عربيات دي سوري زبالة العربيات واحنا بيضحك علينا وبينركب عربيه زي اللوجان ولا اللانوس وبندفع فيها تمن كورولا ولا سيفيك

لكن في ظل الظروف اللي احنا فيها اللي عنده عربيه كافياه شر المواصلات يحمد ربنا عليها وطالما مقتنع بيها ميرميش ودنه لحد

اقتباس:

---

المشاركة الأصلية كتبت بواسطة shaddadfalcon1

لولا اختلاف الأذواق لبارت السلع

اللوجان وكل العربيات اللي في فئتها دي مش عربيات دي سوري زبالة العربيات واحنا بيضحك علينا وبينركب عربيه زي اللوجان ولا اللانوس وبندفع فيها تمن كورولا ولا سيفيك

لكن في ظل الظروف اللي احنا فيها اللي عنده عربيه كافياه شر المواصلات يحمد ربنا عليها وطالما مقتنع بيها ميرميش ودنه لحد

---

احب اقولك ان اللوجان من فئة اخرى غير فئة الانوس اطلاقا
اللوجان لو نازلة عليها جمارك مكنش ثمنها اقل عن 85000 جنيه
اللى مرخض سعر اللوجان اتفاقية اغادير مش اكثر
ثانيا: اللوجان مش عربية زبالة ولا حاجة اللوجان عربية محترمة و يكفينى فخرا و شرفا انى راكب رينو و بعدين لو كانت وحشة و زبااااااااااالة زى محضرتك بتقول مكنتش انتشرت الأنتشار الرهيب دة خلال سنتين فقط و مكنتش رينو حطت اسمها و علامتها المحترمة عليها , شركة رينو و وكلاء eim حطوا اسمهم على العربية غير و هما واثقين ان العربية هتنتشر و تحقق نجاح و بالفعل العربية انتشرت و حقت نجاح باهر بفضل الله تعالى ثم توكيل رينو المحترم المميز عن باقى التوكيلات ....

بس خلاص هو انتو هتتخانقوا

اللي عايز يركب لوجاااااااااااان اهلا وسهلا بيه معانا

واللي مش عااااااااااااااايز بردو ان مشلهوش قسم اللوجاااااااااان نشيلوا جوا عيننا

وربنا يبارك لكل واحد فيما ملكت يداه ................ ويكفينا كل شر ويرزقنا كل خير

اخوكم
نور

اقتباس:

---

المشاركة الأصلية كتبت بواسطة zotye

احب اقولك ان اللوجان من فئة اخرى غير فئة الانوس اطلاقا
اللوجان لو نازلة عليها جمارك مكنش ثمنها اقل عن 85000 جنيه
اللى مرخض سعر اللوجان اتفاقية اغادير مش اكثر
ثانيا: اللوجان مش عربية زبالة ولا حاجة اللوجان عربية محترمة و يكفينى فخرا و شرفا انى راكب رينو و بعدين لو كانت وحشة و زبااااااااااالة زى محضرتك بتقول مكنتش انتشرت الأنتشار الرهيب دة خلال سنتين فقط و مكنتش رينو حطت اسمها و علامتها المحترمة عليها , شركة رينو و وكلاء eim حطوا اسمهم على العربية غير و هما واثقين ان العربية هتنتشر و تحقق نجاح و بالفعل العربية انتشرت و حقت نجاح باهر بفضل الله تعالى ثم توكيل رينو المحترم المميز عن باقى التوكيلات ....

---

يااخي الكريم حضرتك اسأت فهمي وانا مش قصدي ان عربية حضرتك زباله وربنا يباركلك فيها ويديك خيرها ويكفيك شرها

انا اقصد ان العربيات اللي بنركبها في مصر وحشه جدا بالنسبه للسيارات الموجوده في دول العالم المحترمه اللي راكبين عربيات انضف من عربياتنا 100 مره وبسعر اقل من اللي بندفعه احنا في العربيات اللي عندنا

اتمني ان تكون فاهم قصدي

شكر على ايه !
هما بيطلعو من جيبهم حاجه لله
تمن اي عربيه غالي جدآ فى مصر
بالنسبة لقطع الغياار في اسعار مبالغ فيهاا جدآ فى التوكيل
ومش فاهم كله بيجرى على التوكيل ده ليه
ما تسألو وتشترو من بره وتصلحو بره كماان
قطع الغيار شايف اهو بتنزل يوم بعد يوم فى كل حته ما شاء الله
واصلى وصينى وكل اللى انت عايزه
ولسه الاسعار هتنزل كمان
وعربيه كورى واروبي !! كله فااااكس

مفيش شكر غير لما التوكيل يرخص قطع الغيار .... سلام

اقتباس:

