الموضوع: أزالة الصدأ من داخل التانك

المشاركة الأصلية كتبت بواسطة hero_xp10

شكرا يا تيتو موشوع جميل
تعرف ازاى ان التانك فيه صدا
لما ببص فى عين التنك مش لاقى صدا مع ان البايك كانت مركونه فترة لما جيت اشتريها

ده سؤال جيد جدا

تقدر تعرف من لون البنزين النازل من التانك و كذلك من الترسيبات في قاع الكربيراتير و برضه من لون الفلتر بتاع البنزين
و عموما علشان أطمنك معظم موتوسيكلات ما قبل موديل 2000 فيها هذه المشكلة
تابع معي كيفية الوقاية للموديلات الحديثة و برضه القديمة (بعد أزالة الصدأ)

غدا أن شاء ألله سأكتب الموضوع علشان النهارده مشغول جدا

100 100

صباح الخير يا حضرات

الأن و بعد أن عرفنا كيفية أزالة الصدأ من داخل التنك و تمت العملية بنجاح عايزين نحافظ علي ذلك الوضع لأطول مدة ممكنة و ده كالأتي:

السبب الرئيسي للصدأ هو الرطوبة
طيب الرطوبة تدخل التانك أزاي ؟؟؟؟؟
أهم الأسباب هو غطاء التانك لازم يكون محكم تماما (بالرغم من أنه فيه خرم صغير للتنفيس في حالة التنك مليان)
عادة بيكون الغطاء منفس جامد مما يسمح بدخول الهواء و الرطوبة
السبب التاني بيكون أن السائق دائما ماشي بكمية بنزين قليلة و طبعا باقي التنك مليان هواء (و رطوبة) لذا حاول بقدر الأمكان تجنب ذللك
ركن البايك لفترة طويلة برضه من أسباب صدأ التنك لذا لو حتركن البايك لمدة أكثر من 3 شهور من الأفضل أن التانك يكون فاضي خالص و توضع مادة لأمتصاص الرطوبة مثل السيليكات (الأكياس الصغيرة أللي فيها بلورات) و دي بتيجي مع الأجهزة الكهربائية و الألكترونية ثم يتم أحكام غلق التانك و بس
أما لو الركنة أقل من 3 سهور من الأفضل أنك تملاه بنزين علي الأخر و تسيبه

طبعا الكلام ساري بعد أزالة الصدأ أو لو البايك خالي تماما من الصدأ

بس أعرف أن الصدأ سيعود مرة أخري مهما عملت الفكرة هي أنك تطول المدة بقدر الأمكان من غير صدأ

يارب أكون أفدتكم بمعلومة حتي لو صغيرة

بس المكن الجديد كله التانك من جوه معالج كيميائيا ضد الصدا على ما اتذكر

المشاركة الأصلية كتبت بواسطة yascro

بس المكن الجديد كله التانك من جوه معالج كيميائيا ضد الصدا على ما اتذكر

هو فعلا معالج ضد الصدأ
بس الوقاية لن تضر لو المعالجة لا قدر ألله مش 100%

وعلي فكرة فيه ناس بتطلي دهان كهربائي داخل التنك للحماية من الصدأ (في حالة التنكات القديمة)

موضوع هام ومعلومات حلوه .... وفكره الخل ديت مجربه ومفيده..
بس المشكله مع الاحتياطات ديت وتيجي الرطوبه من البنزين... للاسف بيضربوا البنزين سواء 80 او 90 بالمياه....

المشاركة الأصلية كتبت بواسطة alfath8

طيب الدهان ده يتكلف كام ومين يقدر يعمله

الناس أللي بتعمل النيكل و الطلاء الكهربي
المشكلة أن الطلاء الخارجي قد يتأثر نتيجة الكيماويات المستخدمة في العملية
لذا من الأفضل معالجته عند تجديد البايك كله من طلاء جديد و خلافه
حكاية بكام دي حقيقي مش عارف بس مش حيكون غالي قوي
و فيه برضه حل تاني يمكن يكون أرخص شويتين و هو طلاء أيبوكسي (لا يذوب من البنزين) و ده موجود عند بتوع الدهانات البحرية و يتم وضعه في التانك (في صورة سائلة حتي يجف و يترك طبقة رقيقة جدا تعزل الجسم الحديدي بتاع التانك عن الرطوبة و عن البنزين

المشاركة الأصلية كتبت بواسطة nktis

موضوع هام ومعلومات حلوه .... وفكره الخل ديت مجربه ومفيده..
بس المشكله مع الاحتياطات ديت وتيجي الرطوبه من البنزين... للاسف بيضربوا البنزين سواء 80 او 90 بالمياه....

دي حقيقة للأسف
لذا كل فترة أعمل نظافة للتانك و ربنا يسترها