احسن ورشة لتركيب الكوبلن ... مهم جدا تعرف مكانها
السلام عليكم ورحمة الله وبركاته
انا حبيت اكتب تجربتى مع احسن ورشة لصيانة وتركيب الكبالن
بالامس ذهب الى الورشة
وكان فيها ما شاء الله اكثر من سيارة منتظر ة الدور
الورشه بها اكثر من صنايعي
وعلى راسهم صاحبها ... شاب فاهم كويس قوى وممتاز
وكمان مجهزة من الداخل "بمخرطة"
يعنى اللى يدخل الورشة موش محتاج انه يروح لمخرطة
وبجواره مباشرة يوجد محل لتغيير الزيوت "بصراحة لم اتعامل معاه"
المهم انا اتكلمت مع صاحب الورشة
قال لى: روح اشترى كوبلن تويوتا 90 من احد المحلات
ورجعت له
وركب الاثنين فى نص ساعة ... ما شاء الله ولا حول ولا قوة إلا بالله
كام حسابك
الحساب: 60 جنيه
لو رحت لاى حد تانى ... اعتقد هايعمل عليك احلى مصلحة
المهم الورشة دى يا جماعة بعد محظة الزهراء مباشرة فى شارع احمد عصمت فى عين شمس
وفيها مكان واسع تقدر تقف فيه
وكمان ممكن تنتظر دورك بدون اى مشاكل
انا حبيت اكتب الموضوع ده لوجه الله تعالى
ممكن يكون المكان بعيد شوية عنك خصوصا لو انت ساكن فى مكان بعيد شوية
لكن معلهش ... تتعامل مع ناس بتفهم واسعارها ممتازة ... احسن ما تتعامل مع ناس اى كلام
اسم الورشة: الورشة الهندسية وصاحبها اسمه الحاج عمر
وعلى فكرة انا لما رحت هناك وجدت عربيات اشكل وانواع ... جديد وقديم ... مافيش اى مشاكل ما شاء الله
ويقدر من نظر واحدة انه يقولك قطع الغيار اللى انت اشتريتها اصلية ولا مضروبة
هاتنفع ولا هاتعمل مشاكل بعد كده
يعنى تسمع كلام من الآخر ... بدون كذب او خداع
مع اطيب التمنيات
اخوكم حسين غزالة
