استاذ mohamedgafar مقدر كل اللي انت فيه. تكييف العربية (فورد اسكورت)عندي كان قارفني وتبريده كان زي الزفت بالنهار وممتاز بالليل. شحنته كذا مرة عند كذا واحد وكله بيفتي وكله بيدي بخة الفريون وخلاص ويزحلق الزبون. المهم في الآخر طلعت المشكلة في الكباس وغيرته بواحد استيراد برغم ان اللي كان راكب فيها كان خارج من العربية زي الفضة. الجديد اللي ركبته برضه فيه الونة اللي حضرتك بتتكلم عنها انما عزائي الوحيد ان التبريد بقى احسن من الأول وربنا يكملها بالستر