الموضوع: انا عاوز كلب

المشاركة الأصلية كتبت بواسطة mohamed_selim

انا جبت للولاد سلحفه ... فى حالها و متحسش بيها :))))))))))))

ممكن تديني تفاصيل أكثر زي:

اشتريتها منين؟

بيلعبوا بيها ازاي؟

أكلها ايه؟

بتعيش فين؟؟

بتجيب أمراض؟

اولا انا عندى كلب جيرمن ومربيه قى شقه مش فيلا بس التعود مهم يعنى لما يجى يقضى حاجته تعوده على الخربشه على الباب علشان تنزله او حد من الاولاد يقضى حاجته فى الشارع فكده اى ريحه من الموضوع ده انساها ,, جسمه مالوش ريحه لان ليه شامبو مخصوص بتحميه بيه بيخلى ريحته حلوه تقريبا اسبوعين او اكتر ,, بالنسبه للنجاسه بردو ليها حل لان تطعيمات الكلاب دلوقتى للعاب يعنى ما بتخليش لعابه ينزل على طول ,, نيجى للسان الكلب انت مش هتقدر تخليه ما ينزلش لسانه فى الصيف لان لسانه ترمومتر جسمه بينزله لما يحس بحر بس تقدر تخليه ما يلحسش فى حاجه او مايدخلش اوضه معينه انت بتصلى فيها او بتاكل فيها ده كله بالتدريب بيجى بس اهم شىء ما تحاولش تضربه جامد وانت بتطلب منه الشىء لانه بردو روح
وما اعتقدش انها شىء صعب والا مكنش فيه حد ربى كلاب......................... تحياتى

شكرا للجميع

يبقى كده الانسب نوعا ما هو الجولدن

طيب الناس اللى بتبيع بتبيع عموما 3-4 شهور - بالكلام اللى مكتوب هيطلع عينى معاهم كذا شهر

المشاركة الأصلية كتبت بواسطة mhdside

ما ينفعش تربي كلب. دا حرام عشان هوا نجس. الكلاب مباحة للحراسة بس. شوفلك قطة ولا سلحفة وسنجاب ولا طيور

اعتقد لو عايز اجيب سلحفه او سنجاب او وطواط مش هعمل موضوع عن كلب
و لو حضرتك قريت ردود الاخوة هتلاقى فى حلول لمشكله النجاسه

شكرا

المشاركة الأصلية كتبت بواسطة human12

شكرا للجميع

يبقى كده الانسب نوعا ما هو الجولدن

طيب الناس اللى بتبيع بتبيع عموما 3-4 شهور - بالكلام اللى مكتوب هيطلع عينى معاهم كذا شهر



اعتقد لو عايز اجيب سلحفه او سنجاب او وطواط مش هعمل موضوع عن كلب
و لو حضرتك قريت ردود الاخوة هتلاقى فى حلول لمشكله النجاسه

شكرا

حضرتك ممكن تقولى سن اولادك قد اية لو امكن بس

الاولاد لو صغيرين 3 سنين وسنتين والكلب 3 او 4 شهور هتطر انك تتابعة جدا علشان لازو الاولاد ميلعبوش معة بالضرب يعنى ميضربهوش علشان الكلب بيتعود على كدة وبيفهم من صغرة ان هو دة العب
وجسم الكلب بيكبر اسرع بكتير يعنى فى خلال سنة هو كدة فى قمة العنفوان بتاعة
لكن لو اولادك اكبر يعنى 5 الى 10 او اكبر هيفهم اسرع وهيهتموا بية هما ومش هتحتاج تتابعة كتير

المشاركة الأصلية كتبت بواسطة dojuar

ممكن تديني تفاصيل أكثر زي:

اشتريتها منين؟

بيلعبوا بيها ازاي؟

أكلها ايه؟

بتعيش فين؟؟

بتجيب أمراض؟

واحد جابهالى من السوق اللى جنب القلعه يوم الجمعه ... و شفت واحد فى سيتى ستارز (ستاند كده) فى الدور اللى فيه تويز ار اس فى الممر اللى بين المول القديم و الجديد بيبيعها بس غاليه 50 جنيه

بتاكل خس - كابوتشا - خيار - قشر كوسه ....

