vرد شبكة رصد على هجوم عمرو حمزاوي

**human** · 30-05-2011 05:29 PM

المشاركة الأصلية كتبت بواسطة تامر.محمد

هممم , طالما فيه اكتر من حد شاف ده بعينه يبقى حقيقي , انا شخصيا مش هانسى لهم سقطة فض اعتصام التحرير و ان كانت الوحيدة
لكن انا ما شفتش بصراحة فبركة اخبار و ياما شفت اخبار نفوها او كتبوا عليها غير مؤكد و هما بينشروها

طب عموما
انت شايف ان هجوم حمزاوي عليهم موضوعي ؟

انا ممكن افضل اكتب اى هبل و اقول غير مؤكد للصبح
و حد ياخد و يقول نسبه لرصد
و بكده يبقى الخبر مؤكد

يبقى انت صنعت الخبر

كانوا بيقولوا كلام و فى الاخر يطلع مافيش

لسه قريب يقولوا مشكله غاز و الناس قلقت و طلع الشركه بتصلح محبس

يقولوا ناس ماتت ولا تسمع حاجه

يقولوا الناس و اعتصام و ماتلاقيش حد

**تامر.محمد** · 30-05-2011 05:32 PM

المشاركة الأصلية كتبت بواسطة human12

انا ممكن افضل اكتب اى هبل و اقول غير مؤكد للصبح
و حد ياخد و يقول نسبه لرصد
و بكده يبقى الخبر مؤكد
يبقى انت صنعت الخبر
كانوا بيقولوا كلام و فى الاخر يطلع مافيش
لسه قريب يقولوا مشكله غاز و الناس قلقت و طلع الشركه بتصلح محبس
يقولوا ناس ماتت ولا تسمع حاجه
يقولوا الناس و اعتصام و ماتلاقيش حد

في احدى المرات كتبوا عن اعمال بلطجة في احد احياء القاهرة
المهم احد معارفي في المنطقة دي خليته بص
لقى اللي قالوه فعلا

دي انا باعتبر نفسي شاهد عليها

بس عموما انا ممكن اقول ان مصداقيتهم 80-90% في رأيي
بس هل تتفق مع هجوم حمزاوي عليهم (في الوقائع دي تحديدا) ؟

**hobiko** · 30-05-2011 05:49 PM

للأمانة فعلا ......

زى ما قولت رصد كانت بتنقل صور الميدان ..... و دى حاجة مش حنختلف فيها زى الأخبار اللى بتكتب ..... الصورة بتعبر عن نفسها

بس بعد الهجوم العنيف عليها فى تعليقات القراء واتهامها بأنها ضد الأخوان المسلمين ..... اصدرت بيان قالت انه تلتزم الحياد و المهنية و الكلام اللطيف ده

بعدها على طول ..... طلعت صورة مقارنة أعداد المتظاهرين فى الميدان بيوم جمعة النصر اللى أنا قلت عليها

و قبليها بيوم واحد ناس كتير بعتتلهم صور منشورات الأخوان اللى كانت بتتوزع فى اسكندرية بتاعت الشيوعية و العلمانية و الألحاد عشان يعرضوها ...... بس برضه ماعرضوهاش

**تامر.محمد** · 30-05-2011 05:53 PM

ما فهمتش

**تامر.محمد** · 30-05-2011 06:43 PM

المشاركة الأصلية كتبت بواسطة hobiko

للأمانة فعلا ......
زى ما قولت رصد كانت بتنقل صور الميدان ..... و دى حاجة مش حنختلف فيها زى الأخبار اللى بتكتب ..... الصورة بتعبر عن نفسها
بس بعد الهجوم العنيف عليها فى تعليقات القراء واتهامها بأنها ضد الأخوان المسلمين ..... اصدرت بيان قالت انه تلتزم الحياد و المهنية و الكلام اللطيف ده
بعدها على طول ..... طلعت صورة مقارنة أعداد المتظاهرين فى الميدان بيوم جمعة النصر اللى أنا قلت عليها
و قبليها بيوم واحد ناس كتير بعتتلهم صور منشورات الأخوان اللى كانت بتتوزع فى اسكندرية بتاعت الشيوعية و العلمانية و الألحاد عشان يعرضوها ...... بس برضه ماعرضوهاش

المشاركة الأصلية كتبت بواسطة hobiko

يعنى أقصد فى البداية كان نقلهم فى جانب كبير من الأمانة ...... و بعد الهجوم العنيف عليهم ..... أصدروا بيانهم ده و تحولوا للهجوم على المظاهرة ..... وده اسقطهم من نظرى
ده غير رفضهم عرض منشورات الأخوان
ده لينك الصورة عشان كنت بتسألنى عنه ..... و أنا شايف ان المقارنة ظالمة اتفقنا او اختلافنا على المظاهرة نفسها .... يوم جمعة النصر يوم مش حيتكرر أبدا