---

المشاركة الأصلية كتبت بواسطة zotye

طبعا اللوجان عربية راااااااااااائعة و محترمة فوق الوصف و تستحق كل احترام و تقدير .....
اما بالنسبة لموضوع قطع الغيار اللى مش عاوزين نخلص منه , انا وضحت ليه اسعار قطع غيار اللوجان مرتفعة بس معلش هوضح تانى ( كتر التكرار يعلم الشطار )
1- ببساطة شديدة العربية بقلها سنتين فقط فى السوق المصرى و مع كل ذلك نزلها قطع غيار خارج التوكيل و ارخص من التوكيل و فى اعضاء افاضل قالوا عن اسماء المحلات و لم يكتفوا بذلك بل قالوا على ارقام تليفونات هذه المحلات فى مختلف المحافظات ..
انا عن نفسى مصدقتش و قولت انزل اشوف بنفسى و بالفعل نزلت فى سوق صلاح الدين بالأسكندرية ( لأن انا مقيم فى الأسكندرية طبعا ) المهم لقيت قطع الغيار متوافرة و انا ممكن اقولكم على اسعار بعض قطع الغيار اللى انا سالت عليها:
1- سعر مرأة جانبية كهلربائية كاملة 350 جنيه و العادية ( اللى مش كهرباء يعنى ) 160 جنيه ...
2- طقم طاسات كامل 175 جنيه ..
3- فلتر زيت 30 جنيه ....
4- طقم بجيهات 100 جنيه .....
5- اكصدام 600 جنيه ...
6- زجاج خلفى اصلى 300 جنيه ....
7- فانوس امامى اصلى 220 جنيه ...
8- فانوس خلفى اصلى 130 جنيه ...
9- اوكرة باب جانبية 30 جنيه .....
انا كتبت اسعار قطع الغيار اللى متذكرها بس كل حاجة موجودة و زى الفل و العربية نزلها قطع غيار استعمال خارج فى السويس ....
و بعدين الفيرنا لغاية عام 2004 كان ملاكها بسرخوا من قطع الغيار , كانت غالية و مش موجودة اما اللوجان باسم الله ما شاء الله خلال سنتين انتشرت الأنتشار الرهيب دة و نزلها قطع غيار خارج الوكيل ( حاجة جميلة طبعا )....
ثانيا: حضرتك هتكبر دماغك خلال فترة الضمان ( 3 سنوات او 100 الف كيلو متر ) و بعد كدة هنلاقى قطع غياها متوافرة خارج التوكيل و مرطرطة كمان زى الفيرنا و الانوس و ربنا ميجعلكم تحتاجوا لقطع الغيار ولا للتوكيل ...
ثالثا: حضراتكم بتقارنوا بين اسعار قطع غيار اللوجان فى التوكيل و اسعار قطع غيار الانوس و الفيرنا خارج التوكيل , قطع الغيار غالية فى التوكيل علشان فرنساوى اصلى و عليها ضمان لمدة عام و من قلب التوكيل نفسه يعنى حضراتكم لو قانتوا بين اسعار قطع غيار اللوجان الفرنسااااااوى الأصلى فى التوكيل و اسعار قطع غيار الانوس و الفيرن الكورى الأصلى من التوكيل هتلاقوها متقاربة مع ان قطع غيار اللوجان فرنسااااااوى يعنى معمرة اكثر من قطع غيار الانوس الكورى .....
فى النهاية اسف على الأطالة و مش عاوز حد يزعل منى و معلش انا انفعلت زيادة عن اللزوم و تقبلوا تحياتى ......

---

يا باشا الله ينور عليك وتسلم إيدك وللعلم أسعار قطع الغيار المسنهلكه "زي السيور - البوجيهات - الفلاتر - الكشافات - .... إلخ" مش غاليه للدرجه ولكن المشكله في القطع قليلة التغيير أو بمعنى أصح نادرة التغيير " علبة الدركسيون - الكبالن - الصاج و الرفارف" وتغيير الحاجات دي بيكون في حالة الحوادث كفانا الله جميعا شرها وفي معظم العربيات الحديثه بيكون في تأمين. وعموما شكرا لرينو هذه السياره وكذلك شكرا لتوكيل رينو مصر معاملته الحسنه والمميزه لعملائه. وتقبلوا تحياتي جميعا.

ياجماعه إحنا كلنا أخوه وأحباب وبنستفيد من خبرات بعض وحوارتنا دايماً على أعلى مستوى وده من أهم مميزات المنتدى ده
مش لازم أول ما يظهر رأى مخالف نعتبره عدو لازم كلنا نثبت خطأه.. طالما الأراء بيتم تدالوها فى إطار الإحترام والمحافظة على أداب الحوار فأهلا وسهلاً بالجميع

اقتباس:

---

المشاركة الأصلية كتبت بواسطة abohazem_new

ياجماعه إحنا كلنا أخوه وأحباب وبنستفيد من خبرات بعض وحوارتنا دايماً على أعلى مستوى وده من أهم مميزات المنتدى ده
مش لازم أول ما يظهر رأى مخالف نعتبره عدو لازم كلنا نثبت خطأه.. طالما الأراء بيتم تدالوها فى إطار الإحترام والمحافظة على أداب الحوار فأهلا وسهلاً بالجميع

---

واضح من كلام حضرتك انك انسان محترم للغاااااااية ...