انا عندي 132 بتسخن فرحت للميكانيكي فقالي ان التاكيهات محملة فكنت عايز اعرف ؟
ازاي اعرف انها محملة من غير موضوع السخونيه ده
كنت عايز اعرف مين احسن واحد بيظبط تاكيهات في الزقازيق
شكرا و اسف على الاطالة.
عرض للطباعة
انا عندي 132 بتسخن فرحت للميكانيكي فقالي ان التاكيهات محملة فكنت عايز اعرف ؟
ازاي اعرف انها محملة من غير موضوع السخونيه ده
كنت عايز اعرف مين احسن واحد بيظبط تاكيهات في الزقازيق
شكرا و اسف على الاطالة.
بتسمع صوت تكتكة عالية ذى قطعتين معدن بيخبطو فى بعض واى ميكانيكى كويس ممكن يضبطها سهلة يعنى بس لازم تكون العربية باردة
أحسن واحد فى الزقازيق
ورشة الاسطى عبد العزيز فى الزقازيق البحرى بعد المستشفى القديمة
دية ورشة كبيرة و الناس هناك 10/10
متشكر جدا على ردودكم السريعة
كنت عاير اعرف ياحاتم باشا يعني ايه 45 للبنزين و 60 للعادم علما ان العربية 2 كامة
و من فضللك لو عندك كتالوج لل 132 يبقى كدة 10/10
شكرا
ياباشا سيبك من الكلام دة دة كلام كتالوجات !!!!!!!!!
الميكانيكى اللى قولتلك علية هوة بيظبها و انا معاة من 7 سنين كان بيعملى عربيتى البيجو 504
وحاليا بيعملى الدايو
دة راجل خبرة وقديم من صوت الموتور بيعرف إية اللى فية ;)
وبعدين ظبط التكيهات مش قصة ولا حاجة كبيرة اصلا دة احنا بعمل التكيهات محملة فى الشتاء علشان تسخن العربية و بنرجع نوسعها تانى فى الصيف علشان الحرارة ومش تسخن الموتور بس :o
مش حكاية يعنى ولا أرقام ولا حوارات ولا كل الكلام دة
شكرا على الردود هايلة دي
وشكرا لاسلام باشا و على ضمنتك الراجل ده؟ هو مكان الورشة دي في الصيادين ؟
عزيزى ziours
اسف على التاخير فى الرد و اعتذر عن عدم وجود الكاتالوج
الرقم 0.45 للبنزين هو مقدار الخلوص بين الكامه و الصمام
على فكره 0.45 معناه 45 جزء من 100 جزء من المليمتر !!
و خلوص التاكيهات هو رقم يكتب فى كل كاتلوجات العربيات
ليتم ضبط التاكيهات عليه كما قال صانع السياره وله عده خاصه
و هذا الرقم ليس رقم للترفيه و الضحك
يعنى صلاة المغرب مثلا 3 ركعات
لا يمكن اقول ياااااااااااااااااااعم خليها ركعتين كفايه
و الاختيار لك ...