Welcome to Facebook - Log In, Sign Up or Learn More

همم , طب نشوفهم نقطة نقطة
اولا , ما فهمتش كانت موجهة لهيومان , ما كنتش شفت البوست بتاعك

ثانيا, بالنسبة لنقطة التحول من توجه لتوجه , اللي فهمته منك انه كده كان بضغط القراء ؟
بس مش فاهمها دي بصراحة
برده باكرر , مش دفاعا عنهم , انا عن نفسي شايف مصداقيتهم 80-90% , يعني وسط كل 10 اخبار ممكن تلاقي واحد او اتنين غلط

بخصوص المقارنة , اظن المقصود هو مقارنة منظر الميدان يومها بمنظر الميدان يوم المليونية بغرض التثبت من الاعداد

اللي هي في رأيي نقطة هايفة مش عارف مين اول من اطلقها بصراحة

يعني اللي اتكلم فيها عموما ساب الكبيرة , الناس اللي اتغرر بيهم و الكذب البواح اللي سبق اليوم , و الهتاف ضد الاخوان اللي كان في اغلب المنصات , كأن مطالب تطهير البلاد محطوطة منظر و خلاص فوق البيعة , و مسك في العدد

**zalpany2000** · 30-05-2011 08:00 PM

طيب انا ليا رأي بعد إذن كل الزملا والاعضاء الافاضل

هاسأل سؤال واحد ... مش كل واحد فيكم كون وجهة نظر عن الشبكة لخبر او لمجموعة اخبار؟ ... ده دليل علي اننا كلنا اتعودنا ما تاخدش الخبر مسلمة ... لو اتعاملنا بالمبدأ ده مع كل المراصد الاخبارية هانرتاح
باختصار
انا عن نفسي أتبع المقولة " لا تصدق كل ما تري ولا تكذب كل ما تسمع " و عمري ما باخد الخبر ثقة غير لو وارد في اكتر من مصدر
بعد الفترة المهولة اللي فاتت احنا بقينا عندنا حصانة ضد الاخبار الملفقة والملوية العنق
و يجب الحذر التام من الاعلام كله في الوقت الحالي لانه بيعاني من التخبط الشديييييد جدا ... حتي لو اعلام نزيه .. الصحفيين بقي عندهم دفعات نفسية بتخليهم يعملوا اخبار ويسوقوها ... ويتخيلوا حاجات مش بتحصل

ده بعيدا شوية عن شبكة رصد ... اللي آدائها كان متخبط و متذبذب ، فكتير من الجرائد و الصحف و البرامج تذبذبت لو مش بدافع .. يبقي إيمانا ان التذبذب حيادية ... انهم يبقوا مع شوية و ضد شوية ... بالاضافة الي صحافة خبيثة ممكن تلعب عالونجين زي اليوم الساقع اللي للاسف هاتبقي يومية من اول الشهر تقريبا

الخلاصة علشان انا طولت .... لا تسلموا تماما لمصدر اخباري واحد ولا تقتنعوا به .... الاعلام الموجه في البلد بقي اكذوبة كبيرة ... لانه في الاساس التيارات اللي هايوجه ليها الاعلام في حد ذاتها متبذبة جدا و علي رأسهم الاخوان "لاني مصر ما اسميش السلفيين تيار لانهم مش كده فعلا " ، بالاضافة الي التيار الليبرالي اللي بدأ يظهر ... والتيار اليساري كمان اللي بدأ يشق بيضته وعايز يطلع للنور ... كل ده مقبول جدا مؤقتا ...لكن لازم نفهم كويس ان الصحافة غير مسلمة ولا قرآن منزل

تحياتي للجميع و اسف للاطالة

**otefa** · 30-05-2011 09:07 PM

أعتقد صعب جدا تكون الأعداد توصل لل50000 حتى!!!!
حمزاوي وقع من نظري تماما بعد مخالفته الصريحة لدينه بقبوله لفكرة أمكانية زواج المسلمة من أي ديانة أخرى
وبالتالي فهو ليس أهل للثقة في نظري كمسلم فكيف يمكن أن يثق المسيحي أيضا في رجل لم يعتز بدينه!!!

-

الموضوع: vرد شبكة رصد على هجوم عمرو حمزاوي

LinkBack

أدوات الموضوع

عرض

-

-

-

-

-

-

المواضيع المتشابهه

عمرو حمزاوي يعقد قرانه علي بسمة

مناظرة أو مناقشة م. عبدالمنعم الشحات و د. عمرو حمزاوي

المناظرة الكبرى حول مستقبل مصر بين عصام سلطان و عمرو حمزاوي

الكلمات الدلالية لهذا الموضوع

المفضلات

المفضلات

ضوابط المشاركة