تقرير مفصل بحملة الكشف المجاني ...... نيسان موتورز إيجيبت (تقرير مصور)

السلام عليكم
حبايبي واخوني في الله ...... كيف حالكم؟؟
طبعا كالعادة ... لقيت تليفون من عمدة الصقور (Ahmed.TV) علشان اروح اكشف علي العربية وقالي في حاجات حلوة (مش بسوسة وكنافة ... هههههههه :213-1107231241[1]: ) حاجات تاني بس مش بتتاكل :))
المهم كلمت 16244 وسألت علي اقرب بنزينة ليا في مدينة نصر ... وكانت موبيل تقاطع طريق النصر مع يوسف عباس
والحملة تبع بنزينات موبيل فقط .
وانا داخل علي المحطة لقيت شعار نيسان كبييييير علي المدخل وقدام شويه لقيت خيمة مكتوب عليها نيسان ومتواجد بيها مهندس و2 فنيين)

http://www.nileup.com//uploads/image...6809b427be.jpg

انا قابلت م/ احمد صبري - مدير مبيعات (شركة يونايتد جروب) - مركز صيانة الدراسة
وكل مركز معتمد واخد مكان في بنزينة مختلفة ... يعني ممكن اللي في الزمالك يكون السبع ..... وهكذا

http://www.nileup.com//uploads/image...740a5caa7c.jpg

http://www.nileup.com//uploads/image...b82c1ed099.jpg

الخطوات بالتفصيل:
1- اخدت ورقة استطلاع رأي ومكتوب فيها (الاسم - رقم الموبايل - عدد الكيلومترات - رقم الشاسيه - رقم السيارة - موديل السيارة- مراكز الصيانة اللي عملت فيها صيانة قبل كده - وقترحات للصيانة وخدمه ما بعد البيع + تقييمات للحملة نفسها )
2- اثناء ملئ ورقة الاستطلاع كان احد الفنين اخد الكمبيوتر ودور العربية وكشف عليها ... والفني التاني كان بيشوف الماتور و العربية وبيلف لفة كده) ....... والحمد لله طلعت مفهاش حاجة
3- اخدت نموذج الفحص المجاني بعد ما أتأكد انه كله تمام ومش محتاج حاجة في الصيانة اللي جاية ان شاء الله
4- اخدت كوبون استلام فلتر مجاني عند زياره اقرب مركز صيانة معتمد

تواريخ صلاحية الحملة المجانية و نموذج الفحص و كوبون الفلتر واسعار التركيب والمصنعيات:
1- حملة الكشف المجاني :
وتبدأ من الفترة 25-5-2011 والــــــــــي 12-6-2011
وذلك بدأ من الساعة 10 صباحاً والـــــــي 8 مســـاءاً

2-نموذج الفحص المجاني:
ويبدأ العمل بيه من تاريخ الفحص ولمــــــــدة 3 شهور.
ويستمتع حامل هذا الكشف بخصم 10% علي أسعار قطع الغيار و 15% علي أجور العمالة عند الإصلاح في مركز صيانة معتمد لدي شركة نيسان موتوز ايجيبت.

http://www.nileup.com//uploads/image...bd534e8081.jpg

3-كوبون الفلتر المجاني:
ويبدا العمل في صرف الفلتر بالكوبون من تاريخ الفحص والــــــي 30-6-2011
سعر الفلتر في مركز الصيانة 175 جنيه (مجاااااني) + 37 جنية مصنعية تركيـــب (يتحملها المالك)

http://www.nileup.com//uploads/image...df305239af.jpg

للتواصل والمزيد من الإستفسارت اتصل بــ 16244
عبـــر الـــ Facebook ...... NissanMotorEgypt
عبـــر الــ Twitter..................Nissanmotoreg
أتمني أكون أفدتكم ......... أقعدووووا بالعافية :bye2:

جزاك الله خيرا على الافادة

تسلم ايدك يا غالي ..... ان شاء الله احاول اروح قريب ... بصراحة انا مندهش ان الصني ما فيهاش فلتر تكييف ... علشان كده عاوز اروح .... :))))))

جزاك الهه خيرا
بصراحة مجهود ممتاز وان شاء الله هروح النهاردة

جزاك الله خيرا
بصراحة مجهود ممتاز وان شاء الله هروح النهاردة

ليه بقي مودرن موتورز متعملش حاجة زى كده ؟.؟؟

مجهود ممتاز و جزاك الله كل خير.