لو سايبها فى البيت بتختفى و ماتشوفهاش غير لما تجوع تطلع ... فحاططها فى بوكس عريض لو فى البيت ... غير كده سايبها منطلقه فى البلكونه لأنها بتحب الشمس ... مشكلتها فى الاخراج و الفضلات ... علشان كده بستخدم البوكس جوه البيت

بالنسبه للامراض انا جبتها بعد نصيحة دكتور الولاد علشان كانو عايزين قطه و عندهم حساسيه فقالى بلاش قطه و خليك فى حاجه تانيه عصافير او سلحفه

بيتفرجو عليها و هى بتاكل و تتحرك و تلاقيها منطلقه و تعدى فوق حاجات صغيره على الارض بيتبسطو بيها و بيمسكوها و هى عرفت اصواتهم فبطلت تخش جوه الصدفه لما يمسكوها... انا الاولاد عندى 6 سنين و 4 سنين فبالنسبالهم بيتعرفو على كائن مختلف .

المشاركة الأصلية كتبت بواسطة human12

شكرا للجميع

يبقى كده الانسب نوعا ما هو الجولدن

طيب الناس اللى بتبيع بتبيع عموما 3-4 شهور - بالكلام اللى مكتوب هيطلع عينى معاهم كذا شهر


شكرا

بالعكس فى العمر ده بالذات هتلاقيه بيسمع كلامك كله وبيحفظ انت عاوز منه ايه من غير اى مجهود لانه صغير وبيتعلق بصاحبه جامد بس حضرتك هتتعب معاه فى الاول لما مش هيعرف انت عاوز منه ايه زى مكان قضاء الحاجه مثلا بس الكلام ده مش هيستمر اكتر من اسبوع لحد ما يفهم انت عاوزه يعمل ايه او ما يعملش ايه وحاول حضرتك ما تجيبش كلب كبير فى السن لانك هتلاقى صعوبه فى تدريبه او انك تقوله امر ومايسمعوش وهيتعبك جامد --- اهم حاجه اهتم بتطعيماته فى مواعيدها علشان لا قدر الله ما يمرضش منك

انا كنت مربي كلب دالميشن اللي هو منقط ده شكله لذيذ و قوي و ذكي شعره خفيف و ممكن تدربه بسهولة و الاطفال هيحبوه جدا و مش بيريل

المشاركة الأصلية كتبت بواسطة viper911s

حضرتك ممكن تقولى سن اولادك قد اية لو امكن بس

الاولاد لو صغيرين 3 سنين وسنتين والكلب 3 او 4 شهور هتطر انك تتابعة جدا علشان لازو الاولاد ميلعبوش معة بالضرب يعنى ميضربهوش علشان الكلب بيتعود على كدة وبيفهم من صغرة ان هو دة العب
وجسم الكلب بيكبر اسرع بكتير يعنى فى خلال سنة هو كدة فى قمة العنفوان بتاعة
لكن لو اولادك اكبر يعنى 5 الى 10 او اكبر هيفهم اسرع وهيهتموا بية هما ومش هتحتاج تتابعة كتير

6 سنين - 4 سنين - 2 سنه
بس كان عندنا قطط و جارتنا عندها روت و هما متعودين مش بيخافوا ولا بيضربوا الحيوانات

المشاركة الأصلية كتبت بواسطة sharpvision

بالعكس فى العمر ده بالذات هتلاقيه بيسمع كلامك كله وبيحفظ انت عاوز منه ايه من غير اى مجهود لانه صغير وبيتعلق بصاحبه جامد بس حضرتك هتتعب معاه فى الاول لما مش هيعرف انت عاوز منه ايه زى مكان قضاء الحاجه مثلا بس الكلام ده مش هيستمر اكتر من اسبوع لحد ما يفهم انت عاوزه يعمل ايه او ما يعملش ايه وحاول حضرتك ما تجيبش حاجه كبيره لانك هتلاقى صعوبه فى تدريبه او انك تقوله امر ومايسمعوش وهيتعبك جامد --- اهم حاجه اهتم بتطعيماته فى مواعيدها علشان لا قدر الله ما يمرضش منك

يعنى السن الصغير احسن
طيب كويس

يعنى انا ممكن اعوده مايخشش اود النوم مثلا و اعمله بيت فى البلكونه؟؟ , واعوده مالحسش العفش مثلا و الارض؟