الموضوع: رايح الغردقة(الجونة) و عايز شوية معلومات

المشاركة الأصلية كتبت بواسطة askoda

Please give us a feedback about the Hotel & if you went to Movenpick or you stayed all the 4 days in Panorama

انا قاعدت ال 4 ايام في بانوراما بانجلوز لان الجو هناك عجبني

منتجع بانوراما فيه غرف فندقية عادية و ووحدات بانجلوز علي البحر مباشرة...يعني بيبقي كوخ تدخله و في اخره تراس جوة البحر في سلم خشب تنزل منه مباشرة للبحر...طبعا الكوخ من جوة زي اي غرفة فندقية محترمة...تكييف...مية سخنة و باردة...تليفزيون...تلاجة...خز� �ة

المنتجع كان هادي جدا و عدد النزلاء يتعد علي الاصابع باستثناء يوم الجمعة كان في فوج مصري تقريبا داي يوز و شكلهم مصريين عايشيين في الغردقة لان صعب حد يجي من القاهرة عشان داي يوز

الجونة جميلة جدا جدا جدا و بصراحة الواحد بيبقي فرحان قوي ان بلده فيها كل الجمال ده

انا كنت اول مرة اروح الجونة و بصراحة احنا عندنا في مصر بنية تحتية للسياحة ممكن تدخل لمصر قد اللي البترول بيدخله لدول الخليج بس عندك مشاكل كتير بتخلي اعداد السياح اقل بكتير من الاعداد اللي ممكن مصر تستوعبها....اعمال ارهابية كل فترة...عدم استقرار سياسي...سوء المعاملة للسياح من الباعة و بعض العاملين في مجال السياحة الي بيعتبروا ان السايح عبارة عن شنطة مليانة دولارات و الشاطر اللي يعرف يهبش منه الدولارات دي....التحرش بالسائحات حتي لو بمجرد النظر...كل ده بيضايق السياح و مع ذلك برده بيجوا مصر...تخيل الظروف الطاردة للسياحة دي كلها تختفي مع وجود البنية التحتية الهائلة في البحر الاحمر و سيناء....هانكسب من السياحة اكتر ما السعودية بتكسب من البترول

و دي شوية صور من الرحلة و تحت امرك في اي استفسارات

المشاركة الأصلية كتبت بواسطة islamnabil

حمدلله على السلامة
و يارب تكون اتبسطت
كنت عايز اعرف من حضرتك سعر البانجلاوس في بانوراما
و شكرا

الغرفة العادية 500 جنيه
البانجلوز 600 جنيه

بيبقي فيه سريرين او سرير واحد كينج سايز و ممكن تطلب سرير طفل زيادة ببلاش
الاقامة بتبقي شاملة فطار + غداء + عشاء بوفيه مفتوح
+ طوال اليوم مشروبات و مأكولات خفيفة داخل الفندق و علي البسين و علي البحر مجانا

Thanks for your Response
& happy that you enjoyed your stay

Thanks for the Pictures

المشاركة الأصلية كتبت بواسطة wael17

انا ناوي ان شاء الله اطلع مع المدام و الولاد 5 ايام في الجونة
انا رحت الغردقة 3 مرات قبل كده بس اخرهم كان سنة 99 يعني من 12 سنة و مارحتش الجونة
أكيد الدنيا اتغيرت كتير في 12 سنة
انا بصراحة شوفت صور الفنادق و القري السياحية هناك و الواحد مش عارف يختار ايه ولا ايه
المهم رسيت مبدئيا علي بانوراما الجونة 3 ايام و بعدين يومين في موفنبيك...بس لما كلمت الفنادق لاقيت الدنيا فاضية و مش محتاج حجز و بالتالي ممكن اروح اي فندق تاني لو في حد عنده اقتراحات يا ريت يقول

انا كمان عايز اعرف شوية حاجات
- ايه ظروف الطريق من حيث الامان خصوصا اليومين دول....وقت الرحلة قد ايه لو هامشي علي 100-120 و هاستريح مرة واحدة نص ساعة...و هل في رادارات؟
- ايه الحاجات اللي ممكن تتعمل هناك بره القرية...قالولي في مكان اسمه المشاية في الغردقة ممكن الواحد يروحه بالليل للتمشية
- زمان كان في غواصة مش عارف لسه موجودة ولا لأ
- ايه النشاطات الترفيهية اللي ممكن الواحد يعملها مع الاولاد ...زي الجلاس بوت مثلا..و يا ريت الاسعار بالتقريب لو ممكن

يا ريت لو حد عنده اي نصائح ما يبخلش علي
شكرا

بص ياباشا انا لسة راجع الاسبوع الي فات من هناك وركبت السوبر جيت اوفر واحسن بكتيير
والطريق كان زى الفل وانا مشيت الساعة 12 بليل وصلت 6.15 الصبح وانا كنت نازل في هيلتون لونج بيتش ريزورت وبجد فندق تحفة وانا الصراحة مخرجتش من الفندق الا وانا راجع القاهرة والطريق الحمد الله لا علية لجان ولا احزنون ومتقلقش الطريق كويس جدا بس متزودش عن 120 لو هتروح بالعربية وعلشان تكون مطمن البلد امان هناك وملهاش اي علاقة بلي بيحصل في القاهرة
وعيش ياباشا وانتعش
وان شاء الله تكون رحلة سعيدة عليك وعلي اسرتك
وبالتوفيق:b4_611:

المشاركة الأصلية كتبت بواسطة party_0000

حمد الله على السلامه يازعيم
كنت عاوز اسال موقع الحجز ايه ؟

ده موقع الفندق و فيه نمرة التليفون
Panorama El Gouna

مش محتاج حجز مسبق لان الدنيا فاضية بس اتصل بيهم الاول عشان تتاكد ان في اماكن و تقولهم علي اليوم اللي هاتيجي فيه ...و علي فكرة المفروض ان ميعاد استلام الغرفة 2 ظهرا بس لو رحت 8 الصبح هايسلمك الغرفة و اليوم هايتحسب من 2 الظهر لان مفيش حد اصلا موجود في الغرفة قبلك