ايه الحلاوه دي ياسحس مبروك

حسين
1-الغربيه اصلا مفهاش فلتر تكييف؟
2-الفحص ده باجهزه ولا بياخد لفه ويهجس شويه وخلاص؟
3-الخصم ده مره واحده؟ وهيبقي شامل الزيت و الفلتر؟

اقتباس:

---

المشاركة الأصلية كتبت بواسطة walidadel

ايه الحلاوه دي ياسحس مبروك

---

ديه حلاوتك ياويل ....... يابني الصيانات ديه للناس المحترمة امثالك اللي نفخة العربية :))
ربنا يباركلك فيها :))


شاكر مرورك .... واقعد بالعافية

اقتباس:

---

المشاركة الأصلية كتبت بواسطة samsong

مجهود ممتاز و جزاك الله كل خير.

---

جزاك الله عني خيرا ...... شاكر مرورك أ/سامي ربنا يعزك ويبارك في عمرك :))

اقتباس:

---

المشاركة الأصلية كتبت بواسطة م/محمد

حسين
1-الغربيه اصلا مفهاش فلتر تكييف؟
هي فعلا بتنزل من غير فلتر تكييف
2-الفحص ده باجهزه ولا بياخد لفه ويهجس شويه وخلاص؟
لا بجهاز كمبيوتر ... اللي شبه اللاب علي الترابيزة في الصورة ... بس مخدش وقت عندي ماشاء الله لسه العربية عاملة 5600 كم ... ماشاء الله
3-الخصم ده مره واحده؟ وهيبقي شامل الزيت و الفلتر؟
اعتقد اه مرة واحده وعلي قطع الغيار والمصنعية خلال 3 شهور
بس معتقدتش ان الزيت يعتبر من قطع الغيار

---

شاكر مرورك .... واقعد بالعافية

اقتباس:

---

المشاركة الأصلية كتبت بواسطة alaasaid

جزاك الله خيرا على الافادة

---

وجزاك بالمثل يا حبيبي في الله ..... شاكر مرورك :))

اقتباس:

---

المشاركة الأصلية كتبت بواسطة mohamednagib

تسلم ايدك يا غالي ..... ان شاء الله احاول اروح قريب ... بصراحة انا مندهش ان الصني ما فيهاش فلتر تكييف ... علشان كده عاوز اروح .... :))))))

---

توكل علي الله ومتكسلش ..... ابو بلاااااش :))

اقتباس:

---

المشاركة الأصلية كتبت بواسطة ahmed_hanafi

جزاك الهه خيرا
بصراحة مجهود ممتاز وان شاء الله هروح النهاردة

---

وجزاك بالمثل ابو حميييييييد ...... شاكر مرورك وتبقي قلنا ايه الاخبار :))

اقتباس:

---

المشاركة الأصلية كتبت بواسطة mok3336

ليه بقي مودرن موتورز متعملش حاجة زى كده ؟.؟؟

---

هي مودرن عاملة برده علي ما اعتقد .... بس تلاقيها في بنزينة تاني في مكان تاني
هي الحملة ديه شركة نيسان عاامة هي اللي عاملاها .. مش مركز معين

تسلم يا سونة على التقرير الممتع ده بصراحة اكنى قاعد فى موبيل

الحمد لله انك روحت , وعقبال ما اروح انا كمان باذن الله

انا سالت الصبح فى نيسان نفسها وقالوا نفس اللى عملوا حسين بالظبط

وفعلا فى بنزينات معينة مش كلها , واللى عايز يعرف اللى قريبة منه يتصل بخدمة العملاء 16244

واللى فى الزمالك اعتقد فيها حد من مودرن تقريبا

هما كدا كدا , مش بيعملوا اى حاجة ميكانيكية غير بيكشفوا بجهاز بتاع نيسان كشف الاعطال , وبيعطوا تقرير مفسر زى اللى اخده حسين

والاهم طبعا فلتر التكييف , لان ده مهم , بدل ما الواحد يشتراه , ودى فرصة لملاك نيسان كويسة جدا , وبالاخص لملاك الصنى اللى معندهمش فلتر اصلا , ودى مشكلة

وياريت نيسان تخلى الصنى بعد كدا تنزل بفلتر تكييف طالما بيقدروا ينزلوه فى عروض مجانا كدا

