السلام عليكم ورحمة الله وبركاته
نور الفرامل مش بيشتغل لما بدوس فرامل
ونور الأستوب اللى موجود على البربيز الخلفى كمان مش شغال
مش معقولة 3 لمبات يتحرقوا مرة واحده
عرض للطباعة
السلام عليكم ورحمة الله وبركاته
نور الفرامل مش بيشتغل لما بدوس فرامل
ونور الأستوب اللى موجود على البربيز الخلفى كمان مش شغال
مش معقولة 3 لمبات يتحرقوا مرة واحده
سيارتى شاهين
أنا شاكك فى الفيوز
ياترى فيه فيوز خاصة بنور الفرامل
ديه صورة علبه الفيوز ياريت حد يقولى
فين الفيوز الخاصة بنور الفرامل ؟؟
وجزاكم الله خيرا
http://img102.herosh.com/2011/05/29/952877681.jpg
اكشف عليهم كلهم ولو لاقيت فيوز باظ غيره (بنفس قيمة الامبير اللى عليه) وجرب تانى
واكشف على اللمبات مش بعيد يكونوا اتحرقوا مع بعض
باشا اللى بيبوظ ممكن تلاقيها ماكينه الاستوب ودى هتلاقيها فوق بدال الفرامل عباره عن زرار ابيض شبه البوجيه كده هتلاقى فيه كلبسين كهرباء فكهم من المكنه ولمسهم لبعض لو اللمبات نورت يبقى ماكنة الاستوب دى هى اللى بايظه
+1111111111اقتباس:
المشاركة الأصلية كتبت بواسطة mrghost
شكرا جزيلاً هحاول اشوف ماكينة الأستوب
متعرفوش سعرها كام ؟
اقتباس:
المشاركة الأصلية كتبت بواسطة mrghost
الله عليك
:tumb:
فعلا كلامك طلع مظبوط
فكيت الكلبسين ولمستهم بسلك لاقيت نور الفرامل اشتغل
وديه صورة علشان الكل يستفاد من المعلومة
http://img103.herosh.com/2011/05/30/285361086.jpg
فكيت ماكينة الأستوب
اتفكت بسهوله لإنها راكبة قلاوظ
وديه صوره لها بعد الفك
http://img102.herosh.com/2011/05/30/220699272.jpg
بس فيه جزء مطاطى وقع اللى انا مركبة فى أوله شبه القمع
مش عارف كان راكب فين بالظبط
ان شاء الله هشترى واحده جديده وأركبها بإيدى
بس يارب تركب صح بدون مشاكل
ولا الحوجه للكهربائى
وتضييع الوقت
جزاك الله خيراً أخى الفاضل
لحمد لله !! :))
قلتلك انا على العمود بتاع الدواسة ده في جهاز كده .. بس انا آخر مرة عملته كان في 127 قديمة !! و كان شكله أسطواني شوية !ََ! :)) علشان كده قلتلك رينج و شبه الأسطوانة !! :)
اقتباس:
المشاركة الأصلية كتبت بواسطة smsm_nabawy
دوخت فى البحث عن ماكينة الأستوب
مش موجوده
فين بعد بحث فى كل المحلات لاقيت آخر قطعه عند واحد
بس للأسف مش أصلية مش زى اللى راكبه
الأصليه مكتوب عليها فيات لانشيا
الجديده مش مكتوب عليها أى حاجه
الحمد لله ركبتها واشتغلت مع الفرامل تمام
....................
ولكن
شكلى قربت اقتنع بموضوع العين
آآآآآآآآآآآآآآآآآآآآآه ياااااااااااااااانى
بعد ما صلحت نور الفرامل
فوانيس الشبورة الأمامية فوجئت بيها مش شغاله
الخلفية شغاله
حد عنده حل ؟
أنا غلبت خاااااااااااالص
حاجات هايفه بس بتزهق الواحد
ماكينة الأستوب
أنا دخت عليها السبع دوخات
وجبت إتنين من التوكيل شركة النصر من غمرة
وبرضة مكملوش كل واحدة يوم
و ........
الخلاصة في النهاية لم أجد ماكينة الاستوب الأصلية الإيطالي إلا في مكان واحد
وهو محل فيات 2000 في شارع رمسيس بالقاهرة بوسط البلد
والكيلاني قال لي بعد أسبوع هيجيبها
زمانه جابها
-
والله شيئ محزناقتباس:
المشاركة الأصلية كتبت بواسطة ahmed1981
حاجه تافهه زى ديه ندوخ عليها
وكمان شاهين :oops1:
المفروض قطع غيارها فى محلات البقاله
جبت الإيطالى بكام يابشمهندس ؟
ماكينة الأستوب الإيطالي
من محل فيات 2000
سعرها كان 25 جنيه مصري
ومن ساعنها والحمد لله تمام
-
اقتباس:
المشاركة الأصلية كتبت بواسطة ahmed1981
بسم الله ماشاء الله سعرها ممتاز
أنا شارى المضروبه بـ 27 جنيه بالعافيه
كان ماسك على 30 جنيه
شغاله معايا بقالها اسبوعين وربنا يستر
سؤال غبى علشان انا مش من القاهره
شارع رمسيس اكيد عند ميدان رمسيس عند محطة القطار
صح يابشمهندس :grin54: ؟؟
علشان لو نزلت القاهره او احد معارفى نزل يشتريهالى احتياطى
بالظبط
شارع رمسيس هو الواصل بين ميدان رمسيس وميدان التحرير
محل فيات 2000 بالقرب من مستشفى الهلال وبالقرب من مبنى جريدة الجمهورية
-
اقتباس:
المشاركة الأصلية كتبت بواسطة ahmed1981
ألف شكر يابشمهندس
الأصليه اللى فكيتها من عندى
مكتوب عليها
fiat
lancia
http://img102.herosh.com/2011/05/30/220699272.jpg
اللى حضرتك جبتها زيها بالظبط ؟
هي إيطالي
لكن مش مكتوب عليها لانشيا
أظن المكتوب عليها لانشيا هي بتاعت التمبرا لأنهم واحد على ح علمي
عموماً انا برضه القديمة عندي زي عندك
لكن الإيطالي زي الفل
-
طيب مكتوب عليها ايه ؟اقتباس:
المشاركة الأصلية كتبت بواسطة ahmed1981
علشان أتأكد انها اصليه
اللى انا اشتريتها الراجل بيحلفلى انها ايطالى
بس مش مكتوب عليها اى حاجه
والمكان اللى بيدخل فيه الكليبس لونه ابيض مش اسود زى الأصلية اللى فى الصورة السابقة
فعلاً كان لونه أبيض
-
تمام كده ..... يبقى كده اللى انا اشتريتها ايطالى