أبيع البولو واجيب اوبل استرا ولا اصرف على البولو شوية ؟؟؟

**meladadel** · 30-05-2011 03:23 AM

السلام عليكم. ازيكو يا رجالة...

انا محتاجة رأيكو يا جماعة ضرورى.. فيه واحد جارى جايب عربية استرا 2000 من الزيرو وهو بيعمل صيانة فى اوتو ماستر. العربية عاملة 143000 كم. بس حالتها ممتازة. رشة بره والأ كصدامات عليها معجون علشان مراته بتسوقها بس باقى العربية هايل. هو طالب 45000 نهائى مش بينزل. اجيبها ولا لأ. ولو اه محتاج اعرف بعض قطع الغيار الأستهلاكية. غالبا مش من التوكيل علشان غالى

حد عنده تجربة مع حاجة تانية يساعدنى الله يكرمكو لأن انا هبيع عربيتى وهى بولو 99 تكييف وباور وسنتر 1000 سى سى فبريكة بره ماعد الربع الأمامى فصعبانة عليا العربية لأنها اصيلة بس انا كنت ناوى اعمل سمكرة ودوكى واعير اكصدامات للكاملة بتاعة الفوكس ب3500 جم تقريبأ وبلوك بوش وكنترول فى حدود 2200 جم فقلت ازود شوية واغير لعربية اكبر شوية بس خايف البس.

معلش طولت عليكم بس انا محتار ومش عارف اخد قرار... ولا خاب من استشار

مستنى المشورة
شكرا يا رجالة

**eng.m7md.ali** · 30-05-2011 03:45 AM

بص جايز راي ده ميعجبكش بس القرار ليك
لو عربيتك تمام وعايز تعدل فيها اكتر وتبقى احسن من الاوبل في الجري والثبات اتكل على الله حاجتها مترمية في الحرفيين واسعارها رخيصة جدا بعكس الاوبل اللي بسمع ان قطع غيارها غالية حتة لو استيراد
طبعا اللي هيتم في العربية انك تسقط موتور اكبر مع عفشة محترمة وصالون احسن هتحس بفرق في العربية كبير

**meladadel** · 30-05-2011 07:46 AM

شكرا بس النقطة انى هصرف فلوس وهركب عربية نضيفة بس برضه سعرها الى حد ما ثابت. يعنى عربيتى جابت 35000 لما اصرف عليها السمكرة والموتور بتاع 6000 جم هتبقى برضه فى نفس الحدود وانا بحب العربية دى قوى لأنى عمرى ما ركبت غير فولكس ودى بالذات ريحتنى لكن الاسترا اوسع واقوى واشيك وثابتة اكتر عن تجربة مش عارف بصراحة انا قدامى المشترى لعربيتى والعربية اللى هشتريها موجودة

**SYD** · 30-05-2011 10:48 AM

انا بصراحة سوقت استرا 1200 سي سي وعربيتي ابيزا 1000 سي سي
بصراحة الابيزا برقبتها
فما بالك بالبولو ؟؟؟؟

البولو اصرف عليها من غير حتي ماتغير الماتور مع كامل احترامي للرأي بتاع تغيير الموتور
بس العربية هتخسرها لو غيرتها
تكييف الاسترا مش هيعجبك
سحبها
ثباتها
كل حاجة في البولو لا تقارت بالاسترا
حرام تغير الاعلي بالادني
عارف لو فكترا ؟ انا معاك بس حرام تدفع 45 في استرا
جرب اركب بولو 2002 بالفلوس دي
او اوبل فكترا 96 كاملة بالتمن دة (بس ملحوظة ، الاوبل فكترا لو سليمة ونمرة واحد بردو السيرفيس بتاعها كتير وغالي) ودة للأمانة
اركب سيفيك 95 وممكن 96 بالتمن دة
اركب جولف 3 بالتمن دة وهتبقي نمرة 1
ولو صرفت ال10,000 الفرق بينهم علي عربيتك هتكسبها وتحييها من اول وجديد مع العلم ان حضرتك بتحب عربيتك والي ربي خير من الي اشتري زي ما بيقولو

والله المستعان
،
،

**أبو_حمزة** · 30-05-2011 03:30 PM

بص يا سيدى بغض النظر عن العلامة و انهى عربية انت حاببها لازم تشوف أولوياتك و العربيتين الاختلاف بينهم كبير
يعنى الاسترا مثلا ليها شنطة كبيرة مش فى البولو - هل انت محتاجها و اد ايه
كمان الاسترا أوسع - هل انت محتاج المساحة دى واللا بولومكفياك كويس
واضح انك راجل متجوز و عندك عيله و غالبا وقتك ضيق
يبقى رأىى سيبك من تظبيط عربيتك عشان واضح انها عايزة غلية كتير
أما بقى ها تستبدلها بايه فده قرار ها ياخد منك بحث كتير

**meladadel** · 31-05-2011 02:57 AM

والله شكرًا يا جماعة على اهتمامكو انا بصراحة انا سمعت كلامكو وحسبتهها فى دماغى واما فكرت اكتر لقيت ان فولكس احسن من اوبل فهصبر شوية لحد ما ربنا يكرم واجيب جولف 4 وانا عربيتى مفيهاش مصروف غير السمكرة والبوية والموتور ممكن بعد شوية علشان السحب. الاوبل فيها حساسات بألوفات يعنى ممكن بثمن حساسين اغير بلوك 1400 ومش هاين عليا بعد 5 سنين فولكس اسيبها كدة. ربنا يكرمكو كلكو ويسترها مع الجميع. سلام عليكم

**mgo13** · 31-05-2011 02:05 PM

المشاركة الأصلية كتبت بواسطة meladadel

والله شكرًا يا جماعة على اهتمامكو انا بصراحة انا سمعت كلامكو وحسبتهها فى دماغى واما فكرت اكتر لقيت ان فولكس احسن من اوبل فهصبر شوية لحد ما ربنا يكرم واجيب جولف 4 وانا عربيتى مفيهاش مصروف غير السمكرة والبوية والموتور ممكن بعد شوية علشان السحب. الاوبل فيها حساسات بألوفات يعنى ممكن بثمن حساسين اغير بلوك 1400 ومش هاين عليا بعد 5 سنين فولكس اسيبها كدة. ربنا يكرمكو كلكو ويسترها مع الجميع. سلام عليكم

+1111بعد البولو يبقي الجولف 3 علي الاقل

**SYD** · 31-05-2011 05:24 PM

المشاركة الأصلية كتبت بواسطة mgo13

+1111بعد البولو يبقي الجولف 3 علي الاقل

1111111111111111+
جولف 3 مبدئيا
وربنا يكرمك ب جولف 4 بس خلي بالك مستحيل جولف 4 نظيفة ب 45000 مس اقل من 60,000 عشان تبقي نمرة 1

والله المستعان
،
،

الموضوع: أبيع البولو واجيب اوبل استرا ولا اصرف على البولو شوية ؟؟؟

LinkBack

أدوات الموضوع

عرض

أبيع البولو واجيب اوبل استرا ولا اصرف على البولو شوية ؟؟؟ - انشر الموضوع فى :

-

-

-

-

-

-

المواضيع المتشابهه

عاوز اعمل شوية حجات ضرورية فى عربيتى البولو 2001

شباب شوية استفسارات كتييييير بعد شراء البولو 2001 + صور

ايه الاحسن البولو 99 والا البولو 2001

خلاص قررت أبيع واجيب ال 406

الكلمات الدلالية لهذا الموضوع

المفضلات

المفضلات

ضوابط المشاركة