على العموم ده ميمنعش ان نيسان دايما ثقتنا فيها كبيرة جدا ودايما بتهتم بالعملاء بتوعها , وده بيميزها دايما عن اى وكيل سيارات اخرى

تسلم على التقرير الروعة ده , وجزاك الله خيرا

اقتباس:

---

المشاركة الأصلية كتبت بواسطة ahmed.tv

تسلم يا سونة على التقرير الممتع ده بصراحة اكنى قاعد فى موبيل

الحمد لله انك روحت , وعقبال ما اروح انا كمان باذن الله

انا سالت الصبح فى نيسان نفسها وقالوا نفس اللى عملوا حسين بالظبط

وفعلا فى بنزينات معينة مش كلها , واللى عايز يعرف اللى قريبة منه يتصل بخدمة العملاء 16244

واللى فى الزمالك اعتقد فيها حد من مودرن تقريبا

هما كدا كدا , مش بيعملوا اى حاجة ميكانيكية غير بيكشفوا بجهاز بتاع نيسان كشف الاعطال , وبيعطوا تقرير مفسر زى اللى اخده حسين

والاهم طبعا فلتر التكييف , لان ده مهم , بدل ما الواحد يشتراه , ودى فرصة لملاك نيسان كويسة جدا , وبالاخص لملاك الصنى اللى معندهمش فلتر اصلا , ودى مشكلة

وياريت نيسان تخلى الصنى بعد كدا تنزل بفلتر تكييف طالما بيقدروا ينزلوه فى عروض مجانا كدا

على العموم ده ميمنعش ان نيسان دايما ثقتنا فيها كبيرة جدا ودايما بتهتم بالعملاء بتوعها , وده بيميزها دايما عن اى وكيل سيارات اخرى

تسلم على التقرير الروعة ده , وجزاك الله خيرا

---

أهلا...أهلا بعمدتنا .......... ياكبيرنا متشكرين علي النصيحة الجميلة ديه
انا كنت مكسل ..... ربنا يجزيك عني خيرا
وياعم هاقعدك في التكييف ابو فلتر حبة ياعم ان شاء الله ... يلا ابسط ياسيدي :))
تسلم يابو حميد ...... ربنا ييسرلك الخير
اقعد بالعافية :bye2:

اقتباس:

---

المشاركة الأصلية كتبت بواسطة sonasteel

ديه حلاوتك ياويل ....... يابني الصيانات ديه للناس المحترمة امثالك اللي نفخة العربية :))
ربنا يباركلك فيها :))

---

اوشاعات اوشاعات اشاعات انت ياسحس :nemoflow:

يابني عربيتي الحمد لله زي الفل حتي اسال احمد سافرنا بيها مره اسكندريه و اوعا وشك يابا حتي بالأماره نفخت تيدا مانيوال مش اوتو صح ياحمد :Copy of m-s5:

اقتباس:

---

المشاركة الأصلية كتبت بواسطة walidadel

اوشاعات اوشاعات اشاعات انت ياسحس :nemoflow:

يابني عربيتي الحمد لله زي الفل حتي اسال احمد سافرنا بيها مره اسكندريه و اوعا وشك يابا حتي بالأماره نفخت تيدا مانيوال مش اوتو صح ياحمد :copy of m-s5:

---

ههههههههه ...... هايقولي تيدا برده ... خلاص يابني راحت عليها
ديه قربت تبقي تقفيل مصري هع هع هع هع
ياويل انت عربيتك بفضل الله وسام علي جبين كل واحد معاه صني هههههههه
ربنا يباركلك فيها ...... وانفخ عربيتي زيك :d

احسن حاجه ان مافيش فلتر تكييف بالصني علشان مش مقتنع بيه اصلا لانه بياثر كتير علي كفاءة تبريد المكيف علشان كده افضل شئ تقفل الهوايه وانت مش هتحتاج فلتر اصلا

انا روحت موبيل المقطم ولقيت هناك المهندس محمد غالى من السبع زهراء المعادى

طيب يا جماعة أنا سيارتي ركبت فيها فلتر بعد صيانة 1000 في السبع
هل سيعطوني كوبون فلتر أيضا ؟؟

اقتباس:

---

المشاركة الأصلية كتبت بواسطة ahmedya1976

احسن حاجه ان مافيش فلتر تكييف بالصني علشان مش مقتنع بيه اصلا لانه بياثر كتير علي كفاءة تبريد المكيف علشان كده افضل شئ تقفل الهوايه وانت مش هتحتاج فلتر اصلا

