طلب مساعدة في اوبترا 2007 اوتوماتيك

**hshehab** · 30-05-2011 12:28 PM

السلام عليكم و رحمة الله و بركاته
انا لسه شاري اوبترا 2007 اتوماتيك السيارة عاملة 83000 كم من حوالي ثلاث اسابيع ()
اول ما اشترتها عملتلها الاتي:
تغيير فلتر و زيت الموتور (شل 5000)
تغيير فلتر الهواء
تغيير فلتر البنزين
تغيير فلتر التكييف
تغيير البوجيهات
تغيير زيت الفتيس (الميكانيكي هو اللي قاللي لازم يتغير)

و السيارة كانت عال عال و ماشية حلو بفضل من الله و لا سيما اني نازل من عربية شاهين 1999 الي هذه الاوبترا الاتوماتيك فطبعا هناك فرق و لكن

امبارح كنت ماشي في الدقي (حوالي الساعة الرابعة عصرا) و الشارع زحمة جدا و الدنيا حر جدا و كنت مشغل التكييف و الكاسيت و كل شوية الشارع يقف الي ان جيت اعمل u turn الف و ارجع لقيت العربية راحط مبطلة مني مش عارف ليه جيب غيار ال P و روحت مدور تاني و علي سبيل التاكيد انه مش وساخة بنزين رحت مزود بنزين و انا علي ال p ثم جبت ال D و بادوس بنزين العربية بطلت تاني
رحت قفلت الكاسيت و بطلت التكييف و طبعا العربيات اللي و رايا هاتك يا كلاكسات و زعيق و اكني قاصد اقف و اعطلهم روحت بعد ما بطلت الكاسيت و التكييف جبت ال P مرة اخري و دورت راحت دارت و جبت ال D و دوست بنزين (طبعا كنت بادعي ربنا انها تمشي و الا اللي ورايا كانوا هيبتدوا ينزلوا و يضربوني ) راحت العربية مشيت و الحمد لله.
في نفس اليوم بالليل قلت اجرب العربية تاني روحت نازل و اخدت العربية و فتحت كل الانوار و شغلت الكاسيت و فتحت التكييف علي اسعق حاجة و اعلي مروحة و قعدت اتمشي بالعربية بس الحمد لله كانت ماشية تمام التمام

و سؤالي هو الاتي للاخوة الكرام:
ما هو السبب المحتمل للي حصل و هل يمكن ان يكون مشكلة - يعني المفروض اعمل ايه دلوقتي اصهين و كان مافيش حاجة حصلت ام اعمل ايه؟

و اذا لا قدر الله حصل و لم ترضي انها تمشي انا سمعت ان الاتوماتيك لما بيعطل بتكلبش في الارض يعني ما ينفعش نزقها هل هذا صحيح ام ماذا ؟

طبعا الموضوع ده عكنني و شايل همه و مش عارف ايه هو السبب

برجاء المساعدة شكرا لكم الف شكر

**Bassem Raafat** · 30-05-2011 03:46 PM

ممكن الموضوع ده يفيد حضرتك يا باشا :

http://www.nilemotors.net/Nile/187015-2010.html

**Hisham512** · 30-05-2011 04:08 PM

اولا الف مبروك على العربيه وانا اسف مش حعرف افيدك عشان معنديش خبرة اوى فى الميكانيكا وان شاء الله حد غيرى يفيدك
ثانيا : هو سؤال بره الموضوع انت اشتريتها بكام وحالتها ايه بالظبط عشان انا شارى واحد اخت بتاعتك ونفس العداد من شهر بالظبط وعاوز اعرف اضحك على ولا فى سعرها ؟؟؟

**hshehab** · 30-05-2011 07:35 PM

الف الف شكر علي الرد يا باشا

ثانيا انا شاريها ب 68000 جنيه

كان طالب 70000 و نزلتها الفين

انا رفعتها في البنزينة و المهندس قال انها كويسة جدا و مش متهانة
فابريكا برة و جوة

مش راشة خالص و عشان كدة تلاقس فيها تجاريح علي الكبوت (كان مغطيه باستيكر اسود بدل مايرش) انا شلت الاستيكر و لمعته و مش باين الخرابيش

ارجو ان اكون قد افدتك

و انت اشترتها بكام و حالتها ايه

و السلام عليكم و رحمة الله و بركاته