أحكيلكم عن تجربتى مع الفامية
أولاً جبت من التوفيقية رولتين .. واحدة gray و واحدة light silver .. قلت قدام ال l. Silver و ورا ال gray حسيت إنها هتبقى شيك.
شفت الفيديوهات و قلت أجرب فى الإزاز الصغير اللى فى الباب الورانى .. جربت ناحية gray و ناحية silver ... بس أول مرة غلطت كذا غلطة:
1- كنت قاعد فى مكان كله هوا فكنت بتعذب عشان أثبت الورقة و إتكرمشت و بقى شكلها مش لذيذ خالص.
2- لزقته بمية و مشلتش الطبقى العازلة .. فكرت إن مفيش طبقة عازلة أصلا زى بلاد بره :grin54:
3- الموس اللى جاى معاه مكنش بيساعدنى أوى فى القطع.
4- جربت مية و صابون و مية بس .. طلع المية معاها نقطتين صابون أحسن.
تانى يوم لقيتهم وقعوا وحدهم عشان مكنتش شلت العازل.
اللونين مع بعض مكانوش عاجبنى قوى .. واحد فاتح و التانى غامق و باين أوى
نزلت تانى التوفيقية عشان أجيب واحدة gray تانية عشان اللى عندى مش هتكفى و قلت أعمل ال 4 أبواب .. بس لقيت هناك medium silver و عجبنى .. رحت جبته ... و لما جربت حتة صغيرة منه فى النور طلع مش بيبان أوى زى ال gray ... قررت أعمل اللى قدام l.silver و اللى ورا m. Silver
بس دى تجربة مبدئية .. فى يوم أبقى فاضى هبقى أعمله كله.
لقيت فيديوهات هنا هتساعد أوى
how to apply car window tint: Video series | ehow.com
و ده
youtube - ‪how to tint car side-window | diy-sidewindows‬‏
و هنا بيقولوا إن المية معاها شامبو أطفال jnj أفضل من الصابون العادى
best application solution for auto tint - window tint forum