---

بس مش أعتقد ان الهواء اللي بيجي من بره العربية أحسن للتكييف ولا العكس؟
وغير كده انا عندي علي الدرجة التانية بيبقي في ريحة كمكمة كده او تراب مع اني قافل الهواية مش عارف ليه

اقتباس:

---

المشاركة الأصلية كتبت بواسطة y2y1500

انا روحت موبيل المقطم ولقيت هناك المهندس محمد غالى من السبع زهراء المعادى

---

زي الفل ...... والله شركة محترمة .... ربنا يباركلنا فيها كمان وكمان

اقتباس:

---

المشاركة الأصلية كتبت بواسطة magdy_press

طيب يا جماعة أنا سيارتي ركبت فيها فلتر بعد صيانة 1000 في السبع
هل سيعطوني كوبون فلتر أيضا ؟؟

---

اعاقد هتاخده عادي برده .... لانه مسألنيش لو كنت مركبه ولا لأأ
معرفش بقي ممكن تأخده قبل 30-6 وتخليه معاك مثلا لغاية ما تغير اللي معاك ده علي 10000 ولا لازم يركب؟
ممكن لو روحت الصيانة اسألك عليه ان شاء الله

ايه يا حسين الحلاوة ديه .. بس كده دوخة يعني لازم انزل القاهرة عشان اكشف علي العربية و اخد العرض كما .. علي العموم هنرتب مع بعض مقابلة منها اشوفكم و منها اعمل شيك علي العربية

شوفتوا بقي عيد ميلادي 28-05 كان حلو عليكم ازاي .. عمل ليكوا كشف مجاني علي العربية بفلتر تكييف مجاني و خصومات علي قطع الغيار و المصنعية

اي خدمة شباب

تسلم ايد يا سونا

تسلم اديك يا حسين باشا

ربنا ما يحرمنا منك ولا من مجهودك

في انتظار المزيد

اقتباس:

---

المشاركة الأصلية كتبت بواسطة Peaceman

ايه يا حسين الحلاوة ديه .. بس كده دوخة يعني لازم انزل القاهرة عشان اكشف علي العربية و اخد العرض كما .. علي العموم هنرتب مع بعض مقابلة منها اشوفكم و منها اعمل شيك علي العربية

---

اقتباس:

---

المشاركة الأصلية كتبت بواسطة Peaceman

شوفتوا بقي عيد ميلادي 28-05 كان حلو عليكم ازاي .. عمل ليكوا كشف مجاني علي العربية بفلتر تكييف مجاني و خصومات علي قطع الغيار و المصنعية

اي خدمة شباب

---

ههههههههههههه ...... منتحرمش يابيشووووو
طيب ما تحاول تقرب عيد ميلادك اللي جاي :))
شاكر مرورك يابيشووووو ..... اقعد بالعافية :bye2:

اقتباس:

---

المشاركة الأصلية كتبت بواسطة tarekmomo

تسلم ايد يا سونا

---

منتحرمش طارق باشا ...... شاكر مرورك :))

اقتباس:

---

المشاركة الأصلية كتبت بواسطة sedyrohy

تسلم اديك يا حسين باشا

ربنا ما يحرمنا منك ولا من مجهودك

في انتظار المزيد

---

زيزوووووو ....... حمد لله علي السلامة
ربنا يعزك ويبارك في عمرك يا كبييييييير
اقعد بالعافية :bye2:

طب هل كان هناك زحمة يا باشا؟؟؟؟

اقتباس:

---

المشاركة الأصلية كتبت بواسطة wardet

طب هل كان هناك زحمة يا باشا؟؟؟؟

---

خااااااااااااالص ..... انا اللي كنت هناك لوحدي

السلام عليكم
100 100
تسلم إيدك يا سونة
ربنا يكرمك و يعزك
بس عايزين نعرف القول الفصل في موضوع الفلتر ده ، هو فعلا بيبقى فيه ريحة مش كويسة في أول التشغيل و ممكن الريحة دي تروح مع الفلتر بس في رأي تاني بيقول إن العربية أصلا من غير فلتر يبقى مالوش لازمة و إنه بيضعف قوة التكييف
و بعدين في الحيرة دي:dumb:
على العموم الواحد يروح و ياخد الكوبون و بعدين يفكر براحته

طب حد استفسر عن الاماكن التانية اللى موجودين فيها؟؟؟
يعنى هل فيه فى المهندسين مثلاًَ

