المشاركة الأصلية كتبت بواسطة yousef1978
ما تزعلوش مني يا جماعة لو قلت رأي مخالف لحضراتكم
أنا رأيي إن من أهم القرارات الناجحة رفع الضرائب على السجائر وبنسبة خمسمائة في المائة
يكفي إننا بنستورد سجائر في السنة بعشرات المليارات غير أضرارها
ولو سعرها زاد فأكيد الاستهلاك هيقل
اما بخصوص البنزين فانا رأيي إن الحكومة تعمل برنامج متكامل ويراعى فيه
1- توفير كوبونات صرف مدعومة لأصحاب السيارات اللي اندفع عليها جمرك
2- فتح باب استيراد المستعمل مقابل تسليم السيارة القديمة ودفع فرق الجمرك بين الاتنين مع الأخذ في الإعتبار قيمة السيارة المكهنة والتعويض عنها
3- توفير محطات للغاز الطبيعي كافية قبل رفع الدعم عن أي بنزين
4- تركيب نظام الغاز الطبيعي بأعلى المواصفات وبصورة مجانية أو على الأقل مخفضة جدا ومدعومة من الحكومة
5- توفير مواصلات النقل الجماعي بأعلى المواصفات وبسعر مدعم وزهيد
واخيرا
6- يرفعوا سعر البنزين براحتهم ولو خمسمائة في المائة وسعتها الواحد هيكون قدامه بدائل كتيره لو عايز يركب اتوبيس مكيف أو مترو أو قطر بسعر زهيد ولو عايز يجيب سيارة بموتور صغير يؤدي الغرض ولو عايز يشغل سيارته بغاز طبيعي ولو دافع جمرك على سيارته يستخدم الكوبون ويكمل من عنده بالسعر العادي اما لو غني بقى ومش فارقه معاه يشتري أي سيارة ولو عشرة آلاف سي سي ويحطلها بنزين 99 ويدفع بكشيش كمان
ملاحظه : أنا بأستخدم بنزين 95 و 92 زييكم لكن بأقول المصلحة العامة
وتحياتي للجميع