السلام عليكم
ايه رأيكم يا اهل المنتدى رينو داستر ولا كيا كارينز؟؟؟؟؟؟؟؟؟؟؟؟؟؟؟؟؟؟؟
السلام عليكم
ايه رأيكم يا اهل المنتدى رينو داستر ولا كيا كارينز؟؟؟؟؟؟؟؟؟؟؟؟؟؟؟؟؟؟؟
أعتقد ان الداستر أفضل لأنها دفع رباعى مهيأة للعمل الشاق وفى اقصى الطرق وعورة و مرتفعة عن الأرض وبها فرامل abs وأعتقد انها مصنوعة على نسق اللوجان وهى سيارة اعتمادية ومحترمة من واقع استخدهمى لها
الكارينز كورى قطع غيارها متوفره ومنتشره وسعر اعاده البيع احسن فخمه واسعه وعاليه. اما الداستر وحتى ان كانت دفع رباعى فده سبب للآبتعاد عنها لآن سيارات الدفع الرباعى فى مصر لا تلاقى الاهتمام الكافى الافى بعض الماركات زى الاندكروزر والاند روفر والجيب اما باقى الماركات فمصر فقليله وهذا ينتج عنه ارتفاع سعر قطع الغيار غير انك بتتكلم فى رينو يعنى هيدبحوك فى قطع الغيار والله اعلم.
وجهة نظر محترمة لكن سمعت ان الكارينز كانت بتنزل 2000سى سى والموجودة 1600 سى سى فتصبح ثقيلة على الموتور كما لاحظت عاى الطريق ان احد قائدى الكارينز كان يأخز المطبات الصناعية بالوارب يعنى السيارة مش عالية وأن رينو صنعت هذه السيارة كسيارة اقتصادية على غرار اللوجان فتكون تكلفة تشغيلها وصيانتها معقولة وشكلها جميل يوحى بالثقة والقوة وأثبتت كفائة ملحوظة فى السير فى الطرق غير الممهدة
طيب انا ليا رأي مختلف بعد اذنكوا
انت في الاول خالص الغي فكرة الداستر ديه ...... عربية كشكل جميلة بس من جوه لوجان بالمل ....... خامات فقييييييرة جدا جدا وكل حاجة بتتفتح من بره العربية
وانا شايف ان ديه مش ميزة (تانك البنزين - الشنطة) ... وصاجها خفيف
الكارينز لو هاتجيبها يبقي مانويل علشان تعرف تستهلكها صح كاستهلاك بنزين وسحب وخلافه ..... وطبعا لو عايز اوتو يبقي مش هاتنفعك
فأنا من رأي وعن تحربة ناس كتير لاتنين منهم
1- الليفينا : نيسان ماتور وعفشة ياباني ومنها اوتو وتقفيلها رااااائع وفي تكنولوجيا محترمة وتكيفها جميل وبتنتشر وعائلة جدا
2- التيدا: هي مش شكل عائلي بس من جوة صاالون شقة 120 م :)) ماشاء الله وشنطة كبيرة جدا ماشاء الله وااوتو بتاعها عزمه شديد وتوفيرها في البنزين محترم
3- القاشقاي : وديه لسه جديدة بس جميييييييييلة بشكل لايوصف ماشاء الله بس مش في رينج العربيات التانية يعني (160000) تقريبا ومانويل
انا من رأي تنزل تشوفهم في معرض نيسان وتشوف تقفيلهم وتقعد فيهم وتشوف ايه اللي يريحك أكتر
ومتنساش الاستخارة وربنا ييسرلك الخير يارب
اقعد بالعافية :bye2:
كارينز طبعا ...
الداستر دي لوجان بسوست عالية بس :) و ب 120 الف جنيه و مانوال فقط و فقيرة من الداخل (رغم ان شكلها ظريف من برة ) و شوف بتوع اللوجان عاملين ايه مع التوكيل في قطع الغيار, دول حيعملوا انفلاب او ثورة قريب جدا :)
فعلا يكفي انها رينو (بهرج علشان محدش يزعل يا جدعان ) . :p
الكارينز اختيار عملي اكتر لو ان شكلها مش اد كدة بصراحة ( اذواق)
لو عايز حاجه عاليه و قويه هات تيريوس
لو عايز حاجه عاليه و قويه هات تيريوس. ياباني و قطع غيار كويسه و متوفره, توكيل محترم موتور قوي بس عيبها في السرعات العاليه مش مريحه.
الكارينز عربيه جميله و موتورها نفس موتور السيراتو و السول و مش ضعيف زي م انت فاكر.
شكرا لكل الي رد :) بس انا كدة بقيت محتار اكتر و اكتر
عاجبني في الداستر شاكلها و انها عالية
و عاجبني في الكارينز الخليجى الاوبشنز بتاعتها و كفاية انها اتتوماتيك على عكس الداستر مانيوال بس
و لله لحد دلوقتي محتاااار
ساعدوني
شكرااااااااااااا