اقتباس:

---

المشاركة الأصلية كتبت بواسطة mff_629

السلام عليكم
100 100
تسلم إيدك يا سونة
ربنا يكرمك و يعزك
بس عايزين نعرف القول الفصل في موضوع الفلتر ده ، هو فعلا بيبقى فيه ريحة مش كويسة في أول التشغيل و ممكن الريحة دي تروح مع الفلتر بس في رأي تاني بيقول إن العربية أصلا من غير فلتر يبقى مالوش لازمة و إنه بيضعف قوة التكييف
و بعدين في الحيرة دي:dumb:
على العموم الواحد يروح و ياخد الكوبون و بعدين يفكر براحته

---

ربنا يبارك في عمرك يا هندسة
انا والله كنت مستعجل امبارح ونسيت افصصله العربية وايه اللي فيها
انت لما تروح اسأله عليه
ومشهانخسر حاجة ان شاء الله
اقعد بالعافية :bye2:

اقتباس:

---

المشاركة الأصلية كتبت بواسطة wardet

طب حد استفسر عن الاماكن التانية اللى موجودين فيها؟؟؟
يعنى هل فيه فى المهندسين مثلاًَ

---

شارع الهرم
المقطم
الزمالك
مدينة نصر
مساكن شيراتون
اعتقد اقرب حاجة للمهندسين ........ الزمالك

انا روحت امبارح موبيل مدينة نصر اللي حسين راحها واداني الكوبون وبعد كدة سالتو عن الفلتر دة بيتغير كل اد ايه قالي كل 20 الف قولتلو هو مهم الفلتر دة فقالي اه سالتو كب ازاي لما هو مهم نيسان مش بتنزلو مع العربية ؟؟؟؟

بصلي وضحك وقالي اسال نيسان

انا بصراحة مش عارف لما هو مهم ليه نيسان مش بتنزلو مع العربية ؟؟؟؟

يا ريت لو حد عندو اجابة يجاوبني

الف شكر على الخبر الجميل ده .. بس ياريت فعلا يكون فيه مصداقية ويسلمونا الفلتر ويركبوه.. مش نروح مركز الصيانة يقولوا لنا اصل فيه ضغط دلوقت وهو مش موجود وتعالوا الأسبوع الجاي وهكذا لغاية ما ينتهي الشهر...

طب ممكن بقى عشان الموضوع يبقى كامل
تتعمل مشاركة فيها الاماكن اللى موجود فيها الفحص المجانى مجمعة

انا رحت امبارح موبيل اللى جنب كايرو مول بالهرم
كان هناك الناس بتوع السبع
وادانى كوبون فلتر التكييف
وكمان ادانى كوبونات الخصم بتاعت السبع بقيمة 1000 جنيه

هو العرض ده مفيش منه في المنصورة؟
انا بحاول اتصل ب 16244 بيقولي لا يمكن الاتصال بهاذا الرقم هو مش رقم موحد لاي تلفون في مصر ولا ايه

اقتباس:

---

المشاركة الأصلية كتبت بواسطة wardet

انا رحت امبارح موبيل اللى جنب كايرو مول بالهرم
كان هناك الناس بتوع السبع
وادانى كوبون فلتر التكييف
وكمان ادانى كوبونات الخصم بتاعت السبع بقيمة 1000 جنيه

---

غريبة ..
أنا عملت الفحص يوم الأحد في موبيل المقطم وقابلت اثنين من بتوع السبع
بس انا ادوني كوبون فلتر التكييف + كوبون خصم على قطع الغيار والمصنعية صالح لمد 3 شهور ومفيش موضوع كوبونات الخصم اللي بقيمة 1000 جنيه

هل فيه حد فعلا راح واستلم فلتر التكييف؟؟
وهل ممكن لما استلمه اني أركبه في الحال (وبدون حجز مسبق) ولا لازم آخد له ميعاد للتركيب او انتظر لما ييجي ميعاد الصيانة الدورية الجاية ؟؟

وشكرا...

انا لما استلمت الكوبون وروحت صيانة ال5000 في السبع من كام يوم وركبولي الفلتر
بس المفاجأة بقي
ماخدوش فلوس تركب المصنعية للفلتر اللي هما ال37 جنيه
واكيد لو روحت من غير ما تكون ميعاد صيانة دوريه هاتستلمه عادي لانهم محددين له وقت مش مفتوحة علي طول......!!!!