الحمد لله.. العربية اتقلبت بوالدي علي طريق العين السخنة "صور

اول امبارح والدي كان راجع من طريق العين السخنة بالعربية بيجو 405.. و كان "مشيك" علي الكاوتش و ضغط الهواء و كله.. الا انه فوجئ قبل بوابة القاهرة بحوالي 20 كم بالطريق بيضيق اوي لعمل اصلاحات في الحارتين اللي علي الشمال.. كسر هو يمين و كان ماشي علي 100 تقريبا .. بس للاسف العربية عومت منه نتيجة ان ولاد الحرام كان بيسفلتوا الطريق و كانوا لسه فارشين الاسفلت السائل و الدهشوم.. فالعربية كأنها كانت ماشية علي صابون.. اللي زاد الطين بلة ان والدي داس سنة فرامل.. فده خلي العربية تتجه بكل عزمها للبوردر اللي في النص و اتقلبت عليه..

والدي الحمد لله بخير.. وجع بسيط في الرقبة.. بس كان لابس الحزام.. و جم ولاد الحلال بعتوا اسعاف و عربية انقاذ لجر او نقل العربية..

المهم العربية حاتتباع علي حالتها دي.. ميكانيكا العربية مافيهاش حاجة ما عدا المقص الامامي و الشاسيه المعوج و طرمبة البنزين.. و لو حاتتصلح حاتحتاج بابين و زجاج خلفي و جانبي بالاضافة للميكانيكا..

الناس في العاشر قاله تتباع بـ 25000 او تتصلح بـ 8000 الي 10000.. رأيكوا ايه؟

لا حول ولا قوة إلا بالله
ألف حمد الله على سلامة السيد الوالد
والحمد لله انها جت على قد كده
بس انا شايف انه يرفع قضيه على الشركة اللى كانت بتسفلت الطريق

حمد لله علي السلامة
اعتقد يصلحها ويبيعها هتجيب فلوس احسن من بيعها علي حالها
يحاول يعملها بدقة متناهية عند حد محترف حوادث
وللأمانة يقول للي هيشتري انها مثلا راشة سقف ومغيرة كذا وكذا

والله المستعان
،
،

حمد لله على سلامه الوالد و فستين داهيه العربيه ونصيحه بيعوها على كده بدل ما تصرف وفي الاخر برضو العربيه مش هترجع زي ما كانت ولما تيجي تبيع هتخس الفلوس اللي صرفتها غير وجع القلب بتاع التصليح

انا راى انه يبعها احسن له

الحمد لله انه طلع سليم

يصلحها و يبعها و الحمد الله انها جت على العربية و ربنا نجاه

الف سلامة على الوالد والحمد الله انها جت على اد كدة اما بخصوص العربية فممكن يبعها احسن

الف سلامة على الوالد وفداه
بالنسبة للعربية:
أولا: هى حالتها ايه كصاج يعنى قوايم و سقف و شاسيه، لو كل دول مافيهومش حاجة احسب التكلفة بالظبط واطرحها من السعر السوقى للموديل لو لقيتها قريبة جدا، بيعها زى ما هى اما لو فى فرق يستحق الشحططة مع الصنايعية، صلحها وبيع او خليها.
ثانيا: لو الاساست (قوايم و سقف و شاسيه مطبقة بيعها وريح دماغك انت والحاج وبردو فداه 1000 عربية ودا التفكير العاقل..