طب ما تبص على الرينو داستر
العربيه بصارحه شكلها جميل جدا جدا وامكنياتها حلوه
عرض للطباعة
طب ما تبص على الرينو داستر
العربيه بصارحه شكلها جميل جدا جدا وامكنياتها حلوه
بص يا باشا
العربية الاسبيرانزا عموماً عربية عاملة زى البطيخة يعنى انت وحظك
مثال : 516واحد قريبى معاة 2006 لوطال يعملها تمثال هيعمل وواحد صاحبى معاة 2009 بيشتكى مر الشكوى لدرجة انه بقى يخاف يطلع بيها على الدائرى لتعطل من كتر المشاكل اللى فيها
مثال 2 :113 2 من اصدقائى الاول 2009 والثانى 2011 الاول بشكر مع بعض العيوب البسيطة - اما الثانى ورغم انها 2011 لكن راح التوكيل مرتين بسبب سربنتينة التكيف رغم انها كانت فى الشطة لكن للاسف كانت بتنزل مياة جوة العربية والعربية قعدت جوة التوكيل 15 يوم (ابو رواش- دايو القديم) ورجعت وراحت تانى دا غير طبعا المشاكل اللى كانت فى اول مرة بسبب داعيب صناعة لا داعيب مستهلك واتضع انها عيب صناعة بعد ما هددهم بانه هيطلع على جهاز حماية المستهلك
لذلك نصيحة لوجة الله بلاش الصينى عموما
بص با باشا لو عاوز عربية نفس الأستيل بتاع التيجو ففى عربية اسمها زوتى اكسبلوجن العربية دى :
1- 1600 cc , موتور ميتسبيشى لانسر يبانى 106 حصان .
2- تكيف
3- باور
4- سنتر لوك
5- 4 زجاج كهربائى
7- كاسيت c.d - mb3
8- جنوط سبور
9- كاوتش عريض
10- عفشة رياضية
11- زجاج خلفى حرارى + مساحة خلفية برشاش مياه ..
12- فانوس شبورة خلفى
13- قضبان جانبية للحماية
14- قفل مركزى للأبواب
15- مرايات جانبية كهربائية
16- العربية 2*4 طبعا ..
هى عربية كويسة و راااااااااائعة و بتاعة شقى العربية قعدت معايا 5 سنوات و مغيرتش فيها حاجة والله و بالنسبة للسحب فسحب العربية ممتاز انا جبت بيها 145 و كانت ثبتة بشكل رائع و كنت باخد بيها ملفات على 120 و مقلتش لأ ....
بس من ضمن عيوبها عفشتها ناشفة الى حد ما و ضيقة شوية من الداخل ياعنى عاوزة اسرة مكونة من 4 او 5 افراض فقط , محتاجة لتوكيل و مركز صيانة محترم لأن توكيلها المسلمى زى الزفت و له سمعة سيئة للغاية باس العربية بسيطة و يسهل على اى ميكانيكى انه يشتغل فيها ....
انا حاليا بعت العربية كنت شاريها زيرو فى عام 2007 ب 68000 جنيه و بعتها فى شهر يناير 2011 ب 45000 جنيه بعتها و اشتريت رينو لوجان لمجرد تغيير فقط و ربنا يعلم انما هى عربية ممتازة و ممكن اقولك على اسعار قطع الغيار فى التوكيل لو حبيت
فى النهاية اسف على الأطالة و تقبل خاااااااالص تحياتى و ربنا يرفقك فى اختيارك..
ابعد عن الصييييييييييييييييييني
ببساطة شديدة انا مركبتش التيجو فمقدرش اشكر فيها و مقدرش اقول اذا كانت حلوة ولا لأ انا بتكلم على عربية قعدت معايا 5 سنوات و شايف ان العربية جميلة مش وحشة و انا بعتها والله مجرد تغير فقط و انا حزين انى بعتها بصراحة كانت عربية اصيلة جداااااا و متفرقش حاجة عن اليبانى و ربنا يعلم .....
اصحابى بياجروا كل اسبوع عربيتين تيجو فىا لاجازة ديما(معرض صاحبه صاحبنا ومتعودين ناجر منه التيجو ديما...)
فيها مشكلة فى الفرامل انك لما بتكبس عليها بتبرجل منك ولازم تكارك لها زى ما بيقولوا لحد ما تلقط معاك
اخرها 140ل 150 على اخر دواسة بالبنزين(دى العربيات الى بنجبها )معرفشى كله كدا ولا لا
الصاج والتقفيل زية زى اى جديد صاج خفيف وتقفيل مش حلو اوى..ماعدا اللوجان هى الى صاجها قوى بخلاف الباقى طبعا
عفشة الصينى ديما بتحتاج انك اول ما تجيبها تروح تغيير السوست ب طقم المانى وبعد كدا تنساها بقة(نصيحة من زميلة فى العمل عندها عربية m11من سنتين والحمد لله ماشاء الله ما شاء الله ماشية معاها تمام)
كمجمل الصينى زى البطيخة ممكن انت واخوك تشتروا عربيتين جنب بعض من نفس المعرض هو بتاعته تمام وانت لا...
وهى مش رخيصة بصراحة
انا معاك فى نفس الموضوع لانى بعيد عن السامعين لسة عامل حدثة بعربيتى وطريح الفراش وهجيب عربية تانية قسط..ف طبعا العربيات العالية عينى هتطلع عليهم بس الى بيحكمنى الكاشات
فى عربية صينى تانية اسمها جريت وول موديل كول بير..دى شبة الدايهاتسو جدا...بس معرفشى اسعار قطع غيارها....
ماتخليك فى المضمون محدش لاقى فلوسة فى الشارع او مش احنا بتوع نغامر بفلوسنا بصراحة الواحد بيطلع عينه لما يحضر مقدم عربية او تمنها مفهوش مجال للمخاطرة
سورى للاطالة بس انا عشان فى نفس موقفك بفكر معاك
معلومة(انا دماغى فى اللوجان بس هى لسة زايد سعرها من 70ل77 عشان فى اوبشنز زادت فى العربية) وياميسر الحال نقوم بس بالسلامة ونشوف القديمة هتتكهن ولا هنعمل فى امها اية
ملحوظة: مفيش رينو لوجان فى السوق دلوقتى لأن الطلب عليها جااااااااامد اليومين دول و مع ذلك الناس بتحجز ففى دفعة اتحاد اوروبى + المغربى قادمة الى مصر فى شهر 7 تقريبا .....
الفرق بين الأتحاد الأوروبى و المغربى: ان الأتحاد الأوروبى فيها 2 اير باج و نظام فرامل abs مانع للأنزلاق اما المغربى فيوجد بها اير باج واحد للسائق و لا يوجد بها فرامل abs