الموضوع: عاييز تفسير للموقف دة من الاعضاء الاكبر سنا يمكن اكون غلطان

ممكن يكون احرج يرنلك عشان تديله الظرف . نوع من انواع الكرامة.

انا قابلتة قبل كدة فى الشارع و حصل نفس الموقف رن عليا و انا اتصلت بية و اديتلة الظرف
و بالعقل كدة هيتكسف منى و احنا فى الشارع و مش هيتكسف ادام اصحابة فى الشغل
انا عايز اعرف هو عمل لية كدة
ممكن علشان يبين انة مسكين و بيحتاج الفلوس و مينفعش تتاخر علية و لا اية و الا ممكن عايزيهم يزودوا الفلوس شوية انا مش فاهم حاجة
اللى مجننى انى انا طلعت فى الاخر مش كويس و الكلام اللى اتقال بعد كدة ان دة عمل خير و كدة و لية عملت كدة

المشاركة الأصلية كتبت بواسطة alaasaid

السلام عليكم .

معلش حضرتك أعذرة لان فى ناس كتير اليومين دول ظروفهم صعبة اوى و فى نفس الوقت عندهم عزة نفس و صعب عليه انه يستلف , عموما حاول بقدر الامكان انك متأخرش الفلوس لان الله أعلم هو محتاج الفلوس فى ايه ؟ يمكن عشان علاج او حتى عشان يشترى أكل للاطفال .

المهم متزعلش و ان شاء الله ليك ثواب

دة فى الغالب ممكن تكون ظروفة كدة و حالتة صعبة
و برضة معرفتش هو اذاى اتصل بيهم و حد تانى قابلة و ادالة الفلوس يعنى معاة رصيد يتصل بيهم و ممعهوش رصيد يرن عليا

المشاركة الأصلية كتبت بواسطة yassin_samir

الموضوع ببساطة انى كل شهر تقريبا صاحب والدة صاحب الشغل تدينى ظرف علشان اوصلة لواحد و اللى انا فاهمة انة مساعدة لية علشان ظروفة او لاى سبب اخر انا مش فارقة معايا المهم انا بقابلة عند شغلة و اديلة الظرف
اللى فية الفلوس و شكرا على كدا بس فى ملحوظة انا بروح المشوار دة بعد ما اخلص شغلى الاساسى و لما افضى خالص ممكن اتاخر علية يوم او اتنين بس فى الاخر حاجتة بتوصلة ممكن بسبب النسيان و بقول ان الواحد بيعمل ثواب
المهم اخر مرة برضة اتاخرت علية يومين تقريبا بعدين حد فكرنى انى اوصلة الظرف فا تصلت بية و قولتلة انت هتخلص شغل امتى و كدة و وطريقك و انت مروح اذاى و لقيت ان بيتة بعد منى فلازم يعدىمن مكان قريب منى جدا يعنى انا مخليتهوش يغير طريقة او يقطع مسافة اخرى زيادة على طريق مرواحه لبتهم
المهم قولتلة استنانى عند المنطقة كذا و رن بس و انا هكلمك
بس و بعدين انا مستنى و مرنش و انا نسيت الصراحة
تانى يوم اكتشف الاتى
بسال انى اودى الظرف للراجا دة قالولى خلاص احنا اتصرفنا و بعتنا لية فلوس تانية علشان هو استناك و انتا مجتش
سالت هو لية مرنش عليا كان الرد انة مكنش معاة رصيد و مكنش معاة ولا مليم فى جيبة ملحوظة هو معاة متوسيكل
طيب انا لما كونت بروحلة الشغل كونت بلاقلا مش اقل من 6 افراد اخرين شغالين معاة ولا واحد منهم معاة فلوس
يسلفة مثلا دة لو كلامة صح و الاخر طلعت انا ندل عايز تفسير منكم

لا إله إلا الله
شوف يا سعادة الباشا، لو هو محتاج الظرف هييجي من آخر حتة في البلد لغاية عندك
لو معاهوش رصيد، يدخل أي محل موبايلات أو سنترال في مكان المقابلة ويتصل منه بيك والدقيقة مبتكلفش خمسين قرش... وحتى لو مش معاه يبقى يدفعها لما ياخد منك الظرف
يعني متشيلش همّ وضميرك يأنبك

وبعدين الشهر الجاي خليك مصرّ توصّل الظرف بنفسك وابقى اعزمه على عصير ولا أي حاجة عشان تراضيه
وإن كان الموضوع مضايقك فلا حرج لأن ده تطوّع وأبواب الخير كتير

إحنا كدة شعب عجيب
معلش واحد بياخد إعانة ومش عارف يتصرف ازاي ولا حتى يتصل بالتليفون


والله العظيم أنا شفت موقف بعيني من كام سنة كالآتي:
ماشي في ش مصدق في الدقي في فترة الراحة ألاقي تجمع صغير من الناس الضريرة - ربنا يعوضهم ويصبرهم
وألاقي 2 كفيفين جايين من أول الشارع ماشيين تاتة تاتة
كل ده عشان سمعوا إن فيه ناس بتوزع صدقة
ماشي بالراحة أنا (وبقول في سري ياربي ما توريها لي ولا لأهلي ولا لحد تاني أبدا) وعرفت إن فيه منهم جاي من حلوان
حلـــــــــــــــــــــــ ـــــــوان بالمترو عشان ياخد صدقة والاتنين مسندين بعض لغاية ما وصلوا


والبيه اللي بتقول عليه ده مش عارف يتصرف في موبايل؟ الحقيقة لا تعليق
ولو بيتكسف يبقى جاي ياخد فلوس ليه من أساسه؟

مش هقول غير: لا حول ولا قوة إلا بالله العلي العظيم

المشاركة الأصلية كتبت بواسطة honda4ever

لا إله إلا الله
شوف يا سعادة الباشا، لو هو محتاج الظرف هييجي من آخر حتة في البلد لغاية عندك
لو معاهوش رصيد، يدخل أي محل موبايلات أو سنترال في مكان المقابلة ويتصل منه بيك والدقيقة مبتكلفش خمسين قرش... وحتى لو مش معاه يبقى يدفعها لما ياخد منك الظرف
يعني متشيلش همّ وضميرك يأنبك

وبعدين الشهر الجاي خليك مصرّ توصّل الظرف بنفسك وابقى اعزمه على عصير ولا أي حاجة عشان تراضيه
وإن كان الموضوع مضايقك فلا حرج لأن ده تطوّع وأبواب الخير كتير

إحنا كدة شعب عجيب
معلش واحد بياخد إعانة ومش عارف يتصرف ازاي ولا حتى يتصل بالتليفون


والله العظيم أنا شفت موقف بعيني من كام سنة كالآتي:
ماشي في ش مصدق في الدقي في فترة الراحة ألاقي تجمع صغير من الناس الضريرة - ربنا يعوضهم ويصبرهم
وألاقي 2 كفيفين جايين من أول الشارع ماشيين تاتة تاتة
كل ده عشان سمعوا إن فيه ناس بتوزع صدقة
ماشي بالراحة أنا (وبقول في سري ياربي ما توريها لي ولا لأهلي ولا لحد تاني أبدا) وعرفت إن فيه منهم جاي من حلوان
حلـــــــــــــــــــــــ ـــــــوان بالمترو عشان ياخد صدقة والاتنين مسندين بعض لغاية ما وصلوا


والبيه اللي بتقول عليه ده مش عارف يتصرف في موبايل؟ الحقيقة لا تعليق
ولو بيتكسف يبقى جاي ياخد فلوس ليه من أساسه؟

مش هقول غير: لا حول ولا قوة إلا بالله العلي العظيم

والله مش عارف اشكرك اذاى انت بالقصة دى ريحتنى جدا و كونت فاكر انى جنيت على الراجل

من اداب التصدق انك تخلي ايدك هي اللي تحت ويد المتصدق عليه هي اللي فوق علشان تراعي كرامته
فطول بالك شويه واتعب حبتين متعرفش ربنا بيجازيك عن المجهود ده بايه حتي لو الراجل ده ضايقك شويه احتسب عند ربنا

انا معنديش مشكلة انة يضايقنى المشكلة انى اطلع ادام صاحب الشغل مقصر فى حقة و دة اللى عملة الافندى و خصوصا انة همل خير مش شغلى دلوقتى هو فاهم انى بتهرب من المشوار دة على اساس انة مش من طبيعه شغلى او انا بحاول افهمة كدة