رقم العضوية : 27439
تاريخ التسجيل : 12Dec2008
المشاركات : 1,913
النوع : انثى
الاقامة : العبور
السيارة: ستروينc3 2007
السيارة[2]: ........
دراجة بخارية: لا يوجد
الحالة :
طبعا الف مبروك عليك
العربية معايا من 2009 وكانت زيرو فول اوبشن مانوال لانى باحب المانيوال واقدر اقولك انها رائعة بالنسبة لى
هى عملت معايا 50 الف لحد دلوقتى ماشتكتش من اى حاجة فيها خالص وعايزة اقولك انى ماغيرتش فيها لحد دلوقتى غير الزيت بس والله العظيم غير بقى فانوس ومراية ودى كانت خبطة لكن اساسيات العربية لسة زى ماهى
طبعا وانت بتستلم بتشوف كل حاجة فيها التكييف والكاسيت والاشارات والفوانبس والمساحات
تتاكد من الاستبن والعدة والكوريك
اما الورق انا مش فاكرة غير الكتالوج ومش فاكرة ايه الورق اللى بييجى معاها بصراحة
ركز قوى فى البودى كله يعنى تبص عليه كويس جدا عشان الخدوش والحاجات الصغيرة اللى ممكن تبقى مش باينة
وربنا يبركلك فيها
رقم العضوية : 71287
تاريخ التسجيل : 23May2010
المشاركات : 135
النوع : ذكر
الاقامة : banha
السيارة: الحمد لله رب العالمين
السيارة[2]: HYOUNDAI verna 2011 GLS
دراجة بخارية: was
الحالة :
السلام عليكم
هاقولك اللى حصل معاى
انا خايب خالص و ماليش فى العربيات و كمان لما اشتريت العربية فيرنا 2011 ماكنتش باعرف اسوق بس الحمد لله اخوى خلص كل حاجه هو من الاخر كده : واد مخلص : سالنى ايه احسن مكان نجيبها منه قلت له على النت بيقولوا المصنع : يعنى توكيل ابو رواش :
يومين بس لقيته جاب اللون اللى انا عايزه : فيرانى : و دفعنا و استلمنا فى نفس اليوم من ابو رواش : واستلمناها ماشيه 8 كيلو :
الاتفاق كان مع واحد فى ابو رواش اسمه الاستاذ عماد : راجل محترم جدا : بس بصراحه مدير الفرع هناك مش اد كده ما تحاولش تتلك معاه .... ابعد عنه خالص ..... حتى بعد ما اخدنا العربية اشتكيناه ل غبور و اتصلوا بينا بعدها و ما اعرفش تم معاه ايه
بص هتستلم مفتاحين و معاهم رقم السنتر بتاع العربية الجديدة و كاتالوج و كتيب ضمان و خليهم يصورولك الوصل اللى دفعت بيه " مبايعة سيارة " اصلهم بياخدوه علشان بيروح المرور و اذن استلام نقدية .... وكمان وش كاسيت و كتيب الكاسيت و استبن و كوريك و مفتاح
اهم حاجه قبل ما يسلموك العربية صمم انها تعمل PDI check : predelivery inspection : ولما يعملوه هتلاقيهم لزقوا استيكر على الازاز الامامى : PDI OK : و كمان على كل الازاز بتاع العربية : هتفتح التابلوه و هتلاقى ورقة PDI CHECK : هتلاقيهم فاحصين العربية ب المل ,;و كل حاجه عاملين علامة صح فى الورقة : تمم عليها بالراحة : و بعدين ابقى امضى : هتمضى على ورقة " اذن صرف و تسليم سيارات " وهتمضى انك استمت السيارة بدون ملاحظات
لما تخرج ان شاء الله روح اقرب بنزينة و اظبط الهوا على 30
اشد حاجه حصلت : اننا دايما قبل ما نشتريها كنا نسال دايما سواقين التاكسى و بيقولوا تمام و كويسة .... و بعد ما دفعنا الفلوس و العربية فى الفحص خرجنا نروح كارفور جنبهم وقفنا تاكسى فيرنا واول ما سالناه قال : دى عربية بنت ......... و زى الزفت و الكاونش .... و الماتور ,,,,,, و و و و و لحد ما وصلنا كارفور و اول ما نزلنا اخوى قالى يلا ناخد
فلوسنا
هو لما جربها شكر فيها جدا و هو معاه لانسر بالتوفيق ان شاء الله و الحمد لله و بسم الله ما شاء الله : العربية كويسة
وما وفيت العلم ان كنت كلما ـــ رأيت طمعا جعلته لي سلما
أأشقى به غرسا و أجنيه ذلة ـــ قد كان اتباع الجهل اذا أحزما
احمــــدتوفيـــــق ــــ اخصائـــى جراحة العظـــــام
